Vikend je prošel, pa ajmo v nove radne pobede. Tak smo nekad pripovedali. Tih pobedih je nekak, kak mi zgleda, sve manje. Smo se već i navikli. Nam pripovedaju z vremena na vreme kak buju vatreni sprašili Brazila, pa su nam pripovedali kak nekakvi tam Debrecin ni ni do kolena Čirinim dečkima. Ne da im nisu do kolena bili, nek ih ovi Čirini nisu ni vidli, a skoro ni loptu. Svako tolko im je trebalo reči: 'Pa poglejte, morti je v mreži.' Baš me zanima kaj buju vatreni napravili z tim, kak se ono zove, Brazilom. Da se pripoveda svega, se pripoveda. Na tom smo navek bili jaki.
Znate koji je najnoviji popularni način pozdravljanja v Splitu? Pa, 'Give me five'.
Na ovomu blogu je v četvrtek metnut novi go-problem. U stilu naših pobeda, ziher smo ga rešili, al smo bili tak skromni, da se nismo hteli hvaliti. Dajte prosim vas, kaj to je neki problem. Treba deti nekolko kamena na ploču. Se vidi kak oni od prije stojiju. Pa onda je još manje mesta, gde ove ostale treba metnuti. Ma, dajte to deci nek se igraju. Ili morti da im damo kanticu i lopaticu pa na pesak. Tam se mogu bolje zabavljati, a i više je mogućnosti i kreativnosti. Oni manjši bi mogli slučajno kamen v usta deti i eto ti vraga. Ma, kaj da neko dela probleme. Nek si ih sam rešava. Pa dobro, kad je tak, evo, da ga ja rešim, kad sam ga tu već i del.
Već smo v nekolkih problemof vidli kak se dela kad je tri protivnička, kak ovi beli, na trećem redu. No, najte misliti da je to baš navek. Si razmislite malo. Morete, kaj ne. I ovaj put je v redu deti dol na prvi red po sredini pod njimi. To bi bilo 1. D1. A zakaj je to dobro? Bi crni štel deti još na C2 il´ morti E2. Ga onda nebi beli smel napasti na D2, jer bi mu crni smazal četri kamena i to ona tri o kojima sam pripovedal i ovoga novoga na D2. Kad bi tak bilo, da crni dene na C2, bi imal dost vremena smazati ona dva v kutu na A2 i B2. Vite to. Če bi pak crni del nakon D1, pa ak beli nebi niš metnul, bi crni del i na E2, ideju druge finte. Nakon toga beli pak nebi del na D2, jer ga opet crni može smazati, a mora nekaj, da crni ne metne još i na C2, i ode sve... Pa dobro, dene beli na C2, a onda bi crni na F1 i opet niš od svega. To sam vas tak zmotaval, da bi vidli, da beli treba nekaj igrati, ak crni dene na D1, a del je. Znam bute rekli OK i nedaj bog da vas nekaj pitam.
Ak beli dene na C2, crni bi na F1. Tu bi beli mogel uleteti v ko da metne na G1. Ak beli hoće kaj boljega, da pogledamo kaj bi to moglo biti. Ak dene na E2, nakon onoga prvoga crnoga na D1, crni bi del na C2. Sad bi to bila opasnost za dva bela v čošku. Beli bi onda napal tog jednoga na C2 ak metne na D2 i crni bi na B1 i to bi opet bil ko za sve bele u tom problemu. Poglejmo sada srednji put. On je još ostal ostal. C1 i E1 su još slabiji od onga kaj smo gledali.
Dakle beli igra 2. D2. Na to crni dene na 3. F1. Vi već vidite kam to vodi, je l´ da? Opet na ko-borbu. Beli prvo osigura čošak pa dene na 4. C1, a crni spasi taj kamen na D1 metanjem na 5. E1.
Sve se pošlihtalo da bi beli uletel v ko, pa to i dela. 6. G1.
Sve skup jednostavno. Če ste mislili, da nek se deca s tim igraju, ste bili v pravu. Pa pri nami se vglavnom tak to i dela. Malima to čak i dost dobro ide. Kad narasteju bumo morti i mi nekaj značili v toj igri v svetu.
E, za kraj sam se nekaj setil. Sam pripovedal na početku ono o pobedama. Na Europskom prvenstvu v Pragu nismo ni jednu popušili. Znamo mi ipak kak se to dela.
Vaš bl. Muradenu
Post je objavljen 08.08.2005. u 09:27 sati.