Maslina...Ulika

Va samine vrta, va tihen mojen kantuniće z blogoslovon mojega noneta je tu ona, na dne vrta poli suhozida svedok bijotega vremena detinjstva, gledan je, leta nose je nakrcala z gronami miluje drago mi teplo ugnjišće. Prvi koraki son padala, pokle prveh se digivala va hlode njejnega fruta prvi amor zakantala prvi kupi nemira lecila dok je ona cvola, draguljica moja, nje son prvi šekreti konsenjala s manon je udahnula tvoj prvi bačin, nje son se kako matere spovedala dok son se za prvi grehi kajala. Još va macoline sprovljena je rožica zakona z njegovega veštida moji koraki so teški i već trudni a srce infašano va blagoslov nonetov. *** Farmoj se živote, kamo prešoš živote ca ne vidiš da na onen putiće, tamo zome još nešto se more noć, ti, draguljica moja, ulika poli zidića do tvojeh korenah moji so koreni još živi dok ti si pod ziden, bit će i mene žive, draguljica moja, ulika mojega noneta. *** Na natječaju CA JE ČA , 2021. Manje poznate riječi: kantunić- kutić; bijot- bezbrižan; digivala- ustajala; frut- voće; cvola- cvjetala; šekret- tajna; veštid- odijelo; infašano- umotano; konsenjala- povjerila; macolin- buketić; zakon- vjenčanje; ulika- maslina fotka: net planeta

- 07:17 -

Komentari (15) -

<< Arhiva >>

Ovaj blog je ustupljen pod Creative Commons licencom Imenovanje-Nekomercijalno-Bez prerada.