"If we open a quarrel between the past and the present, we shall find that we have lost the future."
Winston Churchill (1874 - 1965)
naškrabano -13.01.2009. utorak - 00:41
K i svaki kraj šetemane moja duša traži odmor....traži oni dil sebe ca mu fali......traži misto di san nika....ala valja se zaputi pomalo put gradu......jerbo jema se sa i novi fotic pa ga valja isprova.....je da ni pizatan ali jema niku svoju moc....
Ekola evo me na parking ,gužva do gospe,a ja cu ka i uvi smota oma na desnu bandu pu Solin jerbo tamo nika nima gužve,a ko jebe tovara ca ce uvali noge u blato i usra se cili.......a kada nima vode pa se nece opra.........
oma u joko ubodu ove lokvetine......ajme ka ce i ovu stranu barenko malo uredi a onu priko foše.......
E ovega puta necu mojon standardnon ruton priko malega msta pa krozgrad....gren po prvi put prioda priko ove nakaze o mosta .....e a ca se cudite...nisan tija dosa za dešpet......
Pogled desno.....tek toliko da se pinku odmori oko na Foši
Pa pogled livo....i oma se oduševin ka vidin sve one nakaradne šatore o štandova.....majko moja ca cinidu mome gradu......pari ciganska mahala......ala di su gradski oci .....oli bolje rec ocuhi nek malo mrdnu guice i nađu koje lipše rješenje....cakod ca ce odisat dalmacijon.........
A kad ovu nakazu o mosta nece niko s ove bande litreta evo san ja.....a je gadan za gospu blaženu
Malo ce mo ispriskakat .....evo me vec na strogi zapad na Batariji.....ala koji lipi pogled na teren o baluna,nebi njanko prajci nako izrovali ispo sebe....jema bit da bi tribalo vo malo i uredi,malo više brige oko trave i tako to
Rivu svi litretavalu s donju bandu a ja cu evo za dešpet sa gornje......oma se sitin kako je lipo bilo dok se moglo tode motoron proletit i to još ono sa puvalicon na auspuhu tako da bi se i mrci probudili a ne bidni svit po gradu u 2-3 bota ujutro......mirakulllllllllll o dešpeta
Šentade su mi nako šesne....ma mi se pari oni ca sedidu na njih da se cutidu ka oborita riba na gradele
I eto mene na vrata ograda.....ova slika me vrati oma naza u na lipa vrimena šušura oko peškarije.....a ono di su je sad petali ono je kurac o peškarije,nima više onega dalmatinskog štimunga
Gren malo bliže povirit da se sicanja bolje probudu.....na ona barila slani srdel na ugore,škrpine,zubace.....ajme koje lipo vrime .........ka bi iša do peškarije ka dite capat par srdel oli giric za maška ca je bija moj nerazdvojni pratilac
Nima više onega vonja o friškine....ala ljudi friške ribe,alaaaaaaaaaa.....a ono u kašetan sve se mice ,skace.........
Ala uzulicu pomalo .......e valja baci oko na kucu i taracu ditinjstva moga.........hmmmmmmmmm......kako srce svaki put zadrce,kako dusa trzne........e to je ono ca me uvi vraca mome Trogiru
O velikoga odanja naokolo ka luda kokoš,i umora koji je polako pada na moje neoge,valjalo je fermat se kod staroga kompanja iz ditinjstva Vjeke ca drzi Malibua......srknit onu moju teretnu kavu .....
Falin te bože ni ovo litretavanje nemore priskoci pijacu ........ložu i crikvu.......
A more se malo baci i oko na kalu iza crikve......mile ti gospe koliko san puti tod protrca.......
Ala prikomosta pa uzgat tovara i doma na obid....dosta je bilo za danas
E bravo .....ako kome ve slike tribaju neka ih samo vazme i pripetaje di ga go volja.....a ca san ih cinija koji kurac ako ih nemore niko vazet....e bravo a ako kome tribaju u boljon rezulucionu nek se samo javidu ,posla cu ih drage volje(rezolucija oriđiđi je 4416x3312) a ca ja znan more kome i zatriba ekola
