Utorkom je go-radionica u knjižnici za mlade u Folnegovićevom naselju. Zanimaciju vodi striček Zvonko. Idem tam videti kaj se dela, a bum se i ja malo zanimal. Malo sam kasnije stigel, ali taman kak je zagrijavanje prijateljskim igrama prošlo i već su počeli kakti za zbilja igrati. Je Zvonac pokrenul uobičajena dva turnirčeka. Tak se svaki put dela. U jačoj grupi na velikoj standardnoj ploči 19x19 igraju go trojica: Robi, Filip i Arsim. Na maloj 9x9 ploči igraju interne kategorije atari-go. Tu ih se sakupilo sedmero.
Sedam uz stol gde igraju prvu partiju njihovog tromeča Robi i Filip. Filip je crni. Je Robi zagradil više. Filip je opal u jednom kutu, a Robi u drugom. Nema više poena i treba reči: 'Pass' i to i jedan i drugi, ali Filip neće. On bi još nekaj probal. No, dobro, ali niš se više nemre. Nemre se čoveku ne dozvoliti da proba i ono kaj nejde. I metne tak Filip, a Robi odgovori. Ja kak neki stariji i iskusniji igrač i kak se veli učitelj goa, pitam Robija: 'Kaj si moral?', a Robi meni: 'Pa tak sam sigurniji'. Druga je stvar kaj si je del kamen u prostor i smanjil ga. Tak ni dobil poena. Ponovi se tak još jedamput. Treći put, nakon kaj Filip odigra u njegov prostor, konačno Robi veli: 'Pass'. Baš sad je ipak imalo smisla odgovoriti. I sada krene Filip još oštrije, ali još uvjek se niš nemre, mada je frkovito. I tak je došlo do situacije koju možete videti na slici uz ovaj post.
Crni u kutu ima jedno oko na B1 i B2 i to je jedino koje tu na slikici ima. Tak nemre živeti. Ipak se može nekaj probati i beli mora brzo nekaj napraviti, jer je na potezu. Kam da dene svoga kamena i da crnom sve padne?. Bute vidli, ak već ne vidite, kaj treba deti. Ak beli zeme kamen crnome na J2, tak da dene svojega na J1, mu crni dene na F5. Tak bi odmrčali svih šest belih u sredini slike. Treba još metnuti crni i na G5, al ga beli nemre u tome više sprečiti. Znači da beli treba spasiti te bele kamene, a ovak kad zeme toga na J2 nemre to napraviti. Vidi Robi problem i razmišla, ali mu ruka mira neda. Bila je brža od pameti. Metnula je beli kamen na G1. Je videl, da treba probati zarobiti tri crna kamena na F2, G2 i G3, pa ih je i napal. Kaj je Robi tu napravil? Zamislite si, da su ta tri crna šnita orehnjače na tanjuru. Tak bute bolje razmeli problem. Če vam protivnik zeme onih šest belih iznad, to je kaj da vam je zel tanjur s orehnjačom. Znači treba brzo zgrabiti orehnjaču i u usta z njom. Kak bute to napravili, ak se može? Može se. Treba je približiti sebi da bi je smazali. Zamislite da zemete orehnjaču i gurate je od sebe. To je napravil Robi. Kad je del na G1, Filip mu je pojel taj kamen tak da je del na F1 i ode orehnjača. Robi je još probal uzeti onaj na J2 metanjem na J1. Na to je Filip odigral na F5, a Robi onda uzel i drugoga crnoga potezom na G1 i Filip je smazal onih šest belih kad je stavil na G5. Je ostalo Filipu samo fala reči Robiju. A znate kaj je Robi trebal napraviti? Trebal je v poziciji koju vidite deti na F1. Kužite? Namera je odma pojesti tri crna če dene još i na G1. Se spasiti od toga Filip nemre, al može probati, ak zeme taj jedan beli potezom na G1. E, Robač, sad trebaš deti na J1, smazati taj jedan crni na J2 i zapretiti zeti sada pet crnih. Tak je sad svejedno jel Filip dene ili ne na F1, jer ga onda možeš zeti na D1. Kad si del na F1 i kad ti je Filip njega zel je nastala crna petorka koja ti je sad bliža. To je ko kak da si si približil orehnjaču. Vidiš? Si pogleč. Celo vreme crni ni imal vremena zeli onih šest belih, jer ga je beli stalno htel zeti. U gou je stalno sve nekak ko u životu. Ni bila greda u onomu 'Pass', nek nisi ovo dobro videl. Nemoj sad drugi put igrati ak ne treba, da bi sigurniji bil, nek dobro pogledaj kaj se more. I tak je Robi partiju šenkal.
Je posle igral s Arsimom. Imal je partiju v rukama, al je pak nekaj zaboravil. Je ni videl ni Arsim, pa se Robi ipak zvlekel. Mu lepo velim: 'Robi ne igrati z rukama, nek z glavom. Ruke moraju slušati glavu, a ne da se z njima posle vloviš za nju. Kužiš?'. Razmel je Robi, a jel su ruke? Če nisu, bum drugi put to njegvim rukam rekel.
Je Filip pobedil još i Arsima i bil je prvi. Njegova je bila današnja Folka. Robi je bil drugi, a Arsim treći.
Kaj su delali ovi manji na atari-gou? Na kraju su jednaki po osvojenim bodovima bili troje: Lorena Momčilović i braća Arton i Alan Azemi. Je Zvonac odredil da igraju tromeč od po jednu partiju atari goa. Arton i Lorena trebaju za pobjedu zarobiti po četiri kamenčića, a Alan tri. Prvo je Arton pobjedil brata Alana, a onda i Lorenu. On jednostavno skuplja kamenčiće po ploči. Jedan tu drugi tam i tak do četiri. U trećoj partiji Alan je uspio pobjediti Lorenu. Tak na kraju je pobjednik atari-go turnira bil Arton, drugi je Alan, a treća Lorena.
Još smo ostali igrati prijateljske za vježbu. Ja sam igral s Krešom, Alanom i njoš s nekima. Sam im rekel, da ak mi zarobiju samo jedan kamenčić, pobjeda je njihova. Ja bum pobjedil jedino, ako mi do kraja, dok se još može igrati, ne uspiju zarobiti taj kamenčić. Usput sam im pripovedal kaj je dobro i kak treba tu stvar gledati.
Prošla je još jedan Folka. Ima malenih kojima je ovo zanimljivo.
Lepi pozdrav Vaš bl. Muradenu
Post je objavljen 24.08.2005. u 09:52 sati.