The bell

09.05.2006., utorak

-Don-donnn-don-donn-don-donn-don-donn-don-donn-don-donn-donnn-don-donn....
-Kvragu i jugo nece lancuni da mi se susu. Ca sad ovo zvoni? Oli je Lisandro posa na kvasinu pa je zaboravi da je podne vec zvonilo. Vinkaaaa, Vinkaaa, evo ti je sugaaamaaan pa u vrtal. Jesan blesava, mogla san ga i uzesti. Ne bi ona ni adocala da je fali od silne dote, a reci je da je vitar ucini svoje...
-Luceeee, ca je ovo? Zvoni?!
-A vidin i ja da zvoni. Bit ce Lisandro opet bumbija ka i onaj put kad je ucini karestiju prije dvajset godin pa umisto da zvoni u sest uri ujutro, on je poce luncijati u tri. Poveri tezaci su morali spati po polju prije nego li je sunce prosijalo.
-Evo ga na, gre i ta dezgracija o'covika.
-Lisandro, ca je ovo? 'Oli je ki partija na onaj svit? Komu se zlo dogodilo u mistu? Starosti ne fali, ali ni se culo da je nikomu slabo. An, ca govoris?
-Umra je Bartul Tonkov. U Ostraliji. U Sidniju. Dopeljace ga nazat,
-Imejsusovo! Pa un ni bi doma o'kad su mu oca zakopali ima deset godisc, a ona nesretna Ane samo lumini uziglje. Mladi je to covik. Koliko ce imati? Pedeset i sedam godisc, a Luce, je un s tvojim pokojnim Jakovun.
-Je Vinka pravi su vrsnjaci, a Jakov je parti ima sedan godisc. Moracu mu lumin nazgati za dusu.
-A moracu ja i momu Ivi. Samo koliko ovi lumini skunsumaju ulja, to je za nevirovat. Srica da je bila saka maslin, a ove godine je pup nesto slab. Da makar ovo suncokretovo oce da gori jer je jeftinije, a od maslinovoga ca izgori u luminima, da ga prodam, mogla bi lipo usparati, a ovako je zaman.
-Samo u soldi mislis, a ki ce ti ih potrositi.
-E tako, ti mi se javi ka imas pune intimele dolarov od pokojnjaka.
-Na ti rozi, ko da tebe tvoj ni osigura, dvi kuce su ti pune afitalov priko lita, di ces ti kvragu sa soldima.
-Zene bozje, oko cega se vi karate. Svi smo za onaj svit niko za ovaj. Na i ovaj jadnjak komu je maloprije zvonilo...velike skule je fini, pa firma, pa brodi, pa vile...na isti dan smo rojeni, a mojoj je materi dan posli zvonilo. Bi mi je ka brat...
-A ca un nema sina?
-Je, je i njemu je kla ime Toni, po didu. Sesan mladic, isti Bartul samo su mu oci modre ko more.
-A na koga se uvrga s takovima ocima?
-Mati mu je bjonda.
-Lipa perla, bila je jedanput ovdi. Jos je Tonko bi ziv. Nisi moga do rici doci od njezinoga kvainanja.
Sve oce da je se prevede, da zna. A ca ni mogla nauciti prije nego li je dosla ovdi s Bartulon. Ca se nesretnik muci, sad ce ona uzivati njegovi trudi.
-A kako ti nesrico to sve znas? Ne pametim da si 'sa u vijadj do Ostralije ili ti je Bartul dolari sla u sakoperti.
-Ma ca parlate? Bi san kod Ane pa san vidi slike. A ca ste vi tako djeloze na nju. Da niste ostale bez muzov jos bi vas covik i razumi.
-A ca se ti nisi ozeni, nesritnjace? Da jesi bi zac' valjda bi se kakoli i nasla za te.
-Ajte kvragu, ste mene nasle zajebavati! Ja iman svoj mir, a vi ste svoj nasle posli sprovoda.
-Ma vidi ti huncuta prokletoga, kako se usudis reci da sam bila slaba prema svomu muzu ti dezgracijo jedna. Aj' kvragu i da te vise ne vidin! Ti ces meni moje ime blatiti nesrico jedna...Vrcinon cu te u glavu!
-Pocu ja kvragu, ali bogami ne znan ja ki ce tvoji grisi ispovidit i oprostit. A jadan je taj Bog kad takove ko i vi racunaju na misto kod Njega u Raju.
-Nesrico, hodi ca! Trupit cu te!
-KRAK-TAK-TAK...!
-Gren ca jos bi moga ovde i poginiti od ove dvi munjeske ca su pocele cipanice hitati u mene. A bice da ih je jugo smantalo...
-Ma jesi ga vidi, huncuta malodobroga.
-Grom ga ne ubija, un ce nami nasu zalost skrnaviti.
-Ca je Luce, oce ovo daziti?
-Ne znan Vinka, ali cini mi se da okrice na pulenat, ajmo skupit robu.
-Lipi moji sugamani, pogledaj kako su opet sporki.
-Opratices ih kad bude lipo vrime.

- 22:50 - Komentari (12) - Isprintaj - #

<< Arhiva >>