Kajkavske pjesme
ponedjeljak, 24.01.2011.
Vreme
Nemreš ga narisat,
samo moreš o 'jem pisat.
Nemreš ga dišati i nemreš ga čuti,
kajti, navek šuti.
More ti vujti , ni za pospravit.
Retki se razme z 'jim, bavit.
Na enkrat stane, kak da neče pojti,
i neč novega nemre dojti.
Navek zmanjka,
nigdar ga ni dosti.
Od vsih,
ostale, same buju kosti,
a 'jega,
še navek bu, kak listja vu hosti.
Si pameten moreš ga stvarati
i moreš ga šparati, čak i drugemu dati.
Toj je, mam do tebe.
Ne, ni nebe.
.
Zgledi da ga ni, a vseposod je okoli,
drži te v školi.
Il' je il' ni ?
Il' ga je il' ga ni.
Gda ga je hitro ga ni,
gda ga ni ga ni.
Treba si ga je 'zeti.
Srečko Blažičko, 2010.
Pokle
Treba bu pojti
I treba bu dojti
Odpreti vrata
Dosti je tega blata
Ni treba rata
Neg priatel, vekši od brata.
Srečko Blažičko, 31.08.09.
Oni
Veliko krat, z visokega je rekel :
„Gdo drugemu vzeme bu išel v pekel“
Vre je on bil z vnogim od dekel.
I ne bu mu nič
„ni cucek stekel“
Gda bi ga človek do golega slekel
Videl bi da ne velja
Nič kaj je rekel.
Srečko Blažičko, 10.08.09.
Kaj
Kaj.
Čutim vu sebi
Kaj.
Čutim pri tebi
Kaj.
Predraga mi reč.
Živela bu
Gda ne bu me več
Gda ne bu me tu
Živela bu.
Srečko Blažičko, 31.08.09.
ponedjeljak, 17.01.2011.
Lubavna
Kak i navek sakeg dana
ja se zbudim znova, zrana..
V mislima te ja premečem,
z srčeka te svoga vlečem
Tak si daleč
ni me briga,
ni mi v žepu prazna figa..
Rad te imam nije seja
tomu meni niga meja;
i kak nebum kdar si taka
sa kak cukur
meni slatka!
Damir Sever
ponedjeljak, 08.03.2010.
LJucka 2
I veliki i mali i stari i mladi
'enako maju življenje radi.
I oni ki ne ve da je potreban,
naj ljubav dobi kak i oni ki je zateleban.
Da bi 'jim život bil srečnejši,
uredi to, brat, najmočnejši.
Ak tak nebu uredil se svet,
kmet se bu zdignul kak pred nekaj let.
Srečko Blažičko, 31.12.2009.
LJucka 1
Ali smo mi ljudi,
gda potreben lačen se budi ?
Če nam brat suze lije.
Se pitam, onda sreča 'di je ?
Ali je to ljucki,
da nam brati živiju kak cucki ?
Potrebni i zdravlje i ponos more imeti.
Dopovedaj to, jenkrat, gospodi, Bože Sveti.
Srečko Blažičko, 31.12.2009.
Ali si se prepoznala ?
Gda od drugega deli
smeji se
kak da je 'jen svet celi.
Gda iz svojega žepa
trebala bi dati
Neda nič
i nič ne vredi kaj prijeli bi
Hrvati.
Srečko Blažičko, listopad 2010.
Vnogi misle da tak ni
I ni treba biti Krleža
da zveš
posle hudega deža
čist' lepo se vidi
pajkova mreža.
Srečko Blažičko, 2009.
petak, 05.02.2010.
jen okrhnjeni sonet
Nis žalni kaj zemla se fest zatresla
Nis žalni kaj je hudo vreme došlo
Neg sem žalni kaj nas saki norc prevesla
I kaj si gruntam da je vreme mudrih prešlo
Nis hudi kaj su polek mene se sami vragi
Nis hudi kaj me nigdo ni ne vidi f mojem dreku
Neg sem žalni kaj sme kak pupe na špagi
Na špagi kaj ju vleču oni f medu i mleku
Sem ko dete f ajngele usrdno veruval
Sad kad sem zrasel znam: i med nimi ni se lepe
I sem stisnul zobe, zgrčil dušu i nis pluval
Jedine sem stiha Boga pital: kaj nigdo f raja nepe ?
Dubrafko Marić, veljača 2010.
utorak, 12.01.2010.
Kakov je to hrup ?
Kakov je to hrup ?
To pošten i bedak greju skup.
Kakti edino pošten z bedakom iti more,
a bedaka pak edino pošten razmeti more.
Ak' je to tak ?!
Kaj,morti,pošten je bedak ?
Il' pak, morti, bedak je pošten ?
Itak, po tim dvema hasna more biti jošten.
Bedak je pošten i pošten je bedak.
Kaj zbil'a je to tak ?
Srečko Blažičko, siječanj 2010.
Kak najti lepu reč ?
Kak najti lepu reč ?
Za onega ki sebi vzeme več.
Kak najti lepu reč ?
Za onega ki drugem ne pusti neč.
A gda samo mrve bi dal
to dobro naplatit je znal.
Tak do'go deval bu h vuse
dok 'jegov najbliži
ni kak kljuse.
I če zmerom sebi vzemal bu več,
na koncu ne bu 'mel neč.
Srečko Blažičko, siječanj 2010.
Gdo ve ?
Gdo ve ?
Kaj za bregom se tira ?
Gdo ve ?
Kakšna to muzika svira ?
Gdo ve ?
Kaj bu z mojega mira ?
Jaz ti povem.
Naj te to nič ne dira.
Namesto da bi bila reč
Vsega vraga je pretrpel
jen list papira.
Srečko Blažičko, siječanj 2010.
Kak bi se popevka trebala zvati ?
Gda predali su Naše žule,Našu muku,
za to su digli ruku.
Kak bi se popevka trebala zvati ?
Zde priskrbeli su da drugi Nas brani.
Kaj pozabili su kaj je bilo lani ?
Kak bi se popevka trebala zvati ?
Nocoj predali su i Naše morje,
ni jim se čakalo zorje.
Kak bi se popevka trebala zvati ?
Ja to povedati moram
i povedal bum hkrati
veliki hrvati.
Napisano povodom neizglasavanja ZERP-a 2008.g.
Srečko Blažičko
nedjelja, 29.11.2009.
Vse do den denes
Veliko oni vredi,
ki na zlatnem stoli sedi.
Veliko oni vredi,
ki za 'jim kameni so sledi.
Največ oni vredi,
ki največ pošte'je štedi.
Malo oni vredi,
ki na trdoj zemli sedi.
Malo oni vredi,
ki za 'jim blatne so sledi.
Kolko oni vredi
ki pošte'je ne štedi ?
rujan 2009. Srečko Blažičko
utorak, 17.11.2009.
Kaj bi šteli ?
Kaj bi šteli ?
Pošteje se ne deli.
Kaj bi šteli ?
vi, Vse ste nam vzeli.
Kaj bi, još šteli ?
Kak 'Jega i nas ste raspeli.
Kaj ste slepi, vsaki vam veli,
da ste preveč debeli.
travanj 2009. Srečko Blažičko
nedjelja, 08.11.2009.
Pametuva'je
Hodi L'udva je treba ko'ja potkovati.
Nemremo to staroj babi dati.
Prave potkove najdi.
Tam su ti pri brajdi.
Tak su se posla prijeli šegrt i stari kopitar.
Za tol'ko delo treba im i vina litar.
Treba deti vekše potkove ! - veli suseda.
Hodi doma, mesi kruh ! - kopitar se neda.
Pazi kak snažiš kopita, ta kobila rita !
Vreme hitro mine. Kaj buju deca sita ?
Tam, poleg og'ja več potkov stoji.
Pravu mi podaj ! susedi veli.
Z rokom ju prime, zobe stisne,
hitro spusti i boleči vrisne :
Nis znala da je vroča, trebal si šegrta zvati.
Kak o potkiva'ju pametuješ,sam te moral v š'olu dati.
Prav bu ti prišla jezikova potkova,
Da ne pametuješ, spet znova i znova.
listopad 2009. Srečko Blažičko
Človek ki je daleč pred nami
Kakov je to človek ki je daleč pred nami ?
Kak je pred nami gda je tu,med nami ?
Oni ki ni 'mel hižu je skončal na križu.
Jen ni 'mel sreče, je rekel da se zemla okreče.
Pustite ga,ne ve kaj dela !
Tak bu vnogi jezik se zvlekel.
A on je itak to pred vnogo let' rekel.
I nigdar nikom ni ruku pružil.
A vse je zadužil.
Al' je med nami, al' ni med nami ?
Al' me gledi, al' me ne gledi ?
Kaj zaman vam velim, vi norci sami :
Posluhnite ga, tu je med vami.
I dok gruntaš kakov je to ded.
On že spreminja svet.
rujan 2009. Srečko Blažičko
