4. g Rab 08/09

Ni ni mene bilo neko vrime. Svašta se događalo, vidin. Prvo i osnovno- molin vas da se priko ovog bloga ne prepirete kolo bilo čega, a kamoli kolo čovika ki je poginul. Kako se ono reče...? Pustimo mrtve... Još nešto... Uglavnon... O ukusima se ne raspravlja, jerbo ne postoje dvi iste osobe na svitu, ke isto misle ili imaju isti ukus, a kamoli isto izgledaju! To već i tići i zidi znaju!! Za mene je Toše bil super osoba i pjevač. Ča bi rekla Ivana, malo je takvih. Ni se puhal, tako pristojan, slatkić... Stvarno.... Neman riječi. On je a la Oprah. Jedna od rijetkih kima se divin. Opće je poznato da je današnji svit egoističan, i zato mislin da takvi ljudi, ki svoju slavu i svoju lovu koriste za dobrobit drugih zaslužuju maksimalnu pažnju i priznanje. Popazite malo Paris Hilton! Ta razmaženica ima sve ča poželi, ali uvik oće još. Ni sama ne znan čega. Valjda medijske pažnje. Zato ča je rođena va šoldima i ne zna ih cijenit. Po čemu je ta ženska poznata??? Ni Bog zna kakva pjevačica (a taj neki album je snimila tek tako, jer nima ča drugo čint), ali ča je ona opće po zanimanju? Je ona završila ki faks, ili opće srednju školu? Pa ona se kupa va dedovoj imovini i stvara fameji loš glas. Ča je ona učina za svit??? Oprah, s druge strane, je bila totalno nezapažena, siromašna, maltretirana u djetinjstvu i sama stvorila bogatstvo ko sada ima i ko dili s ljudima ki nisu bile te sriće ko ona. Za mene je Oprah prava ženska. Ni umišljena i ne puše se. Zač ne bismo svi mi bili malo više tolerantniji jedni prema drugima, pomagali si i bili malo manje sebični? Verujen da bi nan bilo još lipše. I smatran da bi tribali pomoć ljudima ki su u lošijoj situaciji od nas. Ne moraju to bit oni iz Afrike. Popazimo malo oko sebe. Čak i na Rabu ima ljudi kima je potrebna bilo kakva pomoć.

Nadalje... (Malo san se raspisala i uživila u tu temu! ;-) ) Kad vidin slike od izleta... Jooo... Kako van je bilo lipo!
Va školi je postalo naporno. Baren meni, jer moran prepisivat tonu toga!! A tek za učit... Koma! Ja san malo bubana. :-( Čera san šla ća od škole, došla doma i celi dan povraćala! Možda san nešto pokupila doli u Turskoj! Ali sad san ok. Vjerojatno ćete svi bit na blogu kad budete na informatici, zato vas svih pozdravljan!!
Zahtjevan od Ivana da nan napiše nešto o svon provodu u Grčkoj, te da stavi još neke slikice, da vidimo kaj se to naš kolega skital! Zanima ne, zanima me, zanima me!!!!! Eto, vidiš? To će ti bit priprema za putopis iz hrvatskog!! I stavi neke bisere. Sigurno ih je bilo u zadnjih šetemanu dan!
Budite mi pozdravljeni!!!