Lovec v kâlne vode
30.07.2007., ponedjeljak
Neču čitati kak se dogodil 'višedimenzionalni poremećaj u đetsetovskom prostornom licemjerju'!!!
|
Negde sem prečital kak v Lépe Naše ludi nâjmejně veruju novinarom če sě usporědiju z tranzicijskemi zěmlami. To měně niš ne čudi. Mislim da jě novinarstvo v naše države opalo na tak niskě grâně kak nigdâr né bilo. Poglěčte si sam komentârě čitateljof na web stranica Jutarnjega ili Večernjâka. Problem jě v tém kaj večina novinarov néma pojma o tém kaj pišě i unda pišeju gluposti. V denešnjě vrémě de jě Zěmla jěno veliko sělo v kojem ordinéra Veliki Žičani Bog z optičkemi glasniciami kakvě nijědna baba tračara né imala, němreju novinari računati da buju skrili svoju glupost i kilavo napisanu vést. I unda pišeju o bedastôčami i o ludima kaj nésu vrédni da poližeju čižmě selâku kaj jutro kida gnoj v štale. I tak prěčitam kak Vlajka Pokuros na radiju pěla emisiju o lubavnemi problemi. Štel sem napisati jěn nârodni izraz, da mi na racku vęč iděju ti novinari kaj pišeju o Vlajke kodali niš pamětnejšě némaju za pisati. A unda sem sě setil da bi svaki normalni racku doživel něrvni slom i nigdâr sě višě něbi zdigel da sě nâjdě v iste rečenice z Vlajkum. Kojě su nejně kvalifikâcijě da morě ona nekaj govoriti o lubavnemi problemi? To kaj ona ima z oném Bikanom né lubavni problém, to jě višedimenzionalni poremećaj u đetsetovskom prostornom licemjerju. Nâjtě toga višě v novině metati, ak jě v vâmi ostalo i n od novinârstva. |
:: 21:03 :: Komentari (3) :: Isprintaj :: #
Dnevnik.hr |
||||||||||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
||||||||||||||||||||||||||||||||||||||||||||||||||||||||