To je kak vurica. Nekaj me počme nekak smetati. Nemam mira. Vrpoljim se i ko da nekaj treba biti; ko da nekaj moram napraviti. Onda se setim: 'Pa, petak je. Normalno. Pa, da, problem je na redu.' Ma, nema problema, problem je tu.
Idu problemi po redu, tak da se pomalo menja oblik složenog kamenja. Tak svi moreju videti u čemu je štos, kada rečimo jen kamenčić fali ili rečimo jen je zviška, na ono od prije. Tak postane jasno kaj kakvi kamenčić v problemu znači i kaj je ono naj, zakaj je kamenčić baš tam i kaj on zapraf tu dela. To kamenje dela i kad niš ne dela. To si mi zapraf samo mislimo. Če je kamen tu negde, si mislimo kak nam smeta ili kak je baš dobar, kaj je baš tu. A zakaj je baš tu? Pa, neko ga je del tak. A zakaj ga je baš tu del? Pa, valda je nekaj štel z tim napraviti. I tak vam to zgleda, kaj da kamenje dela, a zapraf to protivnik nekaj zmišlja i prisiljava vas da nekaj mislite o tom, kaj on misli i zakaj misli baš tak, da je kamen del baš tu. I tak si mislite, bez i jene reči, kaj o Štefovom biciklu. Tu je ipak nekaj drukše, jer vi nebute kaj Štefu ono rekli. Znate kaj. Bute mu samo, kak i on, na ploču deli kamen. Nek si on sad misli. Čujte, a Štef nebi bil Šrtef, da si ne misli kak mu hočete smestiti. Ni on od jučer. No, vi morti gledate te probleme i znate kak Štefu možete zapapriti. Štef morti pojma nema za ove probleme i lako popuši i celu partiju, jer ni videl kak se to dela.
Štef, tebi bi rekel. Če me opče hočeš poslušati. Čuj, naj norca z sebe delati. Daj si pogleč ovo. Nafči nekaj. Se pripremi. Si malo daj v glavu naturati te finte z kamenjem, pa kad dojde onaj tvoj, kaj te navek navlači na to kamenje, ti samo mirno reci: 'Okej, bumo si odigrali koju.' Naj mu pripovedati, da si se zabavlal z problemima. Lepo, kad dojde pravi čas, ti samo deni kamen tam kam treba. Kad on, onak ko usput, veli: 'Kaj si i ti gledal te probleme?', mu se samo nasmej. Buš videl, kak se bu počel vrteti. Če te baš zanima, morem ti pomoč i više, al trebaš onda dojti v klub. Pa, morti bi mogli dojti obadva, pa tam igrajte skup znami ostalim. Tam bi vidli kak i mi znamo spušiti bez veze i kak si z vemena na vreme zgledamo sami sebi kak norci. Al, mi već znamo. Bumo drugi put više pazili. A, tek da vidite kad se najdemo s onima sa strane ili čak z onima iz strane zemlje, mislim strancima. Kaj nebi mogli i vas dva probati. Štef, kaj veliš, da pukneš jenog Kineza? Ha? Pa doma spripovedaš svojima kak si ga sredil. Pa nek dečki počneju isto tak, pa i cure. Zakaj ne. Pa kad se buju Kinezima gače tresle, kad dojde Štef z ekipom. Nismo mi za hititi. Samo znam, znam. Treba malo delati i malo učiti. Znam, da smo z maturo na svet došli. Al, znate kaj, v toj maturi ni bilo goa. Dajte malo, dečki i cure. Pa ni to tak teško, vrapca mu. Bi vam to i Kinez rekel, al kad vas on ni nezna. Niste probali z njim igrati, pa vas ni primetil.
Ja, kad si ovak gledam, tu, kak veliju povjesnu mudrost, nemrem se vrtgnuti mišljenju, da je to za nas prava stvar. Tu se dela z kamenjem tak da se međe označavaju. A gdo je veči međaš, nek mi ovde. I znate kaj je tu ona kak veliju poanta. Nema tog fiškala, koji bu vam presudil, de treba kamena, po pravici, deti. Tu pravicu si sami krojite. Pravica bu, da vi znate kam deti kamena.
A sad poglečte taj novi problem. Nema črnoga kamena na levoj A-črti. Se to veli da beli ima slobodu na njoj. Drugo je sve isto ko prošli put, samo je tam skroz desno jedan novi črni kamen na K2. Ste razmeli, se radi o koordinatnom sustavu, po školski. Moramo nekog vrapca i od prije znati. Znam da bute do ponedeljka to rešili.
Sutra je subota. To znači da je u Velkoj Gorici opet turnir. Igramo u Centru za odgoj i obrazovanje u Zagrebačkoj 90. Počnemo u 10:30. Štef, bi mogel i ti dojti. Dopelaj i pajdaša.
Z lepim pozdravom bl. Muradenu
Post je objavljen 08.07.2005. u 13:47 sati.