Ah, ti Istrijani!!!

Ah ti Istrijani, malo je ali ih ima da ih nema, ja ne bih bila ja a ni oni bez mene ne bi bili kompletni a vi, potrpite ih malo ako možete ako ne možete ne brinite možda ćete moći iduće godine **** " LABINJON" Za vreme Labinske republiki Labinjani so oteli , koko i saka država, da jimajo svoji beci. Pokle dugeh pensiri jedon ot njeh je ote da se domoći beci zovejo "Labinjon" - Ne, to ne more - di drugi. Koko bi bilo da gremo na Vlašijo kupit tovara i da nan oni, kat budemo pitali koliko košto jedon tovor rišponde: Dvajsti Labinjani! ( beci- novac; di- kaže; rišponde- odgovore; dvajsti- dvadeset *** MESEC Gonajo se Sipe i Mote: -Si vide koko Rusi i Merikani već živijo na Mesece? - To ni nic kontra non. Mi živimo ot meseca do meseca već toliko lit, pa ca? ( gonajo- govore; nic- ništa; pa ca-pa što) *** OŠTARIJA Naš Tonić, poznateji kako Toni Bevonda, ni se ot oštariji vrnu se do škurega, pa je njegova Franica, jodna kako brek, šla ponjega. Barno ga ona, siromaha, veselega ot oštariji i da je mogla, zajno bi ga bila zadovila.Sa dišperana, ona mu di: - Ne moremo mi tako poć više napret, moj Tonić. - S tobon son dakordo- rišpondi Tonić- pak tarnojmo se zajno va oštarijo! (oštarija- kavana; vrnu- vratio; brek- pas; ponjega- po njega; barno- vuče; zajno- odmah; dišperana- žalosna; dakordo- suglasni; tarnojmo- vratimo se) *** KVADRELA OD CUKARA Jena bjondina zove kamarjera : - Molin vas, još jeno kvadrelo cukara! - Ma već ste hi sedan stavila va to kafe. - Znon, ali se so mi šle fondo (bjondina- plavuša; kamarjer- konobar; kvadrela. kockica šećera; šle fondo- pale na dno) *** Vicevi pisani na labinjonskoj cakavici koju od 2019. godine krasi Status zažtićene nematerijalne baštine fotka: moja

- 09:52 -

Komentari (11) -

Ovaj blog je ustupljen pod Creative Commons licencom Imenovanje-Nekomercijalno-Bez prerada.