Misteri pršuti

Judi moji, ako neste znali sada van je znat, va Tinjane s pršuton, vijoline od kužini pun je saki pijat. Inšoma nu, pravit ću van šćorico tu... od seh bondah na izbor mistera pršuti so pozvani, si so prišli za revijo prontani. Na crć je prišla i šinjora Marijeta atrakcija je bila njejna stora bičikleta. A pršutiiiiiiii,...bilo je sakukoveh furešteh i domoćeh žiri pront kako puška samo je z glovon klima, sakemu je difet noša a jenemu samo reka da je "Prima". A reka je veramente tako: premehki da je španjolski, preslon da je dalmatinski, vero da je nešto debul istrijonski, a predimljen da je bosanski... I tako je šćorice pomalo priša kroj žiri je reka tako, znoj: titulo mistera dobi je pršut od šinjora Dujmovića, od kontenteci pršut istrijonsko tinjanski je zajno skoknu na stol pobjednički... istina je vero, e viva pršut va Tinjane tako je jenega leta bilo. Pjesma pisana na labinskoj cakavici koju od 2019. godine krasi Status zaštićenog nematerijanog dobra RH Manje poznate riječi: inšoma – dakle, konačno; veramente – doista, uistinu; šćorica – priča; crć -trg; premehki – premekan; debul – slab; furešt – stranac; kontenteca – zadovoljstvo; difet – greška, mana fotka: net planeta

- 09:42 -

Komentari (16) -

<< Arhiva >>

Ovaj blog je ustupljen pod Creative Commons licencom Imenovanje-Nekomercijalno-Bez prerada.