Dobar dan cure i dečki, a i svi ostali. Najte mislit ak sam ja tu sad se rasfrflal kajkavski, da je to samo za kajkavce. Ma ne. Ja to sam tak. Se setim kak je bilo kad sam bil mali. Sam onda skužil da su problemi se kaj imamo, pa sam počel razmišlati o živlenju. Sam štel znati kaj je i zakaj baš tak kak je. Tu je se to pri meni nekak počelo. Kad po kajkavski razmišlam, mi to bolj ide. To s problemima mislim. Tak sam počel razmišlati kak to da nema kajkavskog rečnika i pravopisa. Če morti ima, naj mi veliju, gdo zna. Sam prije pripovedal kakti zagorski, al sam videl da je to dost širše. Se ovo okolo se kajkavski doma pripoveda. V moje vreme, da sam mladi bil, v Zagrebu, sad kad živim v Gorici v Turopolju je tu navek kajkavski, v Prigorju, v velkom delu Podravine, i se neznam de još. Da se ne motaju oni kaj ne razmeju preveč dobro kajkavski 'se' koji put 'sve' znači. Pa tu onda baš ni fer mislit da je to samo zagorski. Nebi štel ko neki kaj misliju da je ono njihovo za se. Nebi se štel praviti z tim tak važan. Pa sam tu štel reč jeno moje razmišlanje. Morti je negdo i napisal pravopisa, al mi zgledi da se to ipak nemre. Glečte, kajkavci pričaju ne baš isto sagde i sagda. Sam već negde rekel da se tu i tam selo do sela baš i ne razmeju preveč. Kad pravopisa pisati šteli, bi morali napraviti, da se nekaj baš tak mora pripovedati, kak bi tam pisalo. Pa kaj bi na to oni iz susednog sela rekli. Bi se nakraju morda i posvadili. Pa, sam tak razmel, da pri kajkavskom pripovedanju se more na razne načine pripovedati, al se nekak razme kaj je kaj, jer je se to nekak jenako. Tam di imaju pravopise se baš tak mora pripovedati. I sad kaj je tu ono važno. Tam di imaju jezika z pravopisom oni tak moraju govoriti, a oni kaj nemaju moreju sakak pripovedati, al da se razme da je to tak. Se nismo jenaki samo v jenom slovu, bi rekel. Oni moraju, mi moremo. More i more samo ni jenako v 'e' i 'a'. Če me pitate kaj je bolše, bi rekel onak po kajkavskoj pametnoj 'Kak se zeme'. Tu smo i dedu Einsteina prešišali. Če bi negdo mislil kak je to v ova vremena nekak ne dobro, kaj se ljudi s raznih stran spominjeju, pa se nebi razmeli, si mislim, da je to baš dobro. Znate kaj? Če pripovedate z nekim kaj pripoveda drugače nek vi, se bute trudili razmeti ga, pa bute razmeli i ono, kaj da vam priča kak se mora, nebi vidli. Bute si mislili kaj je on to štel reči. A jel tak razmišlate, kad odmah vidite kaj je to kaj je rekel. A ono može biti figa. Smo tak kajkavci razvijali čitanje med redi, spominjanje kad povedaš eno, a misliš drugo. Pa čak i nikaj ne moraš reči, a nam je sve jasno. Tu bi sad štel nekaj reči kaj sam tek nedavno čul. Mi se to tak dopalo! Ste morti čuli za Sokrata. Je pravi. On niš ne piše, nek samo pripoveda. Kad sam to čul mi zgledalo, da je pametnih navek bilo, pa i sugde. Je on to rekel, da je to živa reč. Da, živa reč. Pa to je to. Zato mi kajkavci ni nemamo pravopisa. Morti bi se reklo, da bi se moglo pripovedati kaj je kaj pri pripovedanju. Razmete. Bi ovi naši mladi rekli, je Sokrat ful pravi! I još samo nekaj. Si morete i zmislit neku reč, pa bute vidli jer vas razmeju. Je to živa reč, kaj ne.
To mi se dost dugo po glavi motalo, pa sam i vama rekel. Če se sad vama počne po glavi motati i če bu kakav problem pri tom recite. Morti skup nekaj novoga zmislimo. I ni bez veze reči ono: 'Se razme.'.
A problemček. Znate da oni za nas i nisu nekaj kaj se nemre. Sad su tu četri, a ne tri kamena na tretjem redu. Se tu nekaj menja? Da, jer se prije igralo na prvom redu po sredini ispod ona tri prije. Kak bute sad igrali po sredini između ova četri. To je ko u onom vicu: '. ...Digni levu, pa sad desnu....', da ne pričam se. Znam, nete igrali v sredinu. Sam pogodil?
Ajde zrušite belo kamenje. Ja vam bu rešenje tu del v ponedjelek i bim vam se to lepo zpripovedal, da vam se jasno bu. Znate več.
Jedva čekate da se prihvatite problema. Ajte, ajte. Nebi štel smetati više. Vas lepo pozdravlam i se avm dobro želim Vaš bl. Muradenu
Post je objavljen 26.08.2005. u 11:05 sati.