Smo malo farbe zmešali. Kad bi šteli videti jel i taj kak i oni prije bi trebali farbe zameniti. Crni sad ima dol kak je beli imal u onim problemima ranije. A ni to sve kaj se zmešalo. Navek je crni prvi metal kamena v rešenje. Sad pak ne. Beli treba prvi deti. Znate zakaj?
Ak pogledate malo bolje, bute vidli da je beli dibidus mortus. Tam mu je na G4 i H4 jedno okeco. A di je drugo? Bez dva je tu beli mortus.Bi morti pomislili da je nakon metanja na K2 beli nekaj pronašel. Ma, figu! Crni za njim dene odma na J1. Taj crni na J1 bi se mogel povezati z drugimi svoje farbe čist zato kaj more i levo i desno deti. Ak mu beli preseče jednu šansu metanjem na K1, bu crni del na H1. Tu se nebi moglo delati oko. Ak mu beli preseče na drugu stranu metanjem na H1, crni poveže na K1. Kad imate bar dve šanse, obično vam jedna ostane, ak vam jednu zemeju. Mi to tak mudro zgleda. A znate zakaj? Se tolko ljudi na tak jednostavnoj finti zriše. To vam je po onoj narodnoj: 'Bolje vrabac v ruki nek taubek na grani.', de bi ja nadodal još bolju varijantu: 'Bolje i vrabec i taubek v ruki', kaj ne. Mudrosti nigdar dost. Da bi to primenili na ovom problemu bi rekli da je ono oko na četrtom redu kak vrabac. V ruki vam je, bi se reklo, jer pobeglo nebu. A di je tu taubač? Ste vidli, ko v enigmatiki je to. Sve vam je tu, a niš ne vidite. Jel negdo vidi taubača? Bute rekli da je tu med kamenjem. Ma je, imate prav, al mi točno recite de je. Najte sad fučkat da bi doletel. To nek delaju golubari. Mi bumo slagali kamenje, da bi se vidlo kak narediti to drugo oko, če se more. Pa smo rekli da je to kak da je to tak. Bi učeni rekli da se tu dela o komparaciji, kak da je oko taubek ili neki drugi tiček. Znate, če bi fučkali, bi drugi vidli da niste razmeli. Lepo si, kakti, razmišlajte. Buju si onda drugi mislili da vi komparirate. Če vas morti negdo prokuži, ne morate se bojati. Taj je prokužil i puno drugih, pa se bu morti samo nasmijal. Vi već znate da ja opet pripovedan usput i o nečem drugom. Znam, ak ste prokužili bute se samo nasmijali. Obično se pripoveda ono kaj se ne veli. Dost mudrosti za ovaj put. Moram ostaviti nekaj i za drugi put.
Beli igra prvi? More zaživeti?
Vi već znate da je u subotu opet turnir u Velikoj Gorici. Dojdite, ak morete i ak vam se da. Igramo u Centru za odgoj i obrazovanje u Zagrebačkoj 90, a počnemo u 10:30, a za one kaj voliju naučiti nekaj novih finti ili kak se može bolje igrati go, moreju dojti vuru prije.
Vas lepo pozdravla vaš
bl. Muradenu
Post je objavljen 12.08.2005. u 10:57 sati.