UVALA PELINOVIK-BOGOMOLJE

Čovik se usta i iša dignit mrižu kako je i reka, a ja kad sam čuja pentu da dolazi put kraja, prenija san Nju i reka joj da se diže i da gre kuvat kavu. Kakve li je lipe ribe uvatija, rekli mi neki "macho"... Moj zadatak je bija da očistin ono šta ćemo ostavit za ist, a ostalo da će on podilit po selu. Tako je i bilo. Ostavili smo za peć i za crni rižot, pa ćemo večeras kad se vratimo guštat riblji meni. Uputili smo se po otoku tražit našu kućicu.


karta Hvara

Dragi moji namjerno sam Vam stavija kartu, da vidite koliki je to otok, 80 km od Sućurja do Hvara. Cili dan smo se vozali po otoku po potencijalnim adresama i opet ništa. Još nas je uvatila i nevera, a Mađari se ponašaju po otoku ka da in je Balaton. Naša san ih u lovu na Gornjem Humcu, tako sa smo se skoro pripali i čin prije uteli ča. Napravili smo cca 200 km i gremo put našeg domačina Konga.


nema ništa na gradelan

Kako Kongo vata ribu, a baš je ne voli jist, on je složija i gradele mesa, pa riba, pa crni rižot. Ubili smo se od spize i od bumbe. Tu mi je nešto prvi put spomenija da ovde gori poviše njega ima neka kućica, i da će vidit ako nije prodana itd... Ništa konkretno... Tako smo blagovali, čakulali i išli leć, ne sićan se koja je ura bila, ali bilo je dosta kasno.....