Pregled posta

Adresa bloga: http://blog.dnevnik.hr/lovec

Marketing

Gnôjčina, roglė gnoja, a morti i lopata

Kak čitam novinė i tu i tam gledim kaj sė okolo v svétu dogodi, tak puno put prėčitam takvė bėdastôčė da bi na one, kaj nekaj takvoga zblujeju, nâjrajši roglė gnoja itil. A morti bi sė bolė bilo z lopatum naititi, morti bi bilo saftnejšė.

I tak sem sė dogovoril sâm ze sobum da bum tu i tam pisal gnôj v glâvu blogek v kojem sė bum z virtualnem gnojom naitil na bedâkė. Študėral sem da bi to bil top 3 sake 7 dni, ampak negda jė bedâkov tuliko da bi mi broj tri bil prevuski, a negda ne čitam novinė, ne gledim televiziju i nėjdem na Interneta, pak bi morti v top 3 navlékel i onė kaj nésu zaslužili da budeju v tak bedaste pajdašije.

Nâjprijė sem mislil da bi sė to zvâlo gnôjčina, a onda sem študeral da bi roglė gnoja bile bôlė, pak sem unda vėč zebral Z gnôjem v glâvu, a unda sem sė pak na roglė gnoja vrnul zâto kaj na roglė moreš nekoga nabosti.

I tak unda, večėres bum itil prvė roglė gnoja, moretė posle tekmė dosurfati sim, popiti virtualni škropec i gledeti koga buju pogodile.


Post je objavljen 07.08.2007. u 16:59 sati.