ja si to opče nemrem zamizliti to kak je vuni toplo. a sneg ni dabi prismrdel i ja opče neznam kaj se to koji vrak događa z tim vremenom i z tim silami nebezkimi kaj opče nečeju ni snega ni zime spuztiti na zemlju. a mama veli da je se to ot tih čudezi kaj se po svetu događaju i taj zunami kaj je vudril i tolke ljude potukel kaj bi se čovek mam razplakal. i veli mama da je se to onaj vražji sadam huzejin napravil i kaj viže ni snega nema ni leda ni ničesa. al sem si ja malko tak razmižljal i bogme bi to i moglo biti tođno tak kak mama veli. jerbo dok je taj huzejin onolku naftu vužgal kaj je crni dim vu nebo sukljal i onda je taj dim zvručil se te oblake kaj noze snega i leda i sat sneg opče nemre padati nek se je bormež sej otopil jož dok je na nebu bil. i sat lepo nema ničesa kaj bi se čovek malko sanjkal il delal snegoviđa. u dok se samo setim kak je to bilo baž super dok smo bili mali i dok smo se gruđvali i sanjkali i skijali i delali snegoviđa. a najbolje je bilo ot sega dok smo igrali hogeja na ledu. u to su bili dani. dok je tak zazimilo samo smo saki den ižli ja i davorica na potok glet jel se je led zamrzel. bogme smo se fezt napežačili morem vam reči. i onda dok bi dožli do potoka i dok bi vidli leda e to je bilo vezelje. mam su nam vuva zatitrala ot miline. je al je onda prvo trebalo leda sprobati kaj nebi popuztil. i tak jeno leto mi dožli do potoka a kat tam led se je napravil. i veli meni davorica je branko sat moramo iti probat jel se je led zčvrztil il neje. i onda smo lepo polako nogu pret nogu i na led. i veli meni davorica i branko jel ti čujež el kaj krcka, a velim ja njemu ja mizlim da opče nikaj ne krcka. i veli davorica je sat bumo jož napravili zadnju proveru i bumo polako skakali i se jakže i jakže i onda ak led i to zdrži onda mam idemo po dečke i igrat hogeja. i tak smo mi polako skakali i led opče neje ni dabi malko zakrcknol i veli davorica brankec jupi to je to. i mi mam se zabežali i pravac doma po dečke. i tak dok smo se lepo skupili onda smo prvo morali si sakoj jenu hogejaljku napraviti. a to je jeno drevo kaj ide pot koso kaj veliko nažtampano slovo l. ja sem si navek znal jenu tak lepu bezgovu hogejaljku otseči kaj su se si samo čudili kak je lepa. i onda je jož davorica napilil loptice ot jenoga dreva i složili smo gole ot raznorazni piksijenki i lepo smo se podelieli vu dve ekipe ja i davorica protiv marinkene i bracine i onda smo igrali hogeja pravoga prafcatoga za prav. i tak lepo sem je stal na golu i branil i nišče mi pot milim bogom neje mogel dati gola i onda su navek si bili samo srditi na mene kaj se neču meknoti z gola. a bracena je bil tak srdil jerbo smo mi več vodili pet nula i skoro kaj mu je pena tekla niz zube kak je bil bezni. i zabežal se je pravac diregt ravno na gol da mi ga bu zabil. a ja sem se nastavil kak pravi ladiđ na golu a bracena da bu zamanul z hogejaljkom i kak je zesem šuzom zamanol tak je sfulal tu malu lopticu i pravac mene po nogi. ja sem zajauknol kak sirena vatrogazna kak me je oplel po nogi kaj sem se zvezde videl nebezke. a on se je samo smejal i rekel je da mi je to zato kaj samo stojim na golu. onda sem bil lud al lud do kraja i mizlil sem si nebu mene nižče zajebaval. i ja zel svoju hogejaljku specijalnu i dok sem zašlajdral po ledu kak so me noge nosile i marinkena se je naztavil a ja se diregt v njega zabušil i samo sem ga othitil ot se sile i ja naztavil dalje kak bizon vu šusu. i pravac pret protivniđki gol. i ja zamanol a bracena je stal na golu i ja šubeknol ze se snage i pravac potrefil tu lopticu hogejašku kaj sem se sat setil da se pak zove i pak je poletel kak avijon na krila i pravac braceni čez noge i to je bil gol. pravi prafcati. a pak je odletel dvajzt metri daleko. i velim ja braceni si videl bracena kak se to dela šezt nula. a bracena samo kaj neje skipel ot beza i veli on meni e sat buž videl ti svojega boga branko samo dok paka donezem. a veli marinkena bracena naj biti lut nejdi po paka el ne vidiž kam je odletel a tam nezmo ni leda sprobali el bo zdržal. a veli bracena em kaj nebi zdržal i tak se pomalko pomalko posmikaval po ledu a davorica je zaviknol bracena el krcka led. a veli bracena em kaj bi krckal i samo kaj je to rekel a led popuztil i bracena je samo neztal pod vodu. mi smo mam svatili kakova je to ozbiljna situvacija i mam smo poleteli bracenu spažavat. i si smo se zabežali jeni z jene strane potoka a drugi z druge i da bumo bracenu spazili. a bracena je zronil i mahental je z rukami kaj da je obnorel i štel se je milom il silom obale doščepčiti. a davorica se je dobro dosetil i mu je svoju hogejaljku porinol a bracena kak se je vlovil za hogealjku tak je naglo zacuknol i povlekel je i hogealjku i davoricu mam vu vodu i met let. davorica je samo zadrečal kak da ga kolju i vikal spazite me ljudi spazite me bom se ftopil. i onda smo ja i marinkena zeli moji hogealjku i porinoli smo ju davorici i ja sem vuprl vu zemlju i marinkena me je prijel za ruku i vlekli smo kak smo got mogli. i tak smo prvo zvlekli davoricu a onda i bracenu. bracena je bil sej poplavil kak da ga je nežče z tintom premazal a davorica se je stepal kak čekičar dok kukruzu šrota. a veli marinkena dečki sat samo najte stati nek mam bežte doma kaj se ne smrznete. i tak smo se spohitali i hogejaljke i se i bež doma. davorica je takove batine dobil kaj je bi plavi tjeden dana kak i bracena dok je ono pod led opal a mama ot davorice je samo narekal kaj nebi dobil upalu pluđa. al je bracena bogme fezt zbetežal kaj se neje mogel tjeden dana zdiči z poztelje. tak vam je to bilo dok je bilo leda i prave zime. a sat bogme nezmo igrali hogeja pet let i viže kat se potok samo neče zamrznoti i neče. kaj bi čovek mam zel hogejaljku i zatukel toga huzejina kaj je takovu bedaztoču napravil. pozdrav ot branka sima skupa i bok.
Post je objavljen 10.01.2005. u 22:45 sati.