"If we open a quarrel between the past and the present, we shall find that we have lost the future."
Winston Churchill (1874 - 1965)
ZAŠTO DALmata
naškrabano -18.11.2008. utorak - 08:21
Ka ca bi se moglo na prvu i predpostavit -zato ca san prvu ariju usrka ovod u Dalmaciji.......misto radnje Trogir/Batarija-malarija .....to je bilo onega jednega lipega suncanog litnjeg dana kad je babica Janja objavila svecanu vist mojon materi sa ricima "evo izlazi crni vrag" hahahaha jema bit da su me te rici sinjale za cili život.
I sad posli ovoliko godin ,kad je partija dobar dil mojega života , i kad su lita i lita proletila ka da ih ni ni bilo mogu kazat "fala ti stara moja ca san Hrvat i fala ti bože ca san Dalmatinac".
Ajmo bit precizni....kad kazen Dalmatinac ne mislin na one nike "Dalmatince" koji mislidu da je ovo naše lipote dil nike druge zemje.
To misto radnje di san otvorija prvi put oci i di san cinija moje prve monade kako materi i papi tako i svin susidima okolo blo je moje misto radnje punih 12 lit.....e onda se desija najveci zajeb u mojemu životu-oteli su mi moj Trogir,moje kale , moje kompanje,moju slobodu.Pape je od poduzeca dobi stan u Split i ode moj život na niku drugu štaciju di san i danas.....zgrada sa puno cibi ,sa nikin cudnin ljudima ,koji neznadu ni susidu rec evala kad se sritnu na skale..ma ni ovi grad tako loš ,ali opet dusa je ostaja u Trogir. Na svoj nacin san zavolija i ovi grad,ali nije to ono ca san jema .
Zato san reka prije u odgovoru na jedan od komentara da jesan Trogiranin ali jesan i Splicanin.....nisan ka vecina ovih judi oko mene na privremenon radu u Splitu ,koji grad ne vididu ka misto s kojin i u kojemu se živi nego samo ka niko misto di su oni eto "bolan" kupili stan i mislidu da se Grad mora njima prilagodit.
Zato je Dalmata.....jer nima meni života bez moga Trogira i Splita(Kaštili,Segeta......) kad moran poc di di ne vidin Sv.Ivana i Sv.Duje kampanel odma se deštrigan cili .........ovod san se rodi -ovod cu i umrit ........
A tija bi rec i onima ca govoridu da je Trogir lipi mali grad ......e judi moji da se samo vrime more vratit pa da vidite koje je i kakvo misto to bilo....di si zna uglavu sve mištane,di su se dica nesmetano igrala i trcala po ulican(ajme cili je grad bija nas i nigdi nan kraja ni bilo),di si moga znat ko šta kuva po cakulama žen sa ponistre na ponistru,di ni bilo pustih štekati ,stranci,nekoga drugoga svita koji bi bilo bolje da nikad ni ni doša vamo.......
Zato cu vas ja s vrimena na vrime ka "broj jedan " iz Alana forda vratit sa mojin pricama iz ditinjstva u oni Trogir kakvi je nekad bija ........kakvi je osta sinjan u mojon glavi..............
