To jon je najnovija besida u vokabularu. Blago nan, dobro je dok ne počme pivat "Tata kupi mi auto ...", zato sad guštan svaki momenat. Zaradila je prvi friž na kolinu, i prvu čvorugicu na čelu ... a šta ćeš, ne more uvik past na "pampers amortizere", diko se zaboravi pa otrese naprid, a ne uspije se uvik dočekat na ruke :-(
Ništa zla, malo plača, reda radi, pa šibaj dalje ... kad se umori, spusti se malo na sve četiri, pa šiba brže od guščericem doduše brez repice :-)
I neće više da se nosi po rukan, u butigu neće više da sidi u kolica, nego na pod, pa i sama gura. Dokle se ne umori ...
Najžešća je na one male magnetiće, ča se zalipu priko "papirića-podsjetnika" na frižider. Zato i kod nas moreš nać na svin zamislivin mistima po kući, osin "zalipljene " na frižider. Jema i bome i po auti, i ispod sica, i u portapaku ... ne triba ni spominjat ... ja mislin da bi kojega naša i u rezervaru da ga mogu otvorit!
Evo, uspija san uvatit malo predaha, ispada da se na poslu odmorin :-)
Jučer smo se malo zaletili do Piska, timbrat kartelu, jerbo su se Bumbari, tj. obitelj Ljubenkov, malo spustili u južne krajeve, pa smo i bili malo povirit.
Post je objavljen 23.06.2005. u 09:41 sati.