Lovec v kâlne vode
31.05.2006., srijeda
Ne bum ti dosel na rodjendan
|
Ne bum ti došel na rođendan (Listem od Tam) Drago Britvić Znam, da bi postar saki dan donesel kojega takvoga listeka, ak bi nasi decki od Tam mogli pisati. Pak sem ja napisal za celu skvadru. Premislaval sem si malko, kam da ga poslem. Em, Zagreb je tak veliki, da bi se mali listek lako zgubil. Posilam ga "Vecernjaku". Tak znam, da bu dosel vu prave ruke, tam kam su decki i steli. Ja sem samo, ono kaj bi oni Zagrebu steli reci, poslozil vu verse. Popevka se lakse zapamti. Ostane v glavi i v srceku. Cel dan se puca, človek ogugla. Zarasteš v grabi. Spuzel sem van. Tam me je v kmici strefila kugla. Ne bum ti došel na rođendan. Ne bum ti došel za devetstotu, tu nemru nikaj ni ban ni kral. Tak je v živlenju, kak i v belotu, ne prejde navek to kaj si zval. Tebe lepo ja pozdravlam, moj prelepi Zagreb grad, listek z neba ti pošilam da te jako imam rad. Lepo je v raju, samo, kak v reštu, retko nas puste na onaj svet, kak ne bi došel na tvoju feštu, tam je i moji dvadeset let. Z menom je gore dost naši dečki, kaj ne bi feštu dali za niš, mi bu v nebu, makar skrivečki, vu tvoj zdravle spili gemišt. Tebe lepo ja pozdravlam, moj prelepi Zagreb grad, listek z neba ti pošilam da te jako imam rad. Pošli nam gore pušlek spomenka z njim bi okitil dečkima stol. Srčeko raspri ! Zakaj se krenkaš, zakej si vesel samo na pol ?! Ti si barem gorel, sit si vre rata, ni včera zmišlen Krvavi most, odnesi sveču na gracka vrata, tam je zapali. I to bu dost! |
:: 00:05 :: Komentari (0) :: Isprintaj :: #
14.05.2006., nedjelja
Sreten ti rođendan, dragi moj blogek
|
Cel dan se tipka, čovek ogugla, zarasteš v sobe, zišel sem van...e nebum sad siloval Drageca. Išel sem v podrum v arhivu i videl sem da sem prije dve lete zapisal prvu čitabu v ovaj blog. Unda sem malo pisal, pak unda nes 600 dni pisal, pak sem počel opet pisati. Pa sem tu i romana započel. Joj prije sem vam ja pisal z onemi točkicami, tak da së vidi koji jë koji gläs. Naš kajkavski ima višë gläsöv nek kniževni, päk sem nadoštukäval slova. Unda je to ludem bilo teško za čitati pak pišem slova bez točkici. A ja tu brblam, a blogek mi ima rođendana. Idemu ja i on na gemišt. I vi si spijejte barem jenoga v naše zdravle. A i vaše. Zdravi mi bili dragi pajdaši kaj ovoga bloga ste našli... |
:: 23:37 :: Komentari (6) :: Isprintaj :: #
Bandurina
|
Čitam v novinami kak je Bandić došel na Bundek i kak je radnikom rekel kak ne farbaju ogradu v jenu farbu več ju trebaju farbati v drugu. I v čem je tu problem? Ko prvo, nesu ti radniki sami zeli farbu več jem je negdo rekel koju farbu da zemeju. Bandić je tomu drugomu trebal reči kak treba zeti drugu farbu. Ak' segdo dela tak da dela ono kaj oče unda nekaj tu ne štima. Kaj ti radniki nemaju šefa? Kaj bu Bandić išel od jenoga do drugoga radnika sakoga grackoga poduzeča i govorim jem kaj da delaju? Pa unda bu Bandić moral biti ko Supermen. Pogledaš na Držićeve, tramvaj je stal. Vozač ne zna kam da vozi. Doleti ti Bandić i okrene mu skretnicu. Pogledaš v Maksimirske, vadi se rodni list, a zaglavil se paper v printeru. Doleti Bandić i zvleče paper van. Pogledaš na krov v Savske. Limarija curi. Doleti Bandić, lota, krpa, se frca... Nejde to tak. Treba se znati do kaj dela. Bandić se malo preveč producera. Ak Bandić ispod sebe nema ludi kaj bi vodili posel unda jem nek otkaze da i nek sam drči okolo, dok može, dok ne speša... A taj Bundek, to vam je posebna zgodovina. Saki dan se tam vozim pak vidim kaj se dela. Najprije su narisali okomita parkerališna mesta. Se tam do Avenije V. Holjevca. To ne bilo dobro zato kaj oni kaj skrečeju desno ispod mosta nesu imali kud skrenuti pak su se po parkeralištu vozili. Unda su ta mesta zbrisali. Unda su se setili da uz cestu mora nekakva steza biti pak su unda pomikali cestu pak su se crte pomeknuli. Unda su se setili da bi ludi trebali i desno skretati pak su unda opet delali druge crte i sad je valda onak kak je trebalo biti od prvine. A oni kaj ceste farbaju? Negda, v mračnem komunizmu, ceste su se farbale po noči, unda dok se nesu drugi ludi z avuti vozili. A još je i mejne autof bilo pak nesu bile takve gužve. Denes se ceste farbaju po danu, dok je največa špica, tak da se lepa gužva napravi. I unda zakesniš na posel, zemeju ti od plače, i komu unda da se žališ. Bandiću morti? Kak unda ne bil on na ceste i stiral te radnike da ne farbaju cestu dok je največa gužva? Valda je zapel v gužve pak ne stigel na farbalište. I taj Bandić, on je kakti bajke pripovedal da se na posel vozi z tramvajem. Veliju mi ovi kaj delaju v Skupštine grada da ga baš i ne vide da se z tramvajem vozi. Oni tam dobivaju pokaz. Baš me zanima kaj je z pokazom napravil? Jel' ga preprodal za 20% mejnu cenu? I nemam ja niš protiv Bandića. Ne verujem da bi nekakvi drugi političar napravil više za Zagreb i Zagrepčance. Bandić je sam najmejne zlo kaj su mogli zebrati. |
:: 20:21 :: Komentari (3) :: Isprintaj :: #
09.05.2006., utorak
PTSP alibi
|
Kad bi se to pitiespi prevelo na kajkavski to bi zvučalo kak piti i spi, očem reči napij se i odi spat. Kum i ja i puno susedov je bilo v ratu. Neki su bili više, neki su bili mejne. Si su prije rata bili normalni ludi, i si su posle rata ostali normalni ludi. Morti negdo ima nekakvi veči teret na duše, pak zbog toga ne kaštiguju druge lude. Verujem da ima one kaj jem je rat naštetil, kaj su grde stvari videli, kaj su jem grde stvari delali, kaj su posle svega dobili tak veliki teret kaj ga nesu mogli ponesti pak su dobili ono kaj nazivaju PTSP. Pak ima i one kaj jem je taj PTSP sam alibi. Kak i ovaj kaj je čera imal krizu branitelja. Odma je to prikazala televizija, odma je v svemi novinami. Čem sem ga videl ja sem rekel da taj baš i ne točen. Kakav PTSP, taj je bil nori i prije rata. I s kuliko je let taj v rat išel? I da je nekakvo drugo vreme, bez Interneta, taj bi možda bil i heroj. Kak ne bi bil heroj dok ima sliku heroja na majce. I to tak veliku da se z avijona vidi. Na Internetu sem prečital kaj je napisal jen kaj zna toga branitela. Nebum sad tu spominal grde reči, sam da velim kak je on i prije i posle imal društveno neprihvatljivo ponašanje. Tuča, alkohol, pizdarije... I sad bi takov penziju, da more bez briga nastaviti svoj hobi?! Ne taj jedini. Dost je one kaj jem je PTSP alibi. Kaj su i prije bili problemi i kaj buju navek problemi. V Novem listu je prije par let pisalo kak nasilje ima svoje društvene oblike kaj se treteraju pravosudno. I do unda PTSP ne dokazan ni v jenem slučaju v kojem su ludi pretili da se buju vubili ili da buju druge vubili ili nekaj drugo, a pozivali su se na PTSP. Novine i mediji su krivi kaj šalabajzeri glume da imaju PTSP sam da bi nekaj dobili. Oni kaj stvarno pate od PTSP-a sigurno nečeju da i drugi pate, pak jem takve gluposti ne padaju na pamet. |
:: 05:44 :: Komentari (10) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||