Marketing
Kako je propala moja novinarska slava...
A falin te bože da si se javila…sad ćete navalit…
Otkad su me prikovali zlizanu za ovu firmu
Ja nisan već doma došla ni svojeg obašla dragoga
Jesi cio dome mio, jes' me dragi prebolio
Brojke, brojke puste…
Ma judi moji, ovu ću šetimanu priskočit jerbo ova elegična strofa van sve govori.
A sve više mislin da bi ja bila jebeno loš novinar kad bi pratila friške novitadi…
..........
«Šefe, šefeeee…iman slike za naslovnicu!!!»
«Koje slike, kakve?»
«Bila san prošli petak na svojoj godišnjici mature i zamislite koga san tamo trefila…»
«Prošli petak…jes' ti ženo normalna, koga zanima vist od pri osan dana, a?»
«Ali šefe, pa jude zanimadu poznate face uvik-ča jedu, ča seru, s kin loču, s kin jubuju-ma svaka jebena sitnica!»
«Ajde beno, di'š o tome pisat !»
«Je šefe, majke mi, eno u Gloriju uvik pišu tako……mislin da ovo još niko ni objavia, nijedan paparaci ni bija tamo, e.»
«Ma o kome je rič , post ti ćačin?»
«Bile su tamo dvi zvizde…jedna estradna i jedna politička.»
«Nu boga ti !!! Ko to?»
«Jedna je zvizda na zalazu i jedna na uzlazu.»
«Za gospu, govori više o kome je rič!»
«Sa otom prvon san još u pučku školu išla…ajme, kad se sitin u četvrti razred kad smo išli na izlet pa je uvik na slikama bia ka slučajno uz me…il kad mi je u spomenar nacrta najlipju sliku Mikija Mausa i napisa ono…»
«Ajme lude žene, fermaj… ti'š meni nadić tlak na dvista…ne toroči tol'ko…ko ti je taj?»
«Al nije mi zvizda nikakva više…porebambia je skroz na skroz…ne sića me se više…»
«Nu tebe, a kol'ko je prošlo vrimena ota doba…vi se žene sićate svakijeh pizdarija. Nego koji ti je to, o'š više reć srca ti irudova?!»
«Ma Kruška, bezveze…»
«Kruška, misliš oni iz Latina, ča piva sa šeširon i …»
«E, taj.»
«Pa ča nisi oma rekla nego trkeljaš o Miki Mausu…jeba te Volt Dizni! I ča je bilo, pričaj!»
«Ma neću, štufalo me…reka je da me se ne sića…a i …»
«Imaš li slike?»
«Iman, narafski…oli ja di iden brez aparata.»
«Daj da vidin!»
«Ovo ulazimo u gimnaziju…svak u svoje razrede…da, cila generacija je bila."
«A ovo vam on piva?»
«Ma je pinku, onako ka za nas ekipu…imali smo inače drugu mužiku…ne znan ni ko ga je zva…iša je s nama samo prva dva gimnazije…biće se sam pozva…valjda mu karijera pada, pa se sad mora propagirat i ovako, he he …bome nisan mu čula nijednu novu pismu ima sto godin!»
«Evo ga di je malo i zabala …uglavnon je sidia cilu noć .»
«A e, evo se još jednon diga za izist čagod…vengo šefe, vidi te li ovod na sliku još niku poznatu čunku, a?»
«Ček da vidin…jedna nepoznata gujica, ova isto okrenuta leđima…kako ću znat…ovu žensku ne znan…a ovi muški…čekaj, čekaj, nije li to...»
«Je, je…to je on…nova zvizda u politiku.»
«Misliš oni ča je potuka onega Brodarca ča jema najdulji staž u županovanju?»
«Ma je…al' ni on posta novi župan, on je posta novi gradonačelnik.»
«Aj u smokve, sve ti je to meni ista kaša…I on znači bija tamo s vami ?»
«E.»
«Evo vidite našega Vidu tu sa nama…ovo je ekipa iz mog razreda. Uvik dođe, i kad je ono bia ministar. Ma meni je bit ministar bezveze…ovo je puno lipje. A još kad je onako pobidia, aaa!!!»
«A ča ovo čini, glumi nešta?»
«Ma ne….al' mislin da se sićan da je nekad u mlade dane i glumia, ponajviše prid profešurima, he he…baš nam je ispriča kako je…ajd' dobro, znan da vas ne zanima…ma ovo san mu ja rekla –ajde, Vido, boga ti, zabalaj malo s nami, a ja ću te uslikat da vidi svit da si normalni čovik ka i mi svi…Ma isto se lipo namistija, jel'da šefe…baš je šesan, vidi kako već dirigira, ajme ča će tek bit od njega poslin kad sad već vako lipo dirigira, a…»
«Nu tebe…jes' ovo ti?»
«Aaaa…znate da van se ja uslikan sa svakin blogerašen ča ga upoznan uživo, ma di neću s njin.»
«Oli on isto piše na tem blogu?»
«E, jedini on od političara ča su započeli prid izbore nastavia pisat. Pisa bi i više, al' ne stigne ka ni ja…a ja još nisan političar. Vengo, šefe, ča van se čini o ovin slikama, jesu za naslovnicu,a? «
«Ajde ženska glavo, ma di ovo nakon osan dana???...I još da su ti neke mlađe čunke, lipuškaste gologuze ženskinje i tako to…koga zanima matori pivač, a ovega tvoga Vidoja neću jerbo nećemo politiku u butigu, jel' jasno?!»
Post je objavljen 18.06.2005. u 23:10 sati.