...svi mi živimo samo godinu dana
29.12.2005., četvrtak
Pakiranje
 „Si si zev donjega veša?“ viče mama z kuhinje. Koli pasa joj je pregača, ista kakvo ima mesor z kolinja. Ruke so ji bele od melje i se bolje mi liči na gejšo. Navek se briga dal ji sinek ide kredo v svet. Več me letima ne pakira dok nekam ide, ali sejedno pita. Za saki slučaj. „Jesam, majko“ velim ja njoj. „Kaj mi naš kolače osmodila“ nadodam. V kuhinji svira Radio M z blagdanskim programom. Na podu leži pes, Medika. Baka jo zove Črna. Do pred dvo tedne smo meli dvo pese, ali je Dengo hmrv. Njega je baka zvola Medo. Nikak da si zapamti imena. „Kaj bote ti i japek delali za novo leto“ pitam ja mojko dok iščem nekve štonfe bez rupi. Jebiga, zebe me za noge. Sneg je opav pol metra a ja imam sam nekve starke. Jeje da so kožne ali zima je v njima. „Nikaj, kaj bi delali“ viče ona z kuhnje „sigornu bomo zaspoli“. Čujem da nešt premetovle doli. „Koloči bodo gotovi za por minut“ nadoda. Jo stojim polek kreveta i gruntam kaj da zemem z sobom v Berlin. Navek dok se pakiram si mislim da nam zev puno no na krajo to završi z punim bekpekom. „Se brat javivi?“ pitam ja njo. Brat je v emeriki, v Nju Jorko z pucom. Dela tam, nagonja nekve čestice. Več od toga neznam. „Ne čujem te“ veli ona. „dojdi doli“. Na radiju svira „Na Ivanje v Gorčeni proščenje“ a posle toga je baka Katica za svojeg novorođenog unuka Štefeka dola igrati „Međimurski lepi dečki“. I se to na lokalnom Radiju M. „Nemrem ve“ velim joj jo. „Pakiram se.“ Gledim po sobi i iščem pasoša. Nega ga pod knjigami niti pod papirirma. Nega ga tam de je osobna i penezi. „Si vidla pasoša?“ pitam jo njo. Nega odgovora. Valjda me ne čula. Ali našev sam ga, pa nema veze. Biv je pod bekpekom. Več sam si ga prepraj pa sam zobiv na njega. „De ja japek?“ pitam kaj na tiho. Ne mi je lepo dok je tiho a doma sam. „V letni kuhnji, kuha cvirke.“ Klali smo fčera, kaj sam i napisav. „Ga jih čudej?“ pok pitam jo. „Pa jega jih. Imamo preveč mošče. Bom nešt dola baki“ veli mojka meni z štengi dok dolazi v sobo. „Si si se zev?“ pita me i gledi zaprtoga bekpeka. „Kaj si naš kaj zobiv. Dokumente, osobno, pasoša… Se si si zev?“ pita me. Zno da sam zmotani dok se pakiram. Petam si žepe i gledim kaj je v kojem. „Se je tu.“ „Hodi jest“ veli mi ona dok me odmjerava. „Mršav si.“ V Međimurju si navek mršavi. „Cvriki so na stolu. I frišla jetra sam spekla“ veli ona i dide deti novo turu koloči. |
