U malon dalmatinskom mistu, po običaju se gleda televizija… Baba: Tice, tice! Dida: Disu?! Disu da i´udma skinen! Baba: Ma tice umiru pivajući! Dida: Brige mene ča une radu sve doklen min ne šporkaju ponistru, akoće pivat akoće igrat u kolo! Baba: Ma ne ote tice ajme menin sa tebon, ne ote vengo ove sa mojin lipin Ćembrljenon, e lipi moj Ćembrljen ma nu ga – faća ka beb´na gujica! Dida: Ma ko? Ćembrlen? Una budalet´na! Baba: E, e – dobros´reka! Budalet´na ča je nju bidnu okolizin gonjeza, ajme ča jon je bidnoj sve radija, kakon jun je jubija, kakon juje okrića, dije sve nije ćapa, ajme ča jon je sve činija i unda – oša u pope! E, e - u pope! A nju bidnicu sa drobon ostavija! Taki glup je bija!
Dida: Jelda je?! Sićan se ja dobro ča je budalet´na činija, znan ja ča je un bija – znan ja njegazin! Budalet´na jena zato ga je i Itler zajeba ča je puno glup bija! Baba: Itler?? Ma koji sa´Itler!?! Dida: Itler bogati, Itler!! Da koji Itler, oli jemaju dva!?! Zajebaje otu budalet´nu Ćembrlena, reka neće bojevat a ovi je glup bija oto proguca – i etot´ na ka vašisti viruješ! Etot´na!! Ki sa Itleron liže posran se diže!
I ča je unda napravija tote ja pitan!?! Misto da seje o´sramote poklopija, un ka i una´umaniterka vazda sranja činidu, ma nu ga - gledaj ča radi! Joške je i kurbar posta i u pope oša – zna sen ja, se san ja zna koja je oto kurba o´čovika! Upanti - kurba o´čovika! Baba: Ajme menin ma ča to govoriš!? Ma nije ti oto oti ča ti veliš, oto je uni drugi, uni drugi, a gospemoje koćemun sa´dokasat! Ma diće moj lipi Ćembrljen sa Itleron gospemoja?? Nijet´un taki bija! Ma ovi moj je njojzi bidnoj šćetu učinija, ča jon je sve napravija a ona njegazin puno vol´la, puno! Ča je to ćudo bilo ča ga je vol´la i sve - i un kurbar jean njome dite napravija! Dida: Ma ča nije un!?! Ma ča nije un, ajm´dokaši da un nije oti Itlerovpodrepak!! Aj ako mereš! Baba: Ma un je njojzi bidnoj dite napravija jel´čuješ!! Pu-pu-pu škandala sakloni ča bi donAnđelko reka a ni njemuzin više ne virujen znaš, puno mije ništo sunjmiv ča ja znan ča i koga un na televun zove jeli seski jeli obićni, ča ja znan ča uni radu?! Ka i ovi ča je i dite napravija pa je – ostavija, da un nju puno voli, da un nju puno obožaje da je natežaje, ča jon je sve govorija, ča jon je sve obećaja – dok nije dobija ča je tija, e! DOK NIJE DOBIJA ČA JE TIJA VELIN TI JA! Dobro ti veliš Tonko moj – kurba o´čovika ! I DAŠTA NEG´KURBA PA NEK´I NIJE ONI TVOJ VENGO OVI MOJ!! A ča nije osta ka ju je tako volija, a!? ČA NIJE OSTA TOTE JA PITAN!! VENGO U POPE OŠA U KARDINJALA SE PRIOKRINIJA! Dida: Oli seje lud sa pelenaman zajebavat ka´mun drugi prid oltaron mere prstena glancavat.
Baba: A znaš li ti ča sen ja još ćula? Da seje un, oti kurbar Ćembrljen, ispovdija - da un voli i puj, puj, sakloni - muške! Dida: Etot´na! Etot´dokasa da tote ipak je un, a ti men´veliš da nije un! Ma jesen ti ja reka da je un - i gotovo! Jesen ja zna, toćno sen zna! Viš´da ipak je un! Zato ča je taki naopaki - i je od Itlera - popušija!!