Dan drzavnosti
kako su teta Vesna i barba Borut isto bili na festi o dana drzavnosti tamo nigdi u Izraelu, ja bi van tia ispricat kako je bilo nama ovde u Frankfurtu...
Ove godine festa nije bila u Arabella Grand - Sheraton Hotel ka i obicno pa san se mislia kako ce to sve skupa izgledat jerbo je meni bilo uvik puno lipo tamo.
Iako nije bilo daleko za prosetat, isli smo taxsijen jerbo smo malo kasnili, a i bilo je bome vruce, i mama je obukla postole na take pa onda mora pazit da jon ne uleti tak izmedu onih kocki po ulici, ajme kako ona poludi na te kozke po tlehu.
Festa je bila u jednoj lipon, lipon villi koja se zove Villa Bonn sagradenon u neoklassischen still (sad ne znan bas kako bi ovo reka u hrvatskon). to je odma vis a vis americke ambasade, a tamo je sve puno polizie, cak su i dva tenka i puno je one bodljikave zice... to se amerikanci bojidu terorista, tia san slikat ma mi nisu dali, a bez blitza ne bi uspilo jerbo je tamo puno sjene o visokih cabala.
I iznutra je bilo puno lipo, meni je slicilo puno na kucu o nasih prijateja iz Engleske, ovde se vidi kako je iznutra i kako se moja mama pozdravja sa tetama iz konsulata:
Ovde je bilo vise prostorija, pa su judi setali i pozdravjali se simo tamo, nisan uspia slikat klapu sta je pivala jerbo su se nikako cudno namistili, pa san malo slikava onako sta mi se svidilo:
Bilo je i svakakve lipe spize, samo nije bilo crnoga rizota ka svaki put, a ja san bas mislija cilo vrime na ti crni rizot jerbo ga puno volin.
Skroz dobro je bilo sta se moglo izac vanka u vrtal, onda smo se jos slikali sa prijatejima, jis malo cakulali i pivali pa smo isli ca jerbo je meni bila ujutro skola, zaboravia san rec da je festa bila u cetvrtak a to je bilo zapravo dva dana ranije o pravoga dana drzavnosti.
Eto tako je bilo na festi u Frankfurtu i nije uopce bilo lose samo jos da je bia i crni rizot.
|
