Marketing
Sklerozna popevka
Svaki početek već je i kraj, tri koraka napred četiri nazaj,
a kad odrasteš utvaraš si tad, kak navek buš ostal spameten i mlad.
Kad jednog dana, o kakve bruke, postale jesu prekratke ti ruke,
ak hočeš čitat oči ti fale, i furt po hiži išćeš očale.
Tak fino, polako, počne skleroza, najpre vu zubima paradentoza,
pak onda uz muke i tešku vezu, od socijalnoga dobiš protezu.
Na glavi polahko kosa opada, al zato ti rasteju brkovi i brada,
na kraju nekaj zaštopa ti vuha, niš nikog ne razmeš, čisto si gluha.
Celi dan iščeš kuda kaj deneš, jer sve pozabiš čim se okreneš,
ni noge te više ne nose kak predi, pomažeš si batinom, al kaj ti to vredi.
V kolenu škripi kak da je hrđa, a kičma ti bude se trđa i trđa,
ruke ti drhčiju, noge otiću, po stokrat pričaš baš istu priču.
V križima išijas, vu kuku artritis, v črevima sračka- veliju kolitis,
pljuća ti sviraju kak ti trumbete, trbuh ti raste kak da nosiš dete, koža ti gruba kak šmirgl papir po licu bore kak da si vampir.
Kaj seksa se tiče i tu smo slabi, vu tih se leti to opće ne rabi,
nigdo za tebom se ne bu okrenul, a gdo se okrene-bormeš je skrenul.
Škodi ti slano, nemreš jest masno, svi te špotaju ak prdneš glasno,i zato su zmislili te staračke hiže, da starost mladima tlaka ne diže.
Post je objavljen 17.06.2008. u 09:36 sati.