Dobar dan cure i dečki. Mi je ovih par dana nekak išlo dost toga naopak, al sam se ipak nekak provlekel kroz njih. Sam vam tak v petak rekel da beloga v ovom problemu niš nemre zvleč, al more ipak. Če beli dobro igra bi trebal namestit ko-borbu. To je kak prvo kaj nis dobro napravil. Sam vas navlekel da mislite kak beli mora sav popadati. No, ak ste dobro gledali bi trebali na ko zijti.
Sam onda se zaletil v partiji z Meštrom, pa me tak prepucal i to baš v poziciji kaj na probleme podseća. Me je zrušil v dva vugla. Me skor sram bilo, al sam se već pomalo počel navikavati na svoje bedastoće. Zapraf se morem delati kak god pametan, al bedak ostane bedak. Bi mogel samo više toga čut i znat, al kak velim bedak svo znanje na kraju bedasto vpotrebi. Mi nakak lakše, kad vidim, da je nas bedakov ipak više, pa se zgubim med njima. Nekak smo jedan drugom podrška. Je valda po našem, kad nas je više.
Pa sam se onda zalatel na Helixicinom blogu. Je ženska tak lepo pisala o Hamletu na Brijunu. Kolko sam čul i videl na televiziji se to tam predstavljalo. Se čak i jedna ženskica tam umjetnički tak v zanosu izražavala, da se zaboravila obleči. Pa mi je čist lakše kad vidim da se i drugima dogodi, da se zaletiju i dost toga zaboraviju. Sam tam, kak da se razmem i kakda bi nekaj pametnoga reči mogel, kometiral. Pa sam tam nekaj napisal i poslal. I sve bi to tak bilo, da nisam onda probal i pročitati kaj sam napisal. A znate kaj. Ja zbila niš neznam o tom Hamletu. A, ono okolo sve neki, kaj ne samo da kužiju tog tipa, nek i razmeju kaj je mislil i štel. Štel sam pobegnuti, al kak? Kaj sem napisal nemrem zbrisati. Pak sem si mislil, da bi treba se nekak zpričati odmah, da bi oni kaj tam dojdeju i čitaju odmah vidli, da to treba preskočiti, jer se ne dela o nećem vrednom. Pa sem tak još zaglibil. Kaj sad? Pa sam, Bogek moj, praf pobegel. Sad vjutro sam samo došel pogledati tam kaj se još dogodilo. Su me zgleda razmeli i nigdo ni zgleda ni primetil. Znate kaj, norcof svugdi ima, pa su si zgleda i oni tak mislili. Fala Bogu, je zgleda sve dobro i to prešlo.
Na poslu sam nekaj krivo napravil, al je zgleda ipak sve dobro zišlo. Za to je bolj da čkomim, al mi vrag mira neda.
Sem doma v petak dobil, ni sam neznam koju, opomenu za kredit di sam jamac, al za praf nisam htel ni kuvertu otpreti. Ionak plaćam već dva kredita di sam jamac, a za trećega čekam sud. Pa sad i ovaj četvrti mi niš novega ni. Da sem bar ja nekaj dužan.
Da sad ne pripovedam di sam se sve zaletet i nadrapal. Sam se već i privikel. Nek da vam pokažem kak to ide z rešenjem problema.
Već v petak popoldan mi Matej javlja da je našel rešenje. Veli B1. Zanimljivo i idem to pogledati. Ni bez vraga, bi se reči moglo. Bi to nekak probal vloviti s belim na C1, pa bi crni na D1, pa bi beli na C2, (a bi mogel i zeti na A1, al dojde na isto), pa bi crni na F1. Sam se tu zamislil. Znači na B1 se nesme s C1 odgovoriti. Pa kak bi bilo, da beli nakon B1 dene na C2? Tu pa sega ima. Bi crni del na D1. Kaj sad? Bi beli najbolj mogel tu seki napraviti, al to je za beloga dost, da bi se reklo, da crnom ni dobro metnuti na B1.
To mesto na D1, je najinteresantnije i je rešenje. Prvi potez crnoga je 1. D1. Z tim crnim kamenom se kontrolira križišće na C2 i če taj kamen na D1 ostane med živim kamenjem v tom problemu, bi C2 ne moglo oko bit. Če je tak vredi se potruditi za tog na D1. To kad velim se misli i na crnoga i na beloga. Kak se vrti oko tog kamena i križišća na C2 bi trebalo belom odrezati taj kamen od desnog njegvog stupa na H-crti. Če se to dela onak na daleko, bi crni brzo odrezal na C2. Bi tu onda išla mala gimnastika. Me pratite: sad bum ja ko ono jen, dva, jen,dva.... Če ste deli recimo beloga malo dalje npr. Na F1 ili E2, bi išlo crni C2, beli D2, crni C1, beli E1, crni B1, beli A1 (taj pojede 4 crna), crni C1, beli C2 (da ga nebi crni odrezal na tom mestu i zel 4 v vuglu) i sad lepo crni potrga ono da nebi beli napravili oko tam na F2. To već i sami znate kak. Kad se to lepo spregledate i skužite kaj tu se more, se postavite tak da se to nemre narediti. Zato beli igra 2. E1! Sad se ovo, kaj sam tu postavlal, nemre. Kaj to ni lepo. Prvo sve zmišlam, a onda se to napravim da tak nemre bit. Bi se pital človek: 'Do tu koga...?'. Smo bar vidli kaj se nemre, al se mora dobro igrat. To se pak more, ak se dost toga vidi i razme. Se to pak more, ak se človek z tim zanima i dela. Se to tak eno z drugim.
Sad se već razme kaj se dela. Crni bi štel na desno se spojiti, a beli mu to nebi štel dati. Zato crni sad dene 3. F1. Se beli nemre to odrezati z G1, jer mu crni zeme dva kamena z F2. Da bi nekak sačuval to, beli prvi dene na 4. F2. E, pa fino. Kaj sad? Sad crnom ne ostane drugo neg se povezati na 5. G1.
Vite dobro kak to zgleda. Frka je belom da crni ne dene još na C2. Nebi ga smel napasti ni s jedne strane, jer bi onda opal, kaj mu je kamen na E2, već napadnut. Al nekaj ipak more. Se namesti ko, tak da beli dene na 6. D2. Sad crni odmah zeme jednoga z 7. E2. Crni može deti, nakon kaj mu beli vrati ko, ak stigne do toga, i na C1, jer beli nesme spojiti na E2 kaj bi ga crni zel na C2, pa se to zeme kak još jedna ko-pretnja za posle. Bi beli moral toga koa dobiti, a kak se vidi mu je to teže i zbog ove direktne pretnje crnoga igrom na C1.
I tak je i ovo zišlo na ko. Pa bilo je jednostavno. Je trebalo deti samo na pravo mesto i gotovo. Ne se zaletavat kak sam ja to ovih dana više put napravil. Treba stat i pogledat, će vremena ima.
Lepo vas pozdravlam i najte se zaletavat Vaš bl. Muradenu
Post je objavljen 29.08.2005. u 10:03 sati.