Pregled posta

Adresa bloga: http://blog.dnevnik.hr/brankov

Marketing

mađijoničar

jen moj pajdaš kaj se zove klinček zna i sakačke bedaztoče delati z kojekakovemi pridružnim srectvima ot bilo koje kvalitete. i on je jen pravi mađijoničar al neče mi to priznati nek skriva jenu takovu informaciju kak zmija noge. ja negda dok idem na dravu z biciklinom pecati jene ribe onda se tak k njemu zavrnem jerbo mi je to vusput i velim mu o bok klinček jel znaž morti kakovoga novoga trika a on meni veli o brankec a kak nebi znal. i onda mi ga pokaže. al dok idem z davoricom pecat ribe onda se mi redovito ne zavrnemo k klinčeku jerbo davorica veli da on nema žifce za takove bedaztoče. baž sem neki den lepo se vozil na bicklinu jerbo je bilo jako vruče pa kaj se malko razladim pri jenoj brzini ot nagaživanja silnom brzinom pedali na biciklinu i onda sem se lepo setil. i velim ja sam sebi počkomeči mogel bi ti branko malko zapregnoti tu beznu mašinu na ljucki pogon do klinčeka pa da vidiž el zna kakovoga novoga trika. i tak sem ja lepo zagazil i začaz sem dohujal do klinčeka. a veli klinček meni o kak si branko a velim ja njemu i onda klinček jel znaž kakovoga novoga trika. a veli on meni kak nebi znal jenoga nek znam jenoga pravoga. al to da vam ne natipkavam kakov je to bil trik nek je to bilo čudo jeno kaj se nemre videti niti na televiziji pa da baž imaž i satelicku antenu. lepo smo si seli za stol i veli meni klinček jel ti vidiž branko ovu špagu kaj ju ja držim v ruki. a velim ja njemu vidim. a veli meni klinček no sat si zamisli branko jenu državu i ja sem si zamislil jenu afriku jerbo tam žive crnci a veli meni klinček a sat si zamisli jeno selo i ja si zamislil peteranca jerbo sam jemput tam išel z dedom dok sem bil mali bika glet kaj bi ga kupili al je bil prebesni. i veli klinček meni a gle sat branko ovo i jož neje stigel niti reči i samo je lupil z jenom rukom vu stol i špaga se je vužgala i zgorela v šubu dok nabrojiš do nula jerbo je to bilo odma ak jen obični čovek to opče more skužiti. ja samo kaj nesem opal pod stol ot takvoga jenoga trika. a velim ja njemu kliček jebote koji je to pravi trik. el bi mi štel reči kak se to napravi kaj bi ja to mami pokazal. a veli klinček meni je branko ja to tebi nemrem reči jerbo je to jena magija a ti za to nemaž škole. i tak smo si ja i klinček popili sakoj po tri gemižta i sel si ja na biciklin i študeram ja sebi kak je to klinček mogel izvezti i jenu takovu magiju. a dok sem došel doma onda sem lepo išel ja to sprobati kak bi izvel čovek jenoga takovoga trika specijal. al nikak da mi v glavu doje jena približna ideja. celu noč nesem spal nego sem jenoga toga trika premišljal i vrtel v glavi sim tam i kak bi ga izvel kak pravi mađijoničar. i onda mi je tam negdi pred ranje sinola jena prava ideja kaj bum napravil čim se zdignem. i lepo sem zel jenu sveču i vužgal sem ju pod stolom i zel sem jenu špagicu i dobro sem ju namočil v petrolej i onda sem pozval mamu i velim ja njoj gleč mama sat jenoga pravoga trika specijal. a veli mama naj me branko zotim bedaztočami bašuriti jerbo imam preveč pozla. a velim ja njoj al samo dve minute mama pa kaj nebuš mogla celu noč spati. i onda si je mama sela i velim ja njoj no si mama sat zamisli jenu državu a veli meni mama el more jugoslavija. onda bi ju mam šubeknol z šakom po glavi samo kaj sem se suzdržaval. onda sem joj lepo objasnil da si mora to zamisliti a ne meni reči. i onda si je zamislila. onda sem joj rekel sat si zamisli jeno selo. i onda si je ona i to zamislila a ja sem samo naglo spuztil ruku pod stol i špagica se je vužgala na sveču i silnom brzinom počela goreti pravac med moje przte. i kak je to mene speklo ja sem samo hitil špagicu na stolnjak jen novi plaztični i mama je samo zavriščala jerbo se je splašila jognja a stolnjak se je samo sprekuril i baž po polovici kaj je mam bil niti za pol stola pokriti. ajaj dok me je mama šubeknola s šakom prek pleč kat sem joj skuril stolnjaka kaj sem se zvezde videl i ja sem se mam setil klinčeka i kak je on meni rekel da za jenoga mađijoničara moraš vu pravu školu hoditi a ne samo tak jene ideje sproizvađati kak ja. i zato bi ja štel vu jenu takvu školu iti kaj bi se nafčil se takove trike i z kartami i slično samo neznam kak bi to mami rekel kaj me pak nebi šubeknola z šakom prek pleč jerbo su za nju se jene takove bitne stvari samo jene bedaztoče jerbo ona nema pojma o takovemi procedurami ot modernistiđkih zanimacija. bok i pozdrav jen obični ot branka a to sem ja

Post je objavljen 04.08.2006. u 22:03 sati.