Se protegnul ovaj vikend na marijanska okupljanja, pa sam pustil da se rešenje dene dan kasnije. Nek svima, koji nisu rešenja našli, ostane još jedan dan, da bi ga nači mogli. Mi ne treba za to fala reči. Je to čist normalno očekivati bilo, da bum tak napravil. Jedno z drugim sve čist normalno zide.
Sam več rekel da je ovaj put f problemu sve nekak naopak. Kak prvo je prvi na redu bil beli. Valda vas to ni sfuflalo. Sad, kad je več beli prvi na cugu, je druga zmotancija. On ne treba zrušiti crnoga. Ljudi se svega privikneju, kak pesi kaj ih dresiraš, pa su se oni tak valda i naviknuli da crni dene prvi i zruši beloga. Je figu. Ovaj put je čist drugače. Beli meče prvi i se zvleče. Pa ajmo to videti.
Jednoga oka beli ima tam gore na G4 i H4. To mu ni dost da bi živel. Da vam sad ne propovedam kaj to znači. Se nebum stalno ponavljal. Sam več neznam kolko put rekel, da je za živeti treba dva oka. A kaj je to oko? Pa se nebum ponavljal, da se mi ni ponavljati. Sve to imate u blogu 'Škola goa' ili tak nekak. Če neznate de vam je link, je pod nazivom škole v rečenici ispred ove. Če neznate kaj je to link, pitajte bilo kojeg bebača. Bebači to znaju.
Smo skužili da treba najti drugo oko. Ga se ne vidi, pa ga treba napraviti. Pa ajmo!
Se dobro je setiti prijašnjih problemih. Je tam beli bil crni, a crni beli. Si to v glavi okrenete. Tam je navek crni metal v sredinu pod tri bela kamena na prvu crtu. To bi tu bilo kak da beli igra 1. D1. Tak beli hoče dalje igrati ili na C2 ili na E2. Probajte pomognuti crnom i šapnuti mu, kaj bi za njega tu vredilo. Da je beli igral bilo kaj drugo osim ovoga D1, mu nebi vredilo. Probajte sami sposlagati, da bi to videli. Bi tu skoro celu knjigu napisati mogel kaj ne valja za crnoga, posle ovoga beloga na D1. Za praf, skoro niš ne valja. Samo je jedan način, da se nekaj proba. To je, da crni dene na 2. D2. Tak se bar čuva od onih C2 i E2 odjemput. Nemre beli sad niš od toga. Kaj sad?
Sad beli zmišlja pravu fintu. Če nemre niš napasti da bi pojel, more bar nekaj pripremiti, da bi napravil posle. Tak se beli pripremi za igrati ko i dene na 3. B1. Štel bi početi igrati ko na C2, pa C1 i tak dok se ko ne reši. Če bi del na taj C2 bi odmah napal na dve strane i to kamen crnoga na B2, jer bi ga htel pojesti na A2, i čak četri crnih na desno, kaj bi ih htel pojesti na E2. Crnom zato nebi ostalo drugoga nego igrati taj ko, ali prije svega ne dozvoliti da taj ko i započne. Zato crni odmah to spreči i igra na 4. E1. Ak bi sada beli del na C2, bi mu crni pojel dva, ak dene na C1 i to onoga na C2 i onoga na D1. Tak bi to za beloga bila katastrofa i bi mu mrknulo sve kamenje u ovomu kutu. Je, vite, zato se to zove problem.
Beli sad mora dalje razmišlati. Taman si zmisli kak je to to, vrapca, ni. Al se opet nekaj najde, da bi se morti nekaj moglo. Tak je sad beli našel nekaj novoga. Dene na 5. A2. Morti niste primetili, da je sad beli napal crnoga na dve strane. Tak su crna dva A3 i A4 u opasnosti od zaroblavanja na A5, a je napadnut i onaj jedan crni na B2, kaj bi ga beli zel na C2. Nema šanse za crnoga nego uzeti beloga na 6. A1 i tak počne ko borba.
Ste to vidli odma od početka. Ma naravno, i ja isto. Pustite sad to.
I sve je to kak da vam velim: 'Vite ono tam?'.
A vi 'Kaj?'.
'Pa, ono.', ja opet vama.
'A, ono?!?', kak da ste skužili,
'Da, ono.', i odmah na to vam velim: 'Nas dva smo zbila vidli svega, pa da si spijemo u to ime jednu?'
Znam, jedva čekate petak i novi problem. Nebum vam rekel kakav je.
Nek dojde petak. Bute ga vidli. Čist je ono....... ma ne, kaj se bi odmah sfrflal.
Čujte cure i dečki, sve u svoje vreme. Strpite se i probajte nekaj drugo. Morti belica, pref....
Z osobitim štovanjem Vaš bl. Muradenu
Post je objavljen 16.08.2005. u 12:57 sati.