Lovec v kâlne vode
01.07.2006., subota
Do je tu bedak?
|
Veli poloprivredni minister Čobanković: Pa nema zemlje gdje se može slobodno peći rakija. Ako svatko bude pekao rakiju i prodavao je po 20 do 30 kuna, onda ovi koji plaćaju porez ispadaju budale. Je, velike peneze vrtiju ovi kaj pod stolom na tržnice prodavaju rakiju. Voze mercedese, idu na skijajne v Sent Moric, a letuju na Azurne obale. Pa nesmu mi bedaki gospon minister. To kaj negdo proda litru-dve rakije ili ak negdo peče rakiju za po doma, kaj je to tak veliki problem? Pa pol rakije se popije dok se peče, pajdaši se zestanu oko kotla i unda se probava jel' dosta jaka. Ne veruju oni onomu meraču alkohola. Naša Vlada oče oprostiti nogometnemi kluom pedeveja. Ti kaj nagajnaju loptu imaju fajn, i to bogmeč fajn-fajn više penez neg oni kaj su na kartice kupili kotel za rakiju na dvanajst rati. Tem nagajnačem lopovi kradneju auto kaj vredi kuliko i 500 kotlov za rakiju, i taj nagajnač odma zutra kupi avuto kaj opet vredi 500 kotlov za rakiju. I takvi skoro da i ne plačaju porez. I nijovi gazdi na plačaju porez. I sad bi klubom trebalo oprostiti pedeveja. I unda Vas ja pitam gospon minister Čobanković: do je tu ispal bedak? |
:: 09:13 :: Komentari (1) :: Isprintaj :: #
Dnevnik.hr |
||||||||||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
||||||||||||||||||||||||||||||||||||||||||||||||||||||||