BILICE PRUKLJANSKO JEZERO

Novosti

Lipi moji vidin da ste uvik dobre volje kad ovo čitate i to me raduje.Lipo je znati neke novitade,a za turnir u malom balunu san i ja kasno sazna,tako da san kasno otiša doli na našu rivijeru,no bija san prisutan na zadnjoj utakmici di su Bilice nabile mrižu Danila i osvojile prvo misto na turniru.Lipa je večer bila pa je bilo i dosta publike tako da je bilo baš ugodno.Neku mi prigovaraju da samo pišen o našem primorju,a vidite kad nisan bija doli nije bilo niti novitadi.Od škole do Gatare vidin da su se i oni popravili i lipo radu oni žuti nogostup i još malo pa je gotovo,a vidija san kad san danas prolazija preme igralištu u Mikulandrića da radu struju u novoj trafostanici.Izgleda da san se privarija - bit će svitla do lita kako mi se čini.
Bilo je lipo toplo a zapuvala je bura i razladit će Prukljan a to baš nevolin zaradi kupanja koje je već počelo.
Evo za ovi put toliko sve vas lipo pozdravlja vaš uvik na mistu Šef Ekipe za očevid