expect him soon...again:)

22.01.2009., četvrtak

Eto mene opet i ponovo. Stiga plin u evropu i šire,sve se oma zadimilo o plinifikacije,oma se spustila gusta magla-a di?to će se još vidit.Utoplili se odnosi između dva premijera i sad bi oni odma na utakmicu i to muhte seveda normalno a di si ti vidija da ONI ča plaćaju. Muhte su se rodili,muhte su došli na vlast, sve ča učinu ne vridi ništa tako da i to dođe nekako ka muhte i kad sve zračunamo NJIMA je celi život a ča drugo nego muhte. E a ostaje IN još samo jedna stvar a to je oćeju li i umriti muhte ako i umru sigurno neće niko za njima plakati!!! A vidiš bogati skoro san zaboravi,ču san da će in talijani podiliti države i to muhte!?
Dibro je njima puka da bog da grom u njih.
Napiši ti meni kako si ti i tvoji i ča ima novoga kod vas i kako vi stojite sa plinun i sa susjedima?
Ja san se ču sa Bronhijun pravi da je i njima doli vlaga kako i ovde,ostalo pa je sve po starome. Ja možda pođen doli za krnevala,ako mi zvizde budu naklonjene,sfrigati lušijač frit. A ča ćeš ja san i sa malin zadovoljan. Eto mi smo nešto malo prihlađeni ali ne damo se mi mrskom neprijatelju, radimo ka da ni ništa i ločemo medikamente uz parolu ništa nas nemore prepričiti.

P.S.
Pita bi te,na ki forum si govori da ćeš mi staviti ono prijašnje pismo? Bogati da neb ja još i u pržun završi,a ako se može ča od toga izvući ti meni sve napiši pa ću ja svaki dan brljati teme aktuale.

Ajde bog i mi drugi!!

- 22:50 - Komentari (1) - Isprintaj - #

<< Arhiva >>