Marketing
Ča je lipo...
... komarde,
va kamiku zdenci
uske puti na ke poskok spi
i kamik
svuda... beli kamik
pod nogami škriplje
i čovik sam
jedan
hodi
zgoru... više, više
sve do neba
skoro
i muči
škrape
dunboke kako
vele usta
zjape
kuš i pelin
naokolo se zelene i diše, diše
vonj
škoja
čovik voli
i trudan hodi
zgoru... pomalo mučeć
a šoto
more
pod suncen leži
kako da su zvezde
va njemu
srid dneva blišći
blišći...
E. M. Mahulja/Krk
Post je objavljen 25.10.2006. u 18:50 sati.