Baš nekak nejdem rano spat. Se zrihtam pri kompu i škiljavo z povečalom prebirem po slovima. Slažem ih u reči, pa sve skup u nekakve hrpe di jedna z drugom zglediju kak neke misli. Me to nekak veseli, pa tak zaigran i zaboravim spat iti.
Ova prošla je noć nekak malo drukša bila, makar i ni. Sam se, kak navek, prijel kompa i čital ta svoja velka slova, da videl ih bi, ili ih delam velka. Si narihtam da buju najvekša med onim kaj ih zbrati morem. Ak je negdo u prostoru de se tak zabavljam, more sve videti to kak reklamu. Bogeku fala kaj i tak velka vidim. Me doktori hrabriju ili morti tješiju kad mi veliju, da se boriju, da gorje nebu. Ja si pak mislim da dobro bi bilo da se naglo ne promeni. Male po male nekak ide i se zdurati i priviknuti more. Pa sam se čitavi život po malo menjal, pa bi i to tak bilo.
Kad tak delam nemrem brzi biti. Če mi kakvo slovo pobegne ga najti moram. U tom mi je najveći problem. Ih je puno, a videti ih morem samo po malo.
I tak sam se zanimal i prošlu noć. Mlajši su prešli van, a oni čist maleni su zaspali, a grosa je takaj spat prešla. Z vana po malo čujem kak tu i tam grune. Na televizije čujem, tu pri desnom vuhu, kak se na sve strane ljudi kakti veseliju. Mi zgledi, onak pri nekoj bezveznoj dimenziji, kak neki noriju, al još zreli za to nisu. Nekak to delaju na silu. Kaj da čekaju da ih vlovi ono kaj im je lepo, kad sve zaboraviju.
Vani je megleno i dost zima. Zgledi da se ljudima ni spati iti. Nafilali su si petardi po žepima i sve glediju di bi koju prasnuli. Mora da im je to pravi gušt kad grune. Valda bi najlepše im bilo da z njimi celu hižu zrušiju. I bi, al znaju da bi onda oni nadrapali. Murja, pa sve kaj posle toga dojde, im prpu dela. Ni po njihvom ni na svetu baš kak bi njim dobro bilo. I tak z po kojom petardicom si ipak duši mira daju. Oni pravi frajeri rokaju z malo jačimi. Se posle, valjda, pripoveda i pamti gdo je kakav i gdo je 'pravi'.
Da bi sva ta parada bolja bila, se treba i nekaj dodati. Pivice dobro dojdeju, al za brže i žestica super dojde. Čim manje pameti, luđa je zabava. Nažalost, neki nikaj od toga ne zapamtiju, kaj ih cuga odpela u neka druga il treća stanja. Njimi buju sutra, il ko zna kad, drugi ptipovedali kaj i kak je bilo. Bu onak nekak kaj buju im rekli: 'Stari, znaš kak si pravi bil! Zrigal si se kak deva.' Morti ga buju i zvali Deva.
I tak sam si, z taki misli, čukal i prebiral slova. Si mislim zakaj je sve to tak? Kaj to se dela?
Ljudi brojiju. Kak malima su im pokazivali prste i im govorili kak ih je pet. Veselili bi se kad bi bebač pokazal i rekel 'pet'.
Kasneje, u škole, su nas stariji matematike učili. Čak su nam brojke davali, da vidlo bi se jesmo pravi il ne. Siroti bi na male brojke ostali, a oni pravi do pet.
Te brojke nas svagdi pratiju. Kak smo 'zreli' postali smo se sve više z penezi zanimali. Tu se brojalo svakak. Čim veća brojka, tim bolje. Oni praviji su skupljali i pobirali gde got se moglo. Neki su se tak zaigrali u tom skupljanju, da nisu imali vremena ni videti da su ih vidli i oni koji ih nisu trebali. Mislili su da im niš nemreju, al su na kraju morali im moći. Niš i nigdar ni baš tak kak zgledi. Nemreju ni brojke baš sve.
Fajn sam let sprehodal. Brojalo se. Tam davno su oni neki, kaj ih već dugo ni, počeli brojati. Su rekli kak je to nekakvo novo doba, a morti su to rekli oni posle njih. Neko valda je. Nismo to valda mi zmislili. Navek su ljudi govorili kak je ono kaj oni delaju nekaj bolje. Ja pak znam da je Bogek navek tu i bil i bu. Ima onih kaj v njegovo ime pripovedaju ono kaj ljudi zmisliti moreju. Pri čoveku se sve nekak vrti onak kak on razmeti more, al kak vidim ni to nekaj Bog zna kaj.
I tak već prek dve hiljadi let se brojke vrtiju.
Ovu prošlu noć se v ljudskim glavama, tu oko mene, nekaj promenilo. Promenil se jedan broj. Važćan broj! Su ga i proslavili, a slavili su onak kak se slavi. Bila je cuga, petarde, rakete … Pa prek dve hiljade let se tak dela. Treba to zalit. Da, a ni teško žabu u vodu poterati. Su se slavlju prikrpali i oni kaj sve to ni ne kužiju. A kag treba razmeti kad cuga je tu, a društvo to jedva čeka. Bilo je veličanstvenih zbljuvotina, deračina kaj ih pesmama zoveju, tancanja, ludorija. Veliju neki da je to dobro, da treba tu i tam ventile pusteti. Nekima su ti ventili još jedino kaj im vredi, pa ih navek otpiraju. Samo kad bi im broj penezi veći bil!
I tak me pak neki novi broj dočekal. Navčen sam tak. Mi nekak jasno da se zapraf ova naša zemlica oko Sunčeka skroz obrnula za celi krug od prošlog takvog novog broja. Onima z petrdami, zbljuvanima i znojnima od tancanja to tak svejeno je. Njima glavno da je. Dižeju čaše v luft i pevaju onu: 'Kolko kaplic tolko let daj nam Bog na svet živet … '. Bogek moj, kam to sve ide? Valda je tak vredu? Pa valda je vredu kaj ja to tak gledim i si mislim. Ja samo nekak nemrem z njimi tak na taj način. Prejdem med zvezde z misli i se divim svetu i životu. Kaj su ti broji čoveku? Kaj sve to je? Nis zgublen. Ne, ni malo nis. Tu sam. Tu, u svetu i trudim se videti zapraf i znam da sve dok mislim da jesam ja gledim. A kaj jesam? Dragi Bogek po Tebi jesam. Nekak sve jasnije vidim i sve nekak ćistije Tebi jesam. I zakaj bi sad trebal popit… i zakaj bi trebal pucati …. i zakaj bi trebal tancati …? Pa sve je tak kak je. Bogeku fala. I ni on neko treći ni drugi. Se mičem od brojki. Njih su ljudi zmislili. Sve je jedno i to je božanstveno.
I polahko zapirem reči. Naj bu jedinstvo postojanja.
Prijatelji dragi, kaj da vam velim. Eto, broji se. Kak i navek naj bu dobro i radosno. Nekak najviše je do toga kolko vidimo. Puno onoga kaj nam ni dobro smo sami zmislili il napravili. Poglečmo. Bogek nam je dal 'šansu' da bi raja na zemli imali. Vidite to? No, samo malo treba, da istinski otpremo oči… volim vas … :)
Post je objavljen 01.01.2011. u 21:05 sati.