NIČEG VEĆ NI
se su stukli
i ceste i hiže
ničeg već ni
crepi su se raspukli
stekla pod nogami cvile
smrt pred lesom spi
ogenj se je zgasil
z pepelom mu vetar trag raznesel
zdavna ionak nema koga greti
nišče živ da bi se oglasil
i da bi ve smrti lesu otprel
više ne bi mela koga zeti
i zadnji pes je pobegel
nihče ne zove ga nazaj
si su dišli na drugi svet
grč me je v požiraku stegel
celom je svetu već došel kraj
a ni meni ni bolše već pedeset let
|