Cure i dečki bok! Prav da vam velim i ja sam jedva čekal petak, da bi novoga problema del na blog. Još kak mali sam se nafčil, da bez problema ništ nemre bit. Tatek je doma nosil železničarsku plačicu, a mama ju je trebala razvlačit prek mesec dan. Navek se ni vidlo kak bu to zišlo i bi rekel, da bogek ni pomognul neznam kaj bi bilo. Nas je čuval žive i, fala bogu, zdrave na kruhu i masti. Kak su se vremena promenila i kak se moglo pomalo pravit važan s pekmezima na kruhu, je zgledalo da je problemih bilo sve manj. Al, vrapca. Kad se na nekaj navikneš, nemreš bez toga. Počelo sad faliti penez za nekaj drugo. Trebalo je kupiti radio, a kasnije i televiziju. Mamek je konačno mogla kupiti vešmašinu. Navek je trebalo nekaj novoga. I tak su problemi navek bili tu. Ja sam se zmislil još boljega. Zakaj da se gombam s penezima? To i onak tatek meštrija. Videl sam neke starejše dečke kak igraju šaha. Gruntali su i stalno se sekirali. Sam rekel: 'Super! Tu ima problema kolko hočeš.' I kaj je najlepše, sam si ih možeš napraviti. Tak sam se počel zanimati z šahom. V srednjoj školi sam se čak i zapisal u šah-klub. Sam Zagrepčan, a po drugom kolenu Zagorec. S prijatelima sam išel tam v Račkoga gore na katu. Ih je tam navek puno bilo kaj su šah igrali. Pa, bi to tak z šahom išlo, al mi jedan od najbolših prijatelih pokazal jednu drugo meštriju. Je rekel, da to v Japanu igraju. Sam posle doznal da su to stari Kinezi zmislili. Vite, to je bil taj go. O njemu vam celo vreme i pripovedam. Skužil sam kak se može probleme delati kad te volja. Jen drugi prijatel mi je rekel, da ima nekakav blog, de bi ja mogel pisati o gou. Sam otišel pogledati i za zbila je. Sam si otvoril ovoga bloga i počel pisati. I tak vam je to bilo. Sem odmah rekel: 'Ljudi dragi, zakaj bi samo ja imal to zadovoljstvo se gombat z problemima? Pa evo i za vas nekaj. Nek bar jemput ne teden denem jednoga sim'. I sam se odlučil za taj famozni petak. Znate zakaj? Se možete gombati z problemom prek celog vikenda, da bi ja rešenje del v ponedeljak. Sad vam mečem šezdesetiprvoga. Nek navaliju gospoda.
Ovde je sve nekak pomaknuto dalje od čoška. Je tu i ona famozna trojka na trečem redu. Da vam baš ne velim gde treba metnuti. Bute vi to pronašli.
A rešenje bu, kak navek, kad projde vikend.
Štel bi samo reč, da mi ne zameriju. V Zagorju nam ni baš jasno, kaj treba zmišlati tvrdo i mekano č. Sam tak imal doživlavanje v školi, da se dobi kolac, jer se krivo dene kvačica ili onaj štrih. Je učitelica znala čak reči, da je Zagorcima to veliki problem. Vite, ni tu ni bez problema išlo. I tak je ispalo da mi Zagorci neznamo dobro hrvatski. Si možete mislit kaj sam ja iz sega toga, onak mali, razmel. Nebi ja o tom puno pripovedal. Bi me sigurno neki krivo razmeli. Navek kad bi hteli nekaj po pravici, krivo zide. Znam, bute rekli, da se tu dela o narječju. Bolše je, da se i dalje gombam z problemima.
Cure i dečki vudrite po problemu! Ni baš neki. Bute ga!
Se Vas skupa, kaj sve jezike sveta pripovedate, a si su lepi, pozdravla Vaš bl. Muradenu
Post je objavljen 19.08.2005. u 13:09 sati.