Objavljeno 20.06.2012 2059 Zazvonilo podne.. I po njegovomen tonu se ćuti da gre lito, da čvršci tek ča nisu započeli svoju odu vrućini Orionovoj, ča je oni njegov pas u zubiman donese judskomen praju..
Sidija san cilo jutro šoto Vele murve, doli na Pazar, ljudova s ljudiman, a Zdenka san veza lipo namo na Gojaču, da pase i trpi dičju zajebanciju.. Ma, sve me je straj da ćedu ga opet našopat bonboniman i čikolaton, pa ću jemat dima sa njegovon nadutošću i grčeviman..
On van, svitu moj, isto ka da miri metre puten odizad toga: svaki četvrti metar, mola jednoga, nako usitno, sve ka da neće.. Ja se, normalna stvar, pravin da ne čujen, ma jopet, tija-ne tija, ne mogu se ne spazit ča čini..
Tako da brojeć njegove zvučne i dimne signale, mogu deboto i zatvoreni očiju zbrojit koliko mi je do doma ostalo, zafaljujući mome Zdenku i njegovomen kalunu..
Dunkve, zazvonilo je podne, ka ča san već reka, i brez mislit san se zlamena i višje po navici oćutija glad.. Sitija san se lešoga pivca i lipe konče ča je on mola u juvi i u jednu botu su mi dopizdili i Murva i šentada i sve one šupje i miljun puti duperane beside ča san ji odjutros razminjiva ka dica franje sa svojin vršnjaciman, lipo ji i judski pozdravija svi skupa i partija uz Kajin brig..
Svaki put kad gren tuda, oko mi pobiže na onu prišušenu hridinu, od mora otetu, i na onu rapavu, grubu i gobavu Kulu, ča su je stari načulili onod di je i sad..
Odizad kostiju, osta mi je stari, kockasti, ozbiljni Kampanejal, stari udovac, sa svojin modrin stinan, pravilnin i ravnin crtan, svojin škvaran i tankin, reklobise, filigranskin fugan, baš ka nika velika kontrasta onoj šašavoj i ševrdljavoj, na vrat- na nos skrpjenoj Kuli, su desne strane, kad greš odozdala uz Kajin brig..
Da nije oni kuć naokolo, cilo se oto zdanje, prateć ga nako puten, učine ka niko veliko i zbito kameno gnjizdo, ča ga je, meknimo reć, nika velika tičutrina, učinila, vođena svojin nagoniman, svojin unutrašnjin kaoson, a jopet, kad promislin da bi ja to, ka slabi i malani čovik, učinija drušije, bolje – bugne te međuoči cila ota slika, ka sama za se, ka jedina ča baš u oti kvadar stane...niente accade per caso..
Svaka stina jema svoje misto, ka da je u početku svita i vika još u intramini zemajskoj, stvorena sa svin svojin goban i šaran, frižiman i venan, za ono jedno i jedino misto u onoj jednoj i jedinoj zidini..
A undak, odjedanput oćutiš da si na nišanu! Da u te cilja stari, ruzinavi, ma ne i gnjili, Sućurački top! Ka na mrtvu stražu, tote je moreš reć, okad je i Sela, zije čekajuć da Sunce obajde Glavicu i obasja mu justa i ždrilo..
Svi mi znamo ča on čeka, čemu se cili svoj dugi život nada i o čemu snuje.. Ma poštenoga čovika – nima! Jerbo, još je Isus reka: „Koji je brez griji, neka prvu stinu itne..“ Zdruge strane, nije on brezveze tot! Odizad njega su se sakrivali Sućurani od mrskoga Turčina, od neprijateja ča ji je porobit tija.. Sićan se, ka i dite, kako bi se mi dica verali po onin sikan, nastojeć se dovuć do usti Topa i turnit ruku u nj.. Znajuć da nan ništa neće jerbo smo mi dica, a on u dicu pucat neće, a i njegovo je vrime prošlo i nima u koga višje pucat.. A nima ni zašto! Svi su naši dušmani davno mrtvi, a Selu ne priti višje nikakova sila i ordija..
Bolidu me stare kosti..
Seja san zericu počinit na one skale, a pod rukon ćutin oni uglancani kamen, ča smo se ka balavurdija znali sklizat nizanj..
I jopet u ove lude, išempjanje možđane, useli, bane, nika stara, prastara priča, noseć sebon davno izblidile slike i užance, nestale vonje i ljude...
. . .
Zavrtila bura, ladna, oštra bura onu jadnu i nevojnu šaku sniga, navr ona dva nevojna Sela, navr one dvi jadne šake siromaški kuć i pojat, su malin uskin ponistrican, rašušenin škuran, ča su višje otvarale neg zatvarale, i ka da su dražile, mamile oni divji vitar da sviri kroza nji, razladi kosti odizad i poduši ono ognja u kaminu, zaginga komoštre..
- odnija jon vrag jamu, ka da ne bi znali brez nje živit!
Ronza baba Mande kontra bure, stara, navraskana Sućurka, sva ošušena od godin, gladi, ušenak i života..
- Di su do sad? Pala je noć, a nima misečine, nima puta, izvrtile su kiše i isprale svaki piljak, izbile stine iz redin.. Jemat ćemo mi dima dok ji ne najdemo!
- Kuco, stara! Ča gataš? Muči i grij se, kad ti je Bog providija! Jema ko će brigu oba tomen vodit..
20.06.2012. (20:38)
-
-
-
- - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
Kuco, stara! Ča gataš? Muči i grij se, kad ti je Bog providija! Jema ko će brigu oba tomen vodit..
Višje u brizi, neg grintavo, opomene je Kaja, strogi, grintavi Sućuranin.. Ni mu lako, i njega mučidu brige..
- Vrazi su to, ni je njiman za virovat! Opekli smo se š njiman stotinu puti do sad!
A cilo oto vrime, ka da su znali da o njiman brige doma brigadu, deboto ka slipi miši, landrali su puten šijavali pametni naši glavari sela našjega, Pave, Marin i Grgo,smijući se vrteć u glavi i razgovoru cili današnji dan, 28. miseca studenoga, ijadusedanstotin devedeset i druge godine potla rođenja Isusa našega Gospodina Krista, sritni ka mala dica, ča je onomen velikomen neprijatejstvu finila ultima ura..
- govorin ja van, svitu moj, da je ovo Dilo Božje! Kad smo partili namo, nisan se nada ničemu dobromen!
Započne besidu Pave, suvi, visoki i ispijeni Sućuranin, s izblidilin fesićen i duga, žvelta koraka ča su ga jedva pratili ona druga dvojica..
- ma ajde, moj Pave, umeja je nas ka i nji ovi rat, kletve i imba.. Ja ni ne znan kako su i naši i njijovi stari mogli vako dugo izdurat u karanjima i dišpetima.. odgovara mu rumeni, prosidi i zbiti Grgo, ča mu nije bilo mrsko usporedit gomiliško vino sa sućuračkin
- pomalo, Gospu van vašu, kud prišite tako?! Ako je priša umrit, ni zakopat, vas ste dva mladi, ne mogu ja su van korak tišćat!
Zapuvan je Marin, ma isto progovara..
Nji su trojica doma nosili veliki glas: frmana su neprijateljstva i dva su Sela pristala bit dušmani jedni drugiman..
Nisan u to vrime, lipi moji, bija rojen, ni ja ni moj lipi Zdenko, nisu nan ni didi, ni pradidi bili živi, more bit nije ji se ni kontalo činit..
Ma, isto tako, nisu ni naši izaslanici undak mogli znat, da će mali_marinko balit oba njiman, puste stotine godin poslin..
A jopet, ni sam nisan zna unaprid kud će mene moj tovarčić nosit su istin onin strajon, nespavanjen i landranjen, bilin, prašnjavin putiman, srebrenon misečinon osvitljenin, put niki drugi, daleki gradov..
Nije znala ni baba Mande, ni di ću odit, ni kud će puti vodit...nije ni mogla, jer su jon se kosti davno u praj učinile..
Dunkve, evo ji, blizu sela... svitli jin Kozjak, reklo bi se, iston ovon mojon srebrenon misečinon, ma jopet, svitli nikako lipo, domaće, iznutra, isto ka da je proguca svo srebro svita, svaku srebrenu rečinu, braćolet..... Veru..
Svitli Kozjak, naš i njijov, nako, ka i uvik, kazivajuć strane svita, ča je gori, a ča doli... Oklen će nova zora svanit..
E, an pačpe, triba bi Van rastumačit, lipi moji, kud oto gre ovi moj smantani tekst, ča oto oćedu reć smantane ove beside.. a ni mi laka..
Ni nikako, jerbo triba ove ludaste možđane dobro upregnit, ne bi li se sitija oni događaji od prin, meknimo reć, dvista i dvadeset godin! A čoviku se diko teško sitit ča je jučera obidva!
Puni stotinu i četrdeset godin prin togar dana, togar 28. miseca studenoga, ijadusedanstotin devedeset i druge godine potla rođenja Isusa našega Gospodina Krista, dva su se sela Sućurac i Gomilica uspili složit okolo niki stvari, sporazumili su se oba tomen kad će koko od nji i di vodit beštije u pašu, pokosit i skupit ono zericu trave, oli odit ubrat čako drv za zimu..
Molali su Gomiličani Sućurane da u njijovomen bogatomen gaju sičedu cabla, a za svaki rast ča ga ispiladu, platidu dukat njiman, jerbo je tako notano u njijovomen pisanomen sporazumu, ča su ga davne ijadušeststotin pedesetidruge ota dva sela učinila..
Ma jopet, i potla otoga njijovoga sporazuma, divjiman Sućuraniman i Gomiličaniman opet je falilo megdana, divja se krv uzvrila, udrila u one možđane, bubala u templa!
Jopet su se cili mali ratovi znali vodit okolo mejaša i pravic, šćete, prave i umišljene, vicij, imbe i zlovolje..
„Jo, Gospe moja, vidiš li ti ovo! Vidiš li ti kako gomiliška kokoš nemilo treplje po trudiman moga Antona, vraže jon čambre odnesi! Duša mi plače, o, Gospe moja, kad gledan otu silenost navr puka tvojega!“
Zdvojno i naricajuć', kršile bi Sućurke ruke i plele prste..
„Eto ti jin vraže nakvu silenost, u praj ji učini, sveti naš Jerolime, kad nan svaki korak brojidu, kad nan ne dadu ni puten odit, a pod nos nan svoje bogastvo i svoje luše turadu..!“ Nisu Gomiliške ostajale dužne, ni u kletvan ni u naricanjiman, baš ka da smo u finalu svickoga prvenstva u petavanju rozi i srodnin disciplinan..
Odilo se po sudiman, tuživljalo se i često lažno očitovalo, samo ne bi li se drugu stranu prikazalo goron i nepoštenijon kod suda..
A suci bi zavrćali očiman i puvali ka kravosas, čin bi poznali sućuraški oli gomiliški opanak, znajuć da će se zaradi jedne site koze oli pobigle kokoše jopet tribat raspravjat su onin divjin i nedokazanin sviton..
Diko bi jazičac na balanci pravde časni sud turnija u jednu, oli drugu stranu, ne bi li se čin pri rišija oni seljački čimavic, ča bi „poginili za istinu“, busajuć se u one široke, o' sunca opaljene parsi, baš ka da će jačin bubcen dokazat svoje veće poštenje i istinojubivost..
Sudske bi se odluke uglavnon poštivale, barenko prvo vrime, ma
20.06.2012. (20:43)
-
-
-
- - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
Sudske bi se odluke uglavnon poštivale, barenko prvo vrime, ma bi se svaka od nji činila nepravednon i krivon onoj drugoj strani ča je otu bitku izgubila...ma ne i rat!
Vrtile bi se nemirne duše u posteju, provavale zaspat, ma zaludu.. Gucali bi se veliki i gorki njoki, provavalo zatomit u sebi divju narav, trpeć ono potmulo ženino ronzanje kraj sebe, šaljuć je diko kvragu, nju i tešku jon narav..
A kad bi se, nako izmučeni, bidni težaci ustajali zoron, prvo ča bi čuli, bilo je nježino punpanje, nako natašte: „Eto ti pravde, eto ti gradskoga metra koji napose miri u Gomilici, a napose u Sućurac! Vraže ji odnesi, i jedne i druge!“ Vikale su i klele Sućurke, ne mogavši podnit nepravdu..
U tomen je prispila i 1715. godina, godina u kojoj se rasplanca ratni plamen odizmeđu Mlečići i Turčina, a prisvitla je Republika Svetoga Marka, oliti ga na pujiški Serenissima Repubblica di Venezia, svin silan gledala obranit Krf, jerbo su znali: Pade li Krf, eto Turčina u Dalmaciju...
„Oko mora varoši bijeli Po imenu zovu se Kašteli Tvrde kule, visoki palaci I u njiman sileni junaci“
Opisiva je fra Andrija Kačić u svomen Zaostrogu, sedan seli poredani kano sedan galebov.. A undak se napose sitija štafiliškog junaka i generala u Mleci, ponosnoga i žveltoga Ivana Kumbata,
„Od Kaštela silnoga junaka Ljutu zmiju i vrla krstaša, Koji Turkom odsicaše glave“
divjega i nepismenoga, ma hrabroga i poštenoga Kaštelanina ča je odisprid dužda Mletačkoga razdrljija košulju svoju, kazujuć rane i ožiljke priko cili prsiju, kazivajuć duždu i Vijeću velikomen pismenost svoju:
„Evo pera kojim pišen!“
Je, je, lipi moji...nije davno do tad takvega junaka nijedno selo podno Kozjaka dalo, a za nagradu,
„Dužde njemu dade generalstvo Od Hrvatske vojske za junaštvo..“
A našega je junaka smrtna ura sustigla na Krfu, di je i živija, do 1744. godine, ma svoja Kaštila i svoj Štafilić ni zna ni moga zaboravit.. U testamentu je ostavija dvista dukati dote za šest cur iz siromaški kuć koje su se spremale zaredit u koludrice..
U to je vrime, ote 1715-te godine, Mehmed Paša poveja svoju vojsku na Sinj, proša je priko Prologa i diga šatore uz riku Cetinu.. Bidan se narod pripa, biža oli prema moru, oli u planinu, uzdajuć se u Majku Božju da ji spase..
Otklen tebi, Sinju bili, Da se ime tvoje mili Sitnoj travci, kršnu boru… Otkle ponos, otkle dika… Od koga ti srića data… Zvizda toja, Gospa tvoja, Tebe vodi, tebe nosi: Kad je mira, kad je boja, Za te moli, za te prosi Otud Sinju, tebi glasa, Bolnu srcu otud spasa.
Šesnajst dan su Turci provavali Sinj vazest, ka gromi, pucali su topi, svitlile krive sabje, ma je grad očuvala Majka Božja, a fra Petar Filipović u 'no vrime oba tomen pisa: "Da je dakle ovo bilo njezino dobiće, sumnje ne ima; pak i Turci isti posli govorili su da su gledali svaku noć u vrime obsidnuća odit po zidu Grada jednu ženu u velikoj svitlosti".
I vidivši Turčin da kontra taki stvari sabja ne pomaže, skupi šatore, digne konak i ostavi Sinja Majci Božjoj..
Dunkve, vodila se vela vojna kontra mrska Turčina, tukli su se naši stari, virujuć da, tukuć se za Veneciju, tučedu se i za se..
I bilo je tako.. Branili su Sućurani zemju svoju i viru svoju, branili grčevito i juto ka zmije jutice, ne molavajuć ni pedlja Turčinu! Tukli su se Sućurani i kod Sinja i kod Imotskoga, lipi moji, i kod dalekoga Ulcinja, a ono svita ča je doma ostalo, plinilo je Gomiliške beštije ča bi ji oni bidni veživali u paši u poju sućuračkon.
„Uliza je vrag u jude, božemiprosti“, govorile su žene su obe strane granice odizmeđu seli, molile su se i klele u isto vrime, petavale roge odispod traversi i zavrćale robu naopako, braneć se od tujega uroka..
I trajala je vladavina nečastivog dugo.. dugo vrimena nije Sućuranin moga Gomiličana otrpit, niti je ovi na oči, a brez bisa, susida moga poznat.. Brecala su zvona u obe crikve, oli veselo jude kupila o svecu, ma jin nisu znala ulit u duše ono zericu jubavi prema bližnjen svomen, namo, su onu stranu granice odizmeđu dva sela..
odnija bi vrag čoviku kozu, oli kozle, nalazili bi judi kline i špage oli pancira brez beštij na drugi kraj.. Čuli bi kadikad u gluvo doba noći, kako in vitar odozgara, iz Krtin, nosi tužno revanje njijovoga sivca „ča je moga ka malo koji konj potegnit“, a ča ga je vrag „jema evo i dva miseca, odnija“.. oli piskutavo blejanje malanoga kozlića, ča ga noćina rastiže priko oštri Kozjakovi sika..
Tuživljali su sela jedno drugo, vražjon imbon punpana oba, pravice iskali, a nikad je ne molavali jedni drugima, ne vidivši truna u oku svomen, a poznavši brvno u tujemu..
Sve do 28. miseca studenoga, ijadusedanstotin devedeset i druge godine potla rođenja Isusa našega Gospodina Krista.. Otoga su dana pametni naši glavari sela našjega, Pave, Marin i Grgo, partili u Gomilicu, ne bi li se prikinila ona vikovična neprijatejstva odizmeđu dva malana, susidna sela..
A more bit da su, lutajuć Gajinan, naletili jedan na drugoga dva sveca iz naroda: Juraj i Jeronim, oba pravednika prid Bogon..
Bilo vako o
20.06.2012. (20:45)
-
-
-
- - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
A more bit da su, lutajuć Gajinan, naletili jedan na drugoga dva sveca iz naroda: Juraj i Jeronim, oba pravednika prid Bogon..
Bilo vako oli nako, oti se datum učinija prvin danon Velike pomirbe koja traje i dandanas..
. . .
Iz otoga moga imberlanoga i ludastoga sanjarenja, prene me dičji plač nikoga diteta u Gospojskoj štradi..
Davno je oto sve bilo, davno su zaboravjene one starovinske karbe odizmeđu dva susidna sela.
Izlapila je i turska napast, sunovratila se u ponor povijesti skupa su prisvitlon Republikon svetoga Marka.
A sućuračka i gomiliška gajeta skupa ploviše zaricanim i nemirnin valima rvajske povisti, obnavljajuć izblidilu tintu svoje Pomirbe, dileć istu tešku i zajebanu sudbinu..
Danas se navr oba sela natkrilija teški, crni oblak novovike industrije su novin grubin, čarnin otrovima ča pritidu iščićat ono ča svi dušmani i gladi, bolesti, sirotinja i smrt nisu mogli iščićat..
A š njin nima pomirbe.
Eno čujen Zdenka di reve na Gojaču! Zaudobija san i na nj i na lešo pivca.. sad triba prišit!
Trčen i mislin se. I smijen sam sebon, ka bože mi prosti, imberlan..
Jerbo,
mali je gomiliški Kaštilac još brcon vezan za kraj, još ga more odnilo nije..
a i sućurački Top još nišani!
I ni gotovo!
Nije nikako smiley!
Maloj i zajebanoj Gomiliški smiley..
20.06.2012. (20:47)
-
-
-
- - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
katrida
Objavljeno 20.06.2012 2059
Zazvonilo podne.. I po njegovomen tonu se ćuti da gre lito, da čvršci tek ča nisu započeli svoju odu vrućini Orionovoj, ča je oni njegov pas u zubiman donese judskomen praju..
Sidija san cilo jutro šoto Vele murve, doli na Pazar, ljudova s ljudiman, a Zdenka san veza lipo namo na Gojaču, da pase i trpi dičju zajebanciju..
Ma, sve me je straj da ćedu ga opet našopat bonboniman i čikolaton, pa ću jemat dima sa njegovon nadutošću i grčeviman..
On van, svitu moj, isto ka da miri metre puten odizad toga: svaki četvrti metar, mola jednoga, nako usitno, sve ka da neće..
Ja se, normalna stvar, pravin da ne čujen, ma jopet, tija-ne tija, ne mogu se ne spazit ča čini..
Tako da brojeć njegove zvučne i dimne signale, mogu deboto i zatvoreni očiju zbrojit koliko mi je do doma ostalo, zafaljujući mome Zdenku i njegovomen kalunu..
Dunkve, zazvonilo je podne, ka ča san već reka, i brez mislit san se zlamena i višje po navici oćutija glad..
Sitija san se lešoga pivca i lipe konče ča je on mola u juvi i u jednu botu su mi dopizdili i Murva i šentada i sve one šupje i miljun puti duperane beside ča san ji odjutros razminjiva ka dica franje sa svojin vršnjaciman, lipo ji i judski pozdravija svi skupa i partija uz Kajin brig..
Svaki put kad gren tuda, oko mi pobiže na onu prišušenu hridinu, od mora otetu, i na onu rapavu, grubu i gobavu Kulu, ča su je stari načulili onod di je i sad..
Odizad kostiju, osta mi je stari, kockasti, ozbiljni Kampanejal, stari udovac, sa svojin modrin stinan, pravilnin i ravnin crtan, svojin škvaran i tankin, reklobise, filigranskin fugan, baš ka nika velika kontrasta onoj šašavoj i ševrdljavoj, na vrat- na nos skrpjenoj Kuli, su desne strane, kad greš odozdala uz Kajin brig..
Da nije oni kuć naokolo, cilo se oto zdanje, prateć ga nako puten, učine ka niko veliko i zbito kameno gnjizdo, ča ga je, meknimo reć, nika velika tičutrina, učinila, vođena svojin nagoniman, svojin unutrašnjin kaoson, a jopet, kad promislin da bi ja to, ka slabi i malani čovik, učinija drušije, bolje – bugne te međuoči cila ota slika, ka sama za se, ka jedina ča baš u oti kvadar stane...niente accade per caso..
Svaka stina jema svoje misto, ka da je u početku svita i vika još u intramini zemajskoj, stvorena sa svin svojin goban i šaran, frižiman i venan, za ono jedno i jedino misto u onoj jednoj i jedinoj zidini..
A undak, odjedanput oćutiš da si na nišanu! Da u te cilja stari, ruzinavi, ma ne i gnjili, Sućurački top! Ka na mrtvu stražu, tote je moreš reć, okad je i Sela, zije čekajuć da Sunce obajde Glavicu i obasja mu justa i ždrilo..
Svi mi znamo ča on čeka, čemu se cili svoj dugi život nada i o čemu snuje.. Ma poštenoga čovika – nima! Jerbo, još je Isus reka: „Koji je brez griji, neka prvu stinu itne..“
Zdruge strane, nije on brezveze tot! Odizad njega su se sakrivali Sućurani od mrskoga Turčina, od neprijateja ča ji je porobit tija..
Sićan se, ka i dite, kako bi se mi dica verali po onin sikan, nastojeć se dovuć do usti Topa i turnit ruku u nj..
Znajuć da nan ništa neće jerbo smo mi dica, a on u dicu pucat neće, a i njegovo je vrime prošlo i nima u koga višje pucat.. A nima ni zašto! Svi su naši dušmani davno mrtvi, a Selu ne priti višje nikakova sila i ordija..
Bolidu me stare kosti..
Seja san zericu počinit na one skale, a pod rukon ćutin oni uglancani kamen, ča smo se ka balavurdija znali sklizat nizanj..
I jopet u ove lude, išempjanje možđane, useli, bane, nika stara, prastara priča, noseć sebon davno izblidile slike i užance, nestale vonje i ljude...
. . .
Zavrtila bura, ladna, oštra bura onu jadnu i nevojnu šaku sniga, navr ona dva nevojna Sela, navr one dvi jadne šake siromaški kuć i pojat, su malin uskin ponistrican, rašušenin škuran, ča su višje otvarale neg zatvarale, i ka da su dražile, mamile oni divji vitar da sviri kroza nji, razladi kosti odizad i poduši ono ognja u kaminu, zaginga komoštre..
- odnija jon vrag jamu, ka da ne bi znali brez nje živit!
Ronza baba Mande kontra bure, stara, navraskana Sućurka, sva ošušena od godin, gladi, ušenak i života..
- Di su do sad? Pala je noć, a nima misečine, nima puta, izvrtile su kiše i isprale svaki piljak, izbile stine iz redin..
Jemat ćemo mi dima dok ji ne najdemo!
- Kuco, stara! Ča gataš? Muči i grij se, kad ti je Bog providija! Jema ko će brigu oba tomen vodit..
20.06.2012. (20:38) - - - - - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
katrida
Kuco, stara! Ča gataš? Muči i grij se, kad ti je Bog providija! Jema ko će brigu oba tomen vodit..
Višje u brizi, neg grintavo, opomene je Kaja, strogi, grintavi Sućuranin.. Ni mu lako, i njega mučidu brige..
- Vrazi su to, ni je njiman za virovat! Opekli smo se š njiman stotinu puti do sad!
A cilo oto vrime, ka da su znali da o njiman brige doma brigadu, deboto ka slipi miši, landrali su puten šijavali pametni naši glavari sela našjega, Pave, Marin i Grgo,smijući se vrteć u glavi i razgovoru cili današnji dan, 28. miseca studenoga, ijadusedanstotin devedeset i druge godine potla rođenja Isusa našega Gospodina Krista, sritni ka mala dica, ča je onomen velikomen neprijatejstvu finila ultima ura..
- govorin ja van, svitu moj, da je ovo Dilo Božje! Kad smo partili namo, nisan se nada ničemu dobromen!
Započne besidu Pave, suvi, visoki i ispijeni Sućuranin, s izblidilin fesićen i duga, žvelta koraka ča su ga jedva pratili ona druga dvojica..
- ma ajde, moj Pave, umeja je nas ka i nji ovi rat, kletve i imba.. Ja ni ne znan kako su i naši i njijovi stari mogli vako dugo izdurat u karanjima i dišpetima..
odgovara mu rumeni, prosidi i zbiti Grgo, ča mu nije bilo mrsko usporedit gomiliško vino sa sućuračkin
- pomalo, Gospu van vašu, kud prišite tako?! Ako je priša umrit, ni zakopat, vas ste dva mladi, ne mogu ja su van korak tišćat!
Zapuvan je Marin, ma isto progovara..
Nji su trojica doma nosili veliki glas: frmana su neprijateljstva i dva su Sela pristala bit dušmani jedni drugiman..
Nisan u to vrime, lipi moji, bija rojen, ni ja ni moj lipi Zdenko, nisu nan ni didi, ni pradidi bili živi, more bit nije ji se ni kontalo činit..
Ma, isto tako, nisu ni naši izaslanici undak mogli znat, da će mali_marinko balit oba njiman, puste stotine godin poslin..
A jopet, ni sam nisan zna unaprid kud će mene moj tovarčić nosit su istin onin strajon, nespavanjen i landranjen, bilin, prašnjavin putiman, srebrenon misečinon osvitljenin, put niki drugi, daleki gradov..
Nije znala ni baba Mande, ni di ću odit, ni kud će puti vodit...nije ni mogla, jer su jon se kosti davno u praj učinile..
Dunkve, evo ji, blizu sela... svitli jin Kozjak, reklo bi se, iston ovon mojon srebrenon misečinon, ma jopet, svitli nikako lipo, domaće, iznutra, isto ka da je proguca svo srebro svita, svaku srebrenu rečinu, braćolet.....
Veru..
Svitli Kozjak, naš i njijov, nako, ka i uvik, kazivajuć strane svita, ča je gori, a ča doli... Oklen će nova zora svanit..
E, an pačpe, triba bi Van rastumačit, lipi moji, kud oto gre ovi moj smantani tekst, ča oto oćedu reć smantane ove beside.. a ni mi laka..
Ni nikako, jerbo triba ove ludaste možđane dobro upregnit, ne bi li se sitija oni događaji od prin, meknimo reć, dvista i dvadeset godin! A čoviku se diko teško sitit ča je jučera obidva!
Puni stotinu i četrdeset godin prin togar dana, togar 28. miseca studenoga, ijadusedanstotin devedeset i druge godine potla rođenja Isusa našega Gospodina Krista, dva su se sela Sućurac i Gomilica uspili složit okolo niki stvari, sporazumili su se oba tomen kad će koko od nji i di vodit beštije u pašu, pokosit i skupit ono zericu trave, oli odit ubrat čako drv za zimu..
Molali su Gomiličani Sućurane da u njijovomen bogatomen gaju sičedu cabla, a za svaki rast ča ga ispiladu, platidu dukat njiman, jerbo je tako notano u njijovomen pisanomen sporazumu, ča su ga davne ijadušeststotin pedesetidruge ota dva sela učinila..
Ma jopet, i potla otoga njijovoga sporazuma, divjiman Sućuraniman i Gomiličaniman opet je falilo megdana, divja se krv uzvrila, udrila u one možđane, bubala u templa!
Jopet su se cili mali ratovi znali vodit okolo mejaša i pravic, šćete, prave i umišljene, vicij, imbe i zlovolje..
„Jo, Gospe moja, vidiš li ti ovo!
Vidiš li ti kako gomiliška kokoš nemilo treplje po trudiman moga Antona, vraže jon čambre odnesi!
Duša mi plače, o, Gospe moja, kad gledan otu silenost navr puka tvojega!“
Zdvojno i naricajuć', kršile bi Sućurke ruke i plele prste..
„Eto ti jin vraže nakvu silenost, u praj ji učini, sveti naš Jerolime, kad nan svaki korak brojidu, kad nan ne dadu ni puten odit, a pod nos nan svoje bogastvo i svoje luše turadu..!“
Nisu Gomiliške ostajale dužne, ni u kletvan ni u naricanjiman, baš ka da smo u finalu svickoga prvenstva u petavanju rozi i srodnin disciplinan..
Odilo se po sudiman, tuživljalo se i često lažno očitovalo, samo ne bi li se drugu stranu prikazalo goron i nepoštenijon kod suda..
A suci bi zavrćali očiman i puvali ka kravosas, čin bi poznali sućuraški oli gomiliški opanak, znajuć da će se zaradi jedne site koze oli pobigle kokoše jopet tribat raspravjat su onin divjin i nedokazanin sviton..
Diko bi jazičac na balanci pravde časni sud turnija u jednu, oli drugu stranu, ne bi li se čin pri rišija oni seljački čimavic, ča bi „poginili za istinu“, busajuć se u one široke, o' sunca opaljene parsi, baš ka da će jačin bubcen dokazat svoje veće poštenje i istinojubivost..
Sudske bi se odluke uglavnon poštivale, barenko prvo vrime, ma
20.06.2012. (20:43) - - - - - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
katrida
Sudske bi se odluke uglavnon poštivale, barenko prvo vrime, ma bi se svaka od nji činila nepravednon i krivon onoj drugoj strani ča je otu bitku izgubila...ma ne i rat!
Vrtile bi se nemirne duše u posteju, provavale zaspat, ma zaludu.. Gucali bi se veliki i gorki njoki, provavalo zatomit u sebi divju narav, trpeć ono potmulo ženino ronzanje kraj sebe, šaljuć je diko kvragu, nju i tešku jon narav..
A kad bi se, nako izmučeni, bidni težaci ustajali zoron, prvo ča bi čuli, bilo je nježino punpanje, nako natašte: „Eto ti pravde, eto ti gradskoga metra koji napose miri u Gomilici, a napose u Sućurac! Vraže ji odnesi, i jedne i druge!“ Vikale su i klele Sućurke, ne mogavši podnit nepravdu..
U tomen je prispila i 1715. godina, godina u kojoj se rasplanca ratni plamen odizmeđu Mlečići i Turčina, a prisvitla je Republika Svetoga Marka, oliti ga na pujiški Serenissima Repubblica di Venezia, svin silan gledala obranit Krf, jerbo su znali: Pade li Krf, eto Turčina u Dalmaciju...
„Oko mora varoši bijeli
Po imenu zovu se Kašteli
Tvrde kule, visoki palaci
I u njiman sileni junaci“
Opisiva je fra Andrija Kačić u svomen Zaostrogu, sedan seli poredani kano sedan galebov..
A undak se napose sitija štafiliškog junaka i generala u Mleci, ponosnoga i žveltoga Ivana Kumbata,
„Od Kaštela silnoga junaka
Ljutu zmiju i vrla krstaša,
Koji Turkom odsicaše glave“
divjega i nepismenoga, ma hrabroga i poštenoga Kaštelanina ča je odisprid dužda Mletačkoga razdrljija košulju svoju, kazujuć rane i ožiljke priko cili prsiju, kazivajuć duždu i Vijeću velikomen pismenost svoju:
„Evo pera kojim pišen!“
Je, je, lipi moji...nije davno do tad takvega junaka nijedno selo podno Kozjaka dalo, a za nagradu,
„Dužde njemu dade generalstvo
Od Hrvatske vojske za junaštvo..“
A našega je junaka smrtna ura sustigla na Krfu, di je i živija, do 1744. godine, ma svoja Kaštila i svoj Štafilić ni zna ni moga zaboravit..
U testamentu je ostavija dvista dukati dote za šest cur iz siromaški kuć koje su se spremale zaredit u koludrice..
U to je vrime, ote 1715-te godine, Mehmed Paša poveja svoju vojsku na Sinj, proša je priko Prologa i diga šatore uz riku Cetinu.. Bidan se narod pripa, biža oli prema moru, oli u planinu, uzdajuć se u Majku Božju da ji spase..
Otklen tebi, Sinju bili,
Da se ime tvoje mili
Sitnoj travci, kršnu boru…
Otkle ponos, otkle dika…
Od koga ti srića data…
Zvizda toja, Gospa tvoja,
Tebe vodi, tebe nosi:
Kad je mira, kad je boja,
Za te moli, za te prosi
Otud Sinju, tebi glasa,
Bolnu srcu otud spasa.
Šesnajst dan su Turci provavali Sinj vazest, ka gromi, pucali su topi, svitlile krive sabje, ma je grad očuvala Majka Božja, a fra Petar Filipović u 'no vrime oba tomen pisa:
"Da je dakle ovo bilo njezino dobiće, sumnje ne ima; pak i Turci isti posli govorili su da su gledali svaku noć u vrime obsidnuća odit po zidu Grada jednu ženu u velikoj svitlosti".
I vidivši Turčin da kontra taki stvari sabja ne pomaže, skupi šatore, digne konak i ostavi Sinja Majci Božjoj..
Dunkve, vodila se vela vojna kontra mrska Turčina, tukli su se naši stari, virujuć da, tukuć se za Veneciju, tučedu se i za se..
I bilo je tako.. Branili su Sućurani zemju svoju i viru svoju, branili grčevito i juto ka zmije jutice, ne molavajuć ni pedlja Turčinu!
Tukli su se Sućurani i kod Sinja i kod Imotskoga, lipi moji, i kod dalekoga Ulcinja, a ono svita ča je doma ostalo, plinilo je Gomiliške beštije ča bi ji oni bidni veživali u paši u poju sućuračkon.
„Uliza je vrag u jude, božemiprosti“, govorile su žene su obe strane granice odizmeđu seli, molile su se i klele u isto vrime, petavale roge odispod traversi i zavrćale robu naopako, braneć se od tujega uroka..
I trajala je vladavina nečastivog dugo.. dugo vrimena nije Sućuranin moga Gomiličana otrpit, niti je ovi na oči, a brez bisa, susida moga poznat..
Brecala su zvona u obe crikve, oli veselo jude kupila o svecu, ma jin nisu znala ulit u duše ono zericu jubavi prema bližnjen svomen, namo, su onu stranu granice odizmeđu dva sela..
odnija bi vrag čoviku kozu, oli kozle, nalazili bi judi kline i špage oli pancira brez beštij na drugi kraj..
Čuli bi kadikad u gluvo doba noći, kako in vitar odozgara, iz Krtin, nosi tužno revanje njijovoga sivca „ča je moga ka malo koji konj potegnit“, a ča ga je vrag „jema evo i dva miseca, odnija“.. oli piskutavo blejanje malanoga kozlića, ča ga noćina rastiže priko oštri Kozjakovi sika..
Tuživljali su sela jedno drugo, vražjon imbon punpana oba, pravice iskali, a nikad je ne molavali jedni drugima, ne vidivši truna u oku svomen, a poznavši brvno u tujemu..
Sve do 28. miseca studenoga, ijadusedanstotin devedeset i druge godine potla rođenja Isusa našega Gospodina Krista..
Otoga su dana pametni naši glavari sela našjega, Pave, Marin i Grgo, partili u Gomilicu, ne bi li se prikinila ona vikovična neprijatejstva odizmeđu dva malana, susidna sela..
A more bit da su, lutajuć Gajinan, naletili jedan na drugoga dva sveca iz naroda: Juraj i Jeronim, oba pravednika prid Bogon..
Bilo vako o
20.06.2012. (20:45) - - - - - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
katrida
A more bit da su, lutajuć Gajinan, naletili jedan na drugoga dva sveca iz naroda: Juraj i Jeronim, oba pravednika prid Bogon..
Bilo vako oli nako, oti se datum učinija prvin danon Velike pomirbe koja traje i dandanas..
. . .
Iz otoga moga imberlanoga i ludastoga sanjarenja, prene me dičji plač nikoga diteta u Gospojskoj štradi..
Davno je oto sve bilo, davno su zaboravjene one starovinske karbe odizmeđu dva susidna sela.
Izlapila je i turska napast, sunovratila se u ponor povijesti skupa su prisvitlon Republikon svetoga Marka.
A sućuračka i gomiliška gajeta skupa ploviše zaricanim i nemirnin valima rvajske povisti, obnavljajuć izblidilu tintu svoje Pomirbe, dileć istu tešku i zajebanu sudbinu..
Danas se navr oba sela natkrilija teški, crni oblak novovike industrije su novin grubin, čarnin otrovima ča pritidu iščićat ono ča svi dušmani i gladi, bolesti, sirotinja i smrt nisu mogli iščićat..
A š njin nima pomirbe.
Eno čujen Zdenka di reve na Gojaču! Zaudobija san i na nj i na lešo pivca.. sad triba prišit!
Trčen i mislin se.
I smijen sam sebon, ka bože mi prosti, imberlan..
Jerbo,
mali je gomiliški Kaštilac još brcon vezan za kraj, još ga more odnilo nije..
a i sućurački Top još nišani!
I ni gotovo!
Nije nikako smiley!
Maloj i zajebanoj Gomiliški smiley..
20.06.2012. (20:47) - - - - - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...
katrida
https://dnevnik.hr/vijesti/hrvatska/pitanje-vladi-rh-koje-je-skupilo-rekord an-broj-lajkova.html
17.08.2012. (07:55) - - - - - promjene spremljene- uredi komentar - obriši komentar - prijavi ovaj komentar kao spam - zabrani komentiranje autoru ovog komentara- učitavam...