U malon dalmatinskom mistu, i baba i dida izašli na svoje biračko mjesto glasovati za predsjednika… Dida: Ja sen doša isvršit
svoju granđansku dušnos!
Ja sen doša isbirat pricidnika! Baba: Ajme menin! Član komisije mucajući: Izv..izv..izvolite barba, izvolite slo..bo..dno! Članica komisije mucajući: Izv..izv..izvolite barba vaš glasački li..li..listić! Dida: A ča ne triba osobna? A ča sen je unda nosija? Baba koluta očima: A gospemoja!
Član komisije mucajući: Ne..ne..ne treba barba, ni..ništa ne treba! Samo vi slo..bodno gla..gla..glasujte! Ako van treba pomoć - vi nama samo recite! Članica komisije mucajući: Da..da..da, sa..sa..samo recite! Dida razdragan: Ma ča ste jubesni dico moja, staron barbi tili bi pomoć! Ma Luce, Luce jes vid´la ovega slućaja! Jes vid´la!?! Baba opet koluta: A je, vidin. Kako neb vid´la! Ajme menin bidnoj! Dida: Ja van dico slabo vidin ovega proćitat! Menin bi niko triba ćitat da ja meren saokrušit onega pravega! A? Oće´l ko?! Član komisije mucajući: Od..od..odmah! Odmah će kolegica! Ka..ka..kako ne bi htjela! Članica komisije mucajući: Hi-hi, e..e..evo barba, evo…o..o..odmah! Dida oduševljen: A dico, a da ja ne bi saokrušija nevajalega?! A!?! Hi-hi, a ča tu nima saokrušit našenga Maršala?? Eeee, da jema Maršala neb´se ja sa´mislija!!! Baba: I jopet un, i jopet un! Član komisije mucajući: Ma..ma..maršala?!? A ba..ba..barba, ne..ne..nema pro..problema! Nema problema! Do..do..dodaćemo mi i ma..ma..maršala ako treba, evo ko..ko..kolegica će nadopisati - samo vi glasujte! Slo..slo..slobodno! Članica komisije mucajući: Hi-hi, e..e..evo barba, evo…o..o..odmah! Dida sada već totalno oduševljen: A ča se i to mere!?! Ma Luce jel viš´ti ovega!?! Jel viš´ti koja je to jubesnost… a dico moja, ma ča se i to mere!?! Promatrač GONGA mucajući: Ka..ka..kako ne bi moglo barba, ka..kako ne bi moglo! Sa..sa..samo vi gla..gla..glasujte! Ne..ne..nema nepravilnosti! E..e..evo ja ću vam i u..u..ubacit, da vi ne morate do kutije hodat! E..e..evo! evo ga! Dida u ekstazi: A dico moja, a budućnosti rvacka! A fala van, puno van fala! Jel´da Luce da in fala!?! E lipote moje, e dico moja!!! Adio van…adio van dico moja, mljadosti moja!!! Adio van!!! Baba: A svetiAntemoj! Dida mašući maramicom izlazi sa birališta, sve mu suze od dragosti na oći vrcaju…u stopu ga prati baba… Dida: Ma jes vid´la ča je to! Ma jes vid´la kojazin jubesnost,
kojazin uslušnost, kojazin mljadost! Ma jes vid´la ča je kuljtura, ča smon mi Rvati! Ma di toga ima! Nidi! Nidi, upanti ča ti velin – nidi negli odi! Jes vid´la kako smon mi Rvati veća Vropa od Vrope! Ma ča Vropa – neg´svit! Njanci nan Vropa ni ne triba! Jes vid´la ča su rvacki kuljturni temelji! Jes vid´la!?! Rad, red i mir! Eto tin rvacke jubesnosti i rvacke uslušnosti!
Baba: A znaš ča!? ZNAŠ ČA!?! Saćun ti ja reć - ča! SAŠ MEN ĆUT!!
PRID OTIN TVOJIN MITRALJIZON I MANDRILO BI BIJA JUBESAN! Eto´t na! I mandrilo! Ma ča sen ja bidna kome skrivila da me vaik prid judiman sramotiš!! Vaik ti menezin prid judiman sramotiš da nemeren´iše ni na jizbore vazić!!! Auuuu…. A ča ti je sa došlo mitraljiza sa sebon nosit! Aj sa ti men rec´ča ti je oto došlo jaden nebija, ča ti je došlo ki uni gljumac škandala pravit!?! Ajujujuuu… Dida: Ma kojega škandala? Luce upanti – vašista je diga glavu! I ja se o´svojega Šarca´iše ne rastajen, jes ćula!?! Baba: Ma ča?! Pa ča triba sa mitraljizon i na jizbore!?! Dida: I na jizbore, dašta neg i na jizbore!
Nije ni Tito sa kolaćiman u rukaman na Itlera iša! Pa neću ni ja!
A ti sa´lipo malo predisborno muči, pušć men da otaren
suza radojsnica - glasaja san za Maršala! Baba: A jadnatisan!