Marketing
Kak trn vu peti
Nedjelja mi je stvarno za nikaj delati. Ponekad mi se ni ručka neda pripremati, ali denes sem se morala prijeti posla. Jen od onih poslova kaj me navek i odveka užasava. Peglanje. Prav za prav navek gdaj se krenem psihički spravlati za takšni posel razmišlam kak su negdar živeli. Mislim onda negda dok još nisu znali da se rubenina treba speglati brez i jene crtice, pa složiti kak da je u dućanu na policama. Istina malčice sem spametnejša kak sem ljeta zbrala, ali i daljše rada imam speglane plahte, rubaču na crtu, majicu bez nabora, a peglanje mi je, kak trn vu peti. Znate kada se trn zapikne pa ga treba spuknuti. Onda se furtam okoliša, polahko, polahko, pa ne denes, z jutra bu lakše, pak se onda šepesa par dni, a kad trn nešće sam vun ga ipak z iglom spuknete. Tak i ja. Tri, četiri dana se spravlam sim pa tam i sam gledim tu planinu na stolcu. Na zadnje si mislim pa kaj nihče ga nebu speglal, ak ga ja ne. I tak sem se prijela posla. Zapraf puno mi je lakše od kadar imam tu neku svemirsku peglu kaj samo hukta.
Fala mom detetu kaj se na mamicu spomene. Drugač ne znam da bi već peglala z onun kaj je prek dvajest leta verno delala, al i ruke potrla. Sigurna sem da ste nedelju lepo sproveli, fest dost komentara na blog ostavili i zdaj ste pripravleni za balone vu Berlinu. I ja mam jen ficlek tega zida, tek tolko da se pofalim.
Post je objavljen 09.11.2014. u 18:07 sati.