NPK-H

Videl sem ga za vuglom. Šepesal je. Stara bota v njegve ruke frugljala se, a bila je za videti kak da se nigdar ne bu dodrla. Ljeva noga hodila je za njim, jake je kesnila. Cimal ju je, a ona je ta štera ga je celo živlenje vljekla. V grob.
Za vuglom sem ga videl. Nisem išel za njim. Nisem štel gledeti kak gmiže čovek z tri noge. Navek čkomeči, Stari je kak puž s tom botom sljinil po gradu. Polefku, navek med ljudmi. Z drevom namesto lampe. Zaprte, zgasnute lampe, zaprtoga gobca, stisnutih zobi, zgipsanoga ljica. Dve noge naprej, jena za njimi. Kazal se je, hodil. Jedine kaj je delal, postale je tak dosadne, da ga več nigdo ni primetil. Videl sem ga za vuglom, to mi je bile poslednji put.
Nije on hmrl, steklo drevo z korenjem štere se giblje, još navek tu je med nami. Tu v gradu, malemu gradu. Tu.

Pajdaš dragi, naj se dati. Ake čitaš ove, za vuglom je negdo. Vlječe se. Živi. A življenje je za čoveka šteri ima snage vrnuti se za vugel i napraviti nekaj kaj ne bi završil kak onaj za šterim se nigdo ne oberne.