Lepo nam je 'xxx' napisal još u petak. To je rešenje, kaj je on rekel. Red je da sad ja malo o tom napišem; pojasnim. Ni to za one dečke i cure koji to kužiju, jedino da vidiju kak bum ja to objasnil.
Tu v sredini ima fajn mesta za napraviti ona famozna 'dva oka'. Je, al je prav tak i puno mesta za smetati tomu. Kam da se dene taj prvi crni kamen. On bi trebal tak stajati da beli nemre niš. Sva su križišća nekak sumnjiva. Sad bi mogli probati onak, jedno po jedno, pa gledati crni sim pak beli tam, pak crni tam ..... Znate kaj? Sad sam se setil nečega kaj sam v Japanu čul. Bili smo na onom Tokijo toveru i kroz šajbe zagledavali tu hrpu kuća. Jezus kaj toga ima!?!? V krug smo hodali i na sve strane se kraj tome ni videti. Šteli smo si nakupovati anziskarte, da bi doma pisali, kaj bi se to na drugi strani videti moglo. I tak stojimo i si prebiramo koja nam se dopada slika, a koja manjše. Se odlučit nemremo, a gleda nas Masuko kak smo trokirali. Gleda i lepo nam po domaće veli 'Tu pa tam' i pokaže prstima i tu i tam. Mogli bi malo pomešati, a ne u kompletima, kak nam zgleda ponuđeno. Sam morti krivo čul, il je ona progovorila po naški. Gledam ju onak ozbiljno i velim joj: 'Tu pa tam' onak upitnim tonom, a ona ni 5 ni 6 potvrdi 'Tu pa tam'. Nemrem ja tu sad stati i kvit. Pitam: 'Dis is japaniz words?'. 'Jes'. Ja na to onak kak sam se tu lepo v Japanu nafčil: 'Vaaaaaaaaa'. I dodam 'Dis is kroatians words!'. Grimase su tu najbolj pripovedale. Sad se još samo pitam: 'Jel su Japanci tam došli iz Zagorskih bregov il su Zagoci došli z Japana?' Kak su me ovi naši domaći mudrijaši navčili, nekaj od toga bi moralo bit. Il' smo svi skup došli z Irana.
Vrnimo se našem problemu. Nebumo sad pregledavali sve kaj se može, nek evo pravog cuga. To je 1.E5, kak je i xxx rekel. A zakaj? Pa, crni bi štel još i F5 z čim bi napal dva bela na E6 i F6., pa kad se beli obrani igrom na D6, oči se nemreju napraviti. Probajte kolko hočete, al nejde, samo nemojte muljati u korist beloga. Recimo da ste se složili s tim. Štel sam reči razmeli. Znači beli igra 2.F5. Sad crni igra jen super-cug na 3.D4. Jel vidite dva 'povratna udarca'? Na sliki sam iz označil s 'x'. Beli nesme napasti crne kamenčiće jel bu pojeden. Ak obrani jen povratnjak, bu nadrapal od drugoga. Nema više. Čiča miča gotova je priča.
Si razmišlam, jel smo morti stvarno Zagorci došli z Japana? Morti nam je go v krvi, samo to još nismo skužili. A ovo kaj ja sad delam je kak povratak v budućnost.
Bok škvadro bl. Muradenu
Post je objavljen 29.11.2004. u 08:26 sati.