Jâ to stâlno govorim sam kaj měně nigdo ne sluša. To sem prvi put rěkel unda dok jě onaj fiškâl vozil v krivem prafcu i vubil čoveka. Z avutom. Denes jě opet jěn divlâk ubil jěnu deklu, a nězin dečko jě jědva ostal žif. A kaj jâ to govorim?
Jâ velim to da oni kaj pijani voze i napravě takvu něsreču de ima mrtve da bi jem doživotno trebalo zěti vozačku.
"Pa né pošteno da čoveku doživotno zemeš vozačku", veli pajdâš z birtijě.
"A jel pošteno to kaj jě on nekomu zěl život?"
Mislim da bi ludi trebali malčeko više odgovorati za ono kaj délaju v životu.
Milas jě negda govoril kak jě mozak jěftin. Kilo mozga dvé markě, to bi denes bilo jěn €. Ni život ně puno skupši. Pogotovo ak néstě člân bogatě i vuglědne familijě. Prejěftin jě taj lucki život.
I zâto sem jâ da sě takvemi dosudi doživotna zâbrana za vožejně avuta. Némi to i tak něbu nikakvo kaštigovajně zâto kaj ionak imaju dosti peněz da si platiju vozâča. Sam kaj barem něbuju višě vubijali ludě po ceste.
Post je objavljen 01.08.2007. u 21:36 sati.