Marketing
Kava u Žbirca…
evo danas, svitu moj, napokon san upoznala uživo i 17-cu…a di bi drugo susret bija vengo na Bače…
skupila me usput doma pa smo lipo otišle u Žbirca na kafu…tot za prvi stol ča vidite prazan…
pusto svita se banjalo u moru…šta'š tokalo i mene barenko noge potoćat, nisan ove sezone nijednom…sve obilazin ka maška okolo kaše, šetan okolo često, a nisan provala…uf, pod
hitno moran nać kupaći…asti gospe, di san ga stivala kad san ono selila???
ma ovi Žbirac je interesantna pojava…prije vengo su ušestili kupalište, tot je bija kondut…e, a sad nisi faca ako tu ne popiješ biru…ma ni to ništa specijalno uređeno misto…nima plastičnih palmi ka u nedalekon susidnon kafiću ča ga morete vidit tu gori u albumu…nima fotelji ka u Stellona (i opet moš proćirit u ote gori male slikice)…jema običnu drvenu ogradu i banke pa pari ka u kaubojskin filmovima…jema trstiku povrj glave ka u tropiman…e i pravu palmu…
tamo u onega Stellona gre finiji svit, obučiveni po poslidnjoj modi, ča bi se reklo šminkeri…ovod obični judi …
oni tamo itali se miljonima za dobavit plastične palme, caklene pregrade, mesingane i ča ti ja znan kakve sve ne stole, fotelje vake i nake…ovi skleputia bokun zidova, pomeća obične katrige i banke…i posta IN
a svi imaju pogled na more iz prveg reda…tu su svi podjednaki…
i sad san baš kurjožasta zašta neko misto postane IN kako se sad to moderno reče…
more bit da ovi salbun ima moć… i obični domaći lad od tamarisa…
stojte mi dobro, gren još proćirit ove plačipizde ča se lome po Mljetu…
P.S. ovi Žbirac je bia misto susreta još jednoj blogeraškoj kafi…eno tamo kod malega oceančića morete vidit u ranijen postu susret 3 blogeraša (on, njegova teta peškafondica i ja) i jednog virnog komentatora (njegova mama brancin)…pozdrav rečenoj ekipi!
Post je objavljen 23.05.2005. u 21:42 sati.