Nima večega gušta nego kuvat za prijateje i onda zajedno guštat u spizi...tako je bilo i ovi dana...za predjelo san spravija lubina na posteji od koromača a s'kraj njega dvi frigane gljive i priko lubina frigana kapula i retaji od gljive, pa onda par kapi maslineva uja i to je to...a za glavno jelo filet du porc u crnome vinu sa tikvicama, pa mariniranin ali prvo na suncu osušenin balancanama, friganin kunpirima, suvon pomom dalmatinkom, mariniranon kapulon i friganin cvitovima od tikvice...za dezert pasirane barakokule i na njima pijane trišnje, pijane nešpule, friške arzelinke, pijane smokve, pijani kumquat i par lističa mente...uz to bičerin prošeke a za vrime obida pili smo Merlot rose...bilo vino iz desnega suda i kupažu Merlota iz 2009e i 2011te...život gre daje a uspomene ostaju...
|
