Al ste se zalaufali!?!? Vidim da nigdo rešenja ni dal v komentaru. Je jedino 'ina' dobro primetila za vešmašinu. Vi kaj gruntate, ak hočete, gruntajte dalje, ali ja bum rešenje del, kak sam obečal vu petak.
A, za gruntati je bilo fajn. Moglo se i ovak i onak, al ak ste dobro slagali, se beli ni zvleči mogel. Ak se slučajno zvlekel, niste nekaj za crnoga dobro delali. Ak ste dobro delali, to vam se onda samo pričinavle. Z tim kamenjem je nekaj čudnoga. Če gledate isto poslagano kamenje sad i tam posle, vam ne zgleda ko da je to isto. To vam je tak kaj si stalno nekaj gruntate, pa vam sve nekak drukše zgleda. Tak vam i v životu isti penezi sad i posle ne zgledaju isto. Ni to zato kaj se to promenilo, pa se i ni, al pri vami je nekaj drukše. Tak je i s problemima. Ono kaj vam je jemput bil problem, drugi put ni. Bi čovek rekel da ste nekaj nafčili. Tak malo po malo sve ste pametnejši. Me tu samo jena stvar navek zbunjiva. Još dok sam mali bil su mi neki rekli nekaj, kaj je njima mudrost bila: 'Celi život vučiš, a bedast vumreš.' Sam si puno o tom gruntal. Nekaj sam i zgruntal do sad, al nis do konca još došel. Sam kak ovi kaj još gruntaju o ovom problemu. Nebi sad štel filozofijerati tu o tom kaj sam dogruntal, a bilo bi tu kaj za reč.
Da ne pozabim, bi problema rešiti treba. Tu bum vam metnul dve varijante. Ni jedna ni dobra za beloga. Ima njih još, ali su te dve kakti različite. Kak da vas pri Zaboku negdo pita: 'Kud treba za Rim iti?' Vi mu velite: 'Može levo, al može i desno.' Vam na to čovek normalo veli: 'Fala lepo.' i ode kak ste mu rekli.
Ste več prije v ovim problemima vidli kak se ponaša prema dve točke kak su ovde G2 i J2. Ih treba kontrolijerati. To delate tak da denete crni kamen na 1. H1. Onaj G2 ne zgleda kak ono v prijašnjim problemima na levo, al vi to možete naterati beloga da tak bu. To bute vidli za koji potez kak se dela. Sad vam pripovedam o nečem čega tu nema, a bilo bu. Vama, ak ne kužite, ne ostane drugo, nek da mi verujete. Tak vera i postane. Če nemrete videti ni razmeti vam ona ostane. Negdo bi možda rekel da ak ne vidi i nemre razmeti, da toga ni. To vam je kak da slepi veliju da ničega nema. Zato se najte žurit. Polako bute više nafčili.
Kad ste deli na taj H1, je frka da bi deli još i na J2. Ak bi to napravili beli više niš nebi mogel. Kamen na K2 bi sigurno odmrčal. Bumo sad pogledali prvu varijantu. Beli dene 2. J1. Z tim si spašava kamen na K2 i hoče delati dva oka. Ak crni ne odigra dobro dalje lako to i napravi. E, vite sad crni ide prisiliti beloga da napravi onak kak je bilo v onim prijašnjim problemima. Dene na 3. F3, na kaj beli mora zaustaviti dalnje slaganje crnom prema dole z 4. F2. Vite sad je ko vu onim prijašnjim problemima de crni kontrolijera G2 i J2. Pa kad je tak več se vidi da crni treba deti na 5. G2. To je fundament. Sad crni meče beloga pred nerešiv problem. Prva grožnja je povratni udarac na J2. To valda vidite. Beli je več razvdojen na dva komada. Ko prvo, beli mora deti na 6. J2, da mu crni ne smaže povratnim udarcem ovo kamenje na trećem redu, ali bu onda nastala situacija v kojoj beli niš nebu mogel. Čim je del na taj J2, nesme više napasti crno kamenje s H2, jer bi mu ovaj smazal sedam njegovih kaj bi del na L1. A more li ga napasti s leve strane?. Niš ni od toga. Bi išlo: beli G1; crni bi požrl toga kaj bi del na F1; bi onda beli del na E1 kaj bi mislil da je koa zmislil, al za frišku figu je to jer; crni dane na G1 i mu se samo nasmeje; če sad beli smaže četri crna metanjem na H2; crni samo dene v sredinu na G1 i tu nemre bit dva oka. Znači da za crnoga tu nema frke i dene mirno 7. D2, da se beli ne širi prema kutu i ne zmogne mesta za nekakvo oko na prvom redu. Sad bi beli još mogel probati pripremiti nekakav ko, pa dene na 8. E1, al to crni lako spreči kad dene 9. G1 i tu više nemre biti dva oka za beloga.
Poglečte još na brzaka i drugu varijantu. Tam na onaj 1. H1, beli dene na 2. H2. Crni mora držati na levo, jer bi tam beli mogel delati oči, kaj je tam širši i igra 3. G1. Beli sad nesme deti na J1, jer bi išlo: crni F3, Beli F2, crni L1, beli pojede na F1 i crni na K1 i to je opet samo jedno oko za beloga. Zato beli igra na 4. G2. Sad crni prisilava beloga na ono kaj on nebi štel. Igra mu 5. J1, da bi pobegel prema van i se povezal s kamenima zvana, ak dene još na K1. Da se to ne pripeti, beli to zaštopa z 6. K1. Vite, kak sad crni žmika belga. Sad malo odozgora stisnuti z 7. F3, na kaj beli mora to štopati z 8. F2. Na koncu crni dene na 9. D2!!! Šlus! Nema više. Beli opet niš nemre. Ak bi crni htel deti na L1 i požreti dva bela i ak to beli neda i dene na J2, kolko je to očesa? Bi dugmići na to rekli: 'Ajmo curice, ajmo dječaci!'.