Evo ga, tu je. Sličan je onom od prošlog petka, al je ipak drukši.
Na trećoj crti su tri bela kamena. Jedan je manje nek prije, al je na drugoj crti ispod njih tri reda prazno. Prošli petak ih je bilo dva. To bi tak bilo bolje za beloga, da ni ona menga (tak smo klinci nekad rekli za kamen, tam gde sam ja bil klinac) na F2. Za videti je da bi crni mogel deti na E2 i ta bi menga odmrčala. Ne odmah, al se nebi mogel zvleči od toga, da ga crni smaže. Pa, baš lepo. To bi bil problem. Al vrak po jednoj mengi. Trebalo bi nekak sve bele tu zvleči. Kak? Vite, to je problem. Kaj Vi mislite kak? Nebi Vam štel tu preveč pripovedati, da Vas ne zmotam. Da nebi bilo po onom: 'Striček prosim Vas najte mi više pomagati.' Pa, dajte probajte. Prvi crni, pa beli, pa crni, pa ....... Jednostavno, kaj ne? Če Vam se na kraju to ne dopada probajte opet od početka. Tak sve dok Vam nebu zgledalo dobro. Al, najte metati bez veze. Ni to po onom: 'Možete si to nacrtati.'
Kad se bute dobro namučili v ponedjeljak bum Vam tu na blog del rešenje. I ne samo rešenje, nek Vam bum i rekel zakaj baš tak treba metati kamenje.
Tak. Lepo. A sad možemo pustiti vikend da dojde.
A kaj prek vikenda? Gogići iliti gogeri, navalite u Veliku Goricu. Tam se igra. Svi moreju dojti i igrati. Ak se bojite da buju drugi mislili kak pojma nemate, najte. Svi smo mi nekad bili bez veze, a bilo nas je i malo sram. Mene, da drugi nisu dovlekli, nigde me nebi bilo, a glejte danas me se rešiti nemreju. Dojdite, baš bi mi bilo drago, a i ovim mojim malima i većima frendovima. Da samo vidite kak se naganjamo s kamenjem po ploči. Morti neznate kam treba točno dojti. To Vam je u 'Centru za odgoj i obrazovanje' u Zagrebačkoj 90 u Velikoj Gorici. Počnemo u 10:30 s turnirom, a u 09:30 onak s pričom o gou. Ta priča to je kak neki sat goa, neka teorija, nekaj za naučiti neke finte ili o,nekom pristupu igri. Tu morete svega pitati u vezi goa. Ulaz je s druge strane ili ak ni tam otvoreno onda s desne strane.
Štef, poziv za tebe još vredi od prošlog petka, a moreš dofurati i pajdaše. Pero, ak ti ni krivo kaj sam bicikl dal Štefu, dojdi i ti. Kaj si nebi bili dobri i odigrali si koju.
Štovano blogočitateljstvo, dojdite i Vi. Vredi ovo i za Vas.
bl. Muradenu
Post je objavljen 15.07.2005. u 15:19 sati.