Lovec v kâlne vode
28.04.2006., petak
Kak smu si postali Dalmatinci
|
Slamnig je dobil nagradu Večernjega lista za najbolu kratku priču. Priča se zove Kak smo svi postali Dalmatinci. Mene tu ni jasno, to bi moral Davora pitati, kaj bu z mojemi bregi? Jel' buju Gorice južno od Zagreba postale otoki (to bi mi se dopalo) ili bumu morti i mi pod vodum? Več mi je opalo na pamet, šteta kaj vremena nemam, da napišem spominek o tem kak jen dan Šimek, Balta i Davor, v svojem čamcu z Kupe, lovili lignje i kak jih je voda donesla do mojega otoka. |
:: 13:33 :: Komentari (5) :: Isprintaj :: #
Direktor za P.DR.
|
Direktor maloprodaje v Ine je dobil otkaz zato kaj je on kriv za cene benzina. Pa z tem Sanader nemre više ni male dece oči zamazati. I v prije koji dan je tek napravil v Poštanske banke. Zato bu sad Sanader v saku firmu kaj ima veze z državum imenoval direktora za P.DR.. Iza ta tri slova se skriva Pedro, zapraf cela reč znači direktora za Pedra. Kad god Sanader kaj zajebe, a on kodali niš ne zajebe i za se su krivi drugi, unda bu taj direktor za P.DR. dobil v rit z nogum, on bu prošlašen da je kriv, a Sanader bu i dale mislil da su birači magarci. Ima i praf, neki zbila i jesu magarci, oni koji glasaju za takve stranke. Ak si sad vi mislete kak bi vi mogli biti takov direktor za P.DR., niš nebi delali, sam bi plaču dobivali, a morti bi fajn dugo prešlo dok nebi dobili z nogum v rit. Najde to tak. Direktori za P.DR. buju oni rođaki naše dužnosnikov kaj niš ne vrede. A i zlatna mladež se bi zaposlila. I unda, dok dobiju z nogum v rit, dobili buju tak veliku otpremninu da dugo vreme nebuju niš morali delati, sam se buju po snobovskemi hepeninki vlekli i gledeli jih bute na televizije v emisijami kaj snimaju kak se te zveri okuplaju. I ne to najgore. Najgore bu ak bu takvi, nekakvi, nikakvi direktor za P.DR. postal popularen v javnosti zato kaj mu je siročeku, Sanader otkaza dal, i unda zijde na lokalne izbore i dobi vrpu glasov zato kaj mu je, siročeku, Sanader ritesnicu dal. Joj kakve su to vuši. Nigdar je se nebumu rešili. |
:: 07:07 :: Komentari (1) :: Isprintaj :: #
27.04.2006., četvrtak
Piramide
|
Navek su oni, kaj su bili na pragu velikoga otkrivajna, za druge lude bili bedaki. Drugi, normalni ludi, su jem se smejali. Pravi, ozbilni znanstveniki su se smejali bedakem, a unda posle su se bedaki njemi smejali. Jel' Semir Osmanagić bedak i negva Bosanska Piramida Sunca nejekva bedastoča il' buju tam stvarno skopali piramidu to bumu još videli. Nejakvemi smeta to kaj Semir dela pak su napravili kontra blog. Če baš i ne skopa piramide Semir je napravil čudo. Skupil je raju, si su se vujedinili, si skupa delaju, tam na igralištu se v nedelu skupilo više ludi nek kaj ih je bila na utakmicami nijove prve lige. I to je čudo. Tak nekaj tomu narodu treba. A oni nisu ko mi kaj se durimo na se. Oni se buju posle mogli od srca nasmejati kakvi su bedaki bili. Ili se buju smejali onemi kaj su rekli da tam nema piramidi. Kak god okreneš smejali se buju. |
:: 19:53 :: Komentari (3) :: Isprintaj :: #
22.04.2006., subota
Duge cevi
|
Opet su oplačkali poštu i opet je minister policije na cestu poslal policajce ili specijalce z puškami. Da to ne bi tak strašno zgledalo on jih zove duge cevi. Tak niš nebu sprečil. Ja sem za to da se skroz zabrani nošenje oružja. Sako imanje oružja bi se najstrože kažnovalo. Najprije bi trebalo zeti dozvolu za oružje semi kaj ju imaju, a unda ju dati sam onemi koji ju stvarno trebaju. A takve je malo, skoro da jih nema. Ni si policajci ne trebaju oružje. Kaj treba prometnomu policajcu pištol? Valda ak kakva babica ne stane na semaforu da puca za njum? Jedine duge cevi kaj bi trebale biti vane na cestami su vodovodne i druge komunalne cevi. A i njih bi trebalo kaj prije zakopati. |
:: 08:06 :: Komentari (8) :: Isprintaj :: #
17.04.2006., ponedjeljak
Tajkunica - Poglavlje II
|
Tajkunica Poglavlje II Ajvan je polehko došel na stražu i vlezel v kučicu, a Đelek je v kujne završil na stolu zmotan kak kača Đelek je gledel Ajvana kak je zišel van ze spavaone. Sve po peesu. Otišel je do grudobrana i tam je napunil pušku. Onda si je popravil opravu i krenul k Đeleku. Najprije je išel dost brzo, a unda je po skrivečke pogledal na vuru, videl je da bu prerano došel i krenul je gaziti svoj puževi strojevi korak. Ajvan je moral prejti prek piste, po največe vručine. Si su se drugi lada držali, ali on je išel praf po ravne crte točno na stražaru. Po največe vručine. I dok je tak gledel Ajvana kak polehko gazi prek piste, čez zrak kaj se zibal od vručine, Đeleku je na pamet došel Omar Šerif i negov dugi prilaz v onem filmu Lojzek Z Arabije. Sam kaj Ajvan ne imal grbodevu pod sobum. I deva bi crkla na ovakve vručine. Ajvanu vručina ne smetala, on je polehko išel i išel i išel...Đeleku je još bole vruče bilo dok je gledel Ajvana kak ide prek piste pak se je zavlekel v kučicu i čez rešku gledel kak se ovaj polehko vleče i po skrivečki gledi na vuru tak da dojde točno v minutu tera je zatefterena za smenu straže. V točnu vuru Ajvan je došel na stražu, zbrblal ono kaj po peesu mora zbrblati i stal je na svoje stražarsko mesto. Đelek je krenul v menzu, od dreva do dreva, od lada do lada, čovek bi si mislil kak je to nejakvi specijalec kaj se trudi da ga neprijatel nebu videl se dok ne dojde tak blizu da ga more z golemi rukami zadaviti, ili z žicum ili z nožem. Đelek ne bil nikakvi specijalec, on je sam pazil da v životu preveč ne najebe. Več se je on pomiril z tem da bu najebal, sam je pazil da ne dobi ono kaj ga nejde. A i nigdar ne nikoga napal z žicom, ne znal itati nož, jedino je dole v Bosne stalno nosil balticu z sobum, ak bi se baš i nahitil žnjum na nekoga, pak ak ga i ne pogodi z oštrem delom, baltica je fajn teška pak bi mu i v tem slučaju teško bilo. Ne Đelek imal ni prilike da se z balticum na nekoga najiti, neg mu je dobro došla saki put dok je trebalo drva za peč pripremiti. Brzo je predrčal put od velikoga grma do terase od menze. Malo si je zdenul i pričekal da dojde k sebe. Menza je bila zaprta, več su kuvarice otišle, i zato je Đelek krenul na zajdna vrata. Čistačica je valda još čistila, a v lonci je ostalo nekaj od ručka, to je tek predvečer čistil rumeni Lojzek kaj je napoj z vojarne svijnami vozil. Večeru nesu ni dobivali dok jih je ovak malo v vojarne bilo. A nigdo ne bi ni došel na večeru, ludi su ili spali ili su v birtije na pivske dijalize otišli. Zajdna vrata su širom soprta bila, pločice su bile mokre, pak je Đelek polehko vlezel nutre, držal se za zid, pazil da se ne posmekne i pomalo se dovlekel do kujne. - Jel ima koga - zderal se Đelek i malo se lecnul samoga sebe i svojega glasa kaj se je, kak loptica za fliper, zakontural po prazne kujne. - Ima, ima, sam pazi da me ne pogaziš - čul je Đelek glas z poda. Već si je pomislil kak je morti naletel na nejakve hobite il patulke, a unda su mu se oči zalepile za Jagicu. Jagica je klečala na koleni i ribala pločice na kojemi su bile črne, zapečene fleke od nečega kaj je z peči frknulo na pod. Zgleda da se to ne dalo oprati z đogerom pak je Jagica morala drotenu kefu v ruke prijeti i to dobro oribati. Jagica je na sebe imala nekakvu belu kutu. Đelek se je odma setil veterinarske kute, negdo drugi bi se morti doktorske kute setil, ampak Đelek je tak retko bil pri doktoru da ne ni znal kak doktorska kuta zgledi. Kuta je napred bila fajn raskopčana pak je Đelek videl kak se Jagičini sesci fletno nišeju kak god ona fletno riba. Grudnaka ne imala. Ta kuta je bila malo pretesna i prekratka, a Jagica je bila fest popujnena ženska i Đeleku je zgledalo kak da se bu saki čas rasparala i pobegla z Jagičinoga ladetinastoga tela. Đelek je zabil da je gladen, sam je gledel med Jagičine sesce, a v negvemi lačami je pajdaš poskočil i počel šatora delati. Jagica je videla kaj je na stvari, saki čas je pogledovala na šator, narisala si je blaženi smeh, v očijami si je zapalila ogen kaj je je zgrel nejno lice i dal je lepu, črlenu, srameču farbu. Đelek bi tak dugo zacopran ostal da ne zestal Jagičine oči i videl kak ga ona milo gledi. - Ja bi tebe, Jagica, rad pogazil, rajši neg sad ladnu pivu popil. Jagica je ostavila kefu, zdigla se i obrisala ruke od kutu. - Čuj, ak' ti gaziš kak pevec, ali si brz ko zajec, unda mi se ne splati kutu otkopčovati. Đelek je prišel k Jagice i stisnul ju je k sebe, ruke je spustil na nejnu rit i privlekel ju je na svoj šator. Malo ju je liznul po vuvu i šapnul je tak tiho, ko da bi ga negdo drugi mogel čuti... - Ja sam ti tak bluda želen da morti prvi put i bum brz kak zajec, drugi put bum skakal po tebe kak pevec, a unda te budem tak dugo obdelaval kak kojn. Žal mi je kaj moram na stražu, drugač bi se mogli pariti kak kače, celu noč... Jagica se na te reči nasmejala, malo je odmeknula Đeleka od sebe i raskopčala kutu. Sam ju je omeknula ze sebe, ispod niš ne nosila, stala je i gledela kak Đelek petla i kak se popikavle v prevelike želje da kaj prije sleče uniformu i sezuje čižme. Kaj je Đelek obečal to je i napravil. Prvi put je bil brz kak zajec, pa je nagazil Jagicu ko pevec, unda je ona jašila na njemu i na kraju su skupa zaspali na velikem stolu v kujne, spleteni kak kače. Đeleka je prebudil negov želudec kaj je krulil. To ne bilo obično krulejne, bila je to popevka, bluz o želucu na kojega je negov gospodar zabil i sad ga grize želučana kiselina. To kaj je želudec krulil ne značilo da je Đeleku zameril kaj ga je zabil. Znal je on da i se i drugi organi moraju namiriti. Đelek je pogledal na vuru v kujne i videl da do kraja negve šihte ima još pol vure. Taman stigne zameniti Mujnenoga, kaj je i negvu stražu odgulil, prije neg kaj Omar Šerif, bez grbodeve, doklipsa do stražare. Znal je da Ajvan nebu prijavil taj incident, neg mu bu to stalno na nos natikal se dok negdo drugi ne napravi istu stvar. Polehko je Jagicu zbudil, odmotal se ž nje, uz klempavo popikavanje je uniformu navlekel, i dok je ona pospano v kutu zakopčavala, kušnul ju je vu vusnice i rekel: - Vidimu se posle teri dan... |
:: 20:38 :: Komentari (2) :: Isprintaj :: #
16.04.2006., nedjelja
Tajkunica - Poglavlje I
|
Seme ovoga romana tam je v staremi datumi. Morti nekaj bu žnega, a morti nebu. Budemo videli. Tajkunica Poglavlje I Tu bumo upoznali Đeleka, Mujnenoga, Rafelu i Ajvana Đelek je bil celi dan na straže. Sunce ga je speklo, skrival se v ladu kojega ne bilo, pil je vodu kaj je bila topla kak pišalina, sreča je kaj je ograja bila blizu glavne ceste pak je prosil nejakve dečece kaj su se na biciklini vozili da mu doneseju žuju z dučana. I unda je počel piti pivu kaj je bila topla kak pišalina, a kak je još i imala farbu kak i pišalina, Đelek se na vodu vrnul. Se bi dal za jenu ledenu pivu. Ni pišati ne štel. Bojal se da se nebi morti pišalina čez nekakvu potprostornu, podzemnu dimenziju vrnula nazaj v negvu čuturicu. Bilo mu je lepše tam v jame na fronte. Tam je imal zanimaciju. Pazil je da ostane živ. Ovde vu vojarne ne mora niš paziti. Tu je sam reda radi. Skoro si negvi pajdaši su otišli domom, jeni ženami, drugi curami, trejti su se otišli zapiti v birtijami, a on je ostal. Ne baš imal penez da bi se zapijal, curička ga je ostavila. Bil' je dugo v Bosne, ne čula ni glasa od njega ni o njemu, a ovaj nezin novi jebač je saki dan vesil v birtije prek puta dučana de je delala, 'bil je tak uporen', posle je rekla. Đelek si je zapamtil kak treba uporen biti. A on se navek bojal da je morti preveč dosaden. I tak se je on prvi javil da bu ostal čuvati vojarnu dok su se z Bosne vrnuli. Još je ostal Mujneni, stari dečko, dober dečko, al nigdar ne pizde v životu videl, ni čak ni prst vujnu namočil, nejebica mu je v glavu vudrila, mozak mu je tu i tam preskakal i sam je slinil okolo po birtijami za konobaricami. Jemput je, posle dvanajste pive, prijel konobaricu v 'Strganem volanu' za rit. Baš v krivi čas je pustil svoje prste na zakrivleni put. Konobarica je bila stara jumferica koja je, dok ne bilo gostov, čitala nejakve stare ljubiče kaj su po prašine imali duvu. Našla jih je pod kaučom, na najže od bertije, de je spala saku drugu noč dok je delala drugu smenu. Mujneni ne imal sreče, tam med temi ljubiči stara jumferica je našla i jenoga Konana i baš v tem romanu mu je pajdašica bila Črlenolasna Sojna kaj je mlatila muške kak jumferičina baba pažul noč prije nek kaj ide na plac v Zagreb. I tak je Mujneni spustil ruku na zakrivleni put jumferičine riti, baš v krivi čas je zbudil dušu Črlenolasne Sojne koja je bila tam zaroblena od snočka jel je jumferice bilo vruče i ne je se dalo čitati pisane ljubiče pak je opet čitala Konana. Z krikom, tak grdem da ga nigdar nigdo takvoga od vojne pajdašov ni na fronte ne čul, jumferica je, kak Črlenolasna Sojna, opizdila Mujnenoga po tambure. Mujneni je ostal na nogami, lupil glavum po zidu i odbil se nazad na jumfericu. Ova ga je opet opizdila, kak i z čem, to nigdo ne videl, to kamera ne bi snimila, a unda ne za zameriti pajdašem kaj su posle teške pivske dijalize, saki prek deset ožujanerof, jedva zdihovali na šanku i popevali kak se spustila gusta megla. A vane vedro. Mujneni se je zalepil za zid, tak je malo stal, a unda se je zrušil na pod. Jumferica ne ni videla negov novi položaj pak je par put zabila štiklu v Mujnenoga i klela gazdu kaj ne pločice popravil. Đelek je pošel za konobaricum, neki nutarnji instinkt mu je govoril kak je ona povezana z tem kaj je Mujneni nestal, a baš je najnemu bil red da rundu plati, i unda se je strmopizdil prek Mujnenoga i završil pod jumferičinemi nogami. Imala je nejakve sive gačice z rožicami, a okolo je bila trava. Ili su to glake bile? Jumferica je z voleja vudrila Đeleka, pak još jemput Mujnenoga, da se osigura, poravnala minicu i počela se derati kak živčana krava kaj se po deseti put pregajna, a veterinar je opet z mrzlemi rukami drka po intime. Kaj je tak teško pitati gazdaricu da vodu stopi? To si je i Mujneni mislil dok su mu vane v kopajn glavu porinuli da dojde k sebe. Da je na mestu Mujnenoga bil nekakvi drugi muški taj bi te noči zamrzel ženski rod. Mujneni ga je sam podigel na oltar. Za nega su od te noči ženske postale božanstva na koje on nesme prisloniti svoje zmazane prste. Pokora negvoga jumferaja ga je tak oko vrata prijela da je Mujneni mislil kak si je rezerverala mesto v negvem mrtvačkem sanduku v kojem bu završil jenoga dana. Već si je razmišlal i kak bi bilo dobro da ga nejakva bomba ili mina raznese pak da raznese i pipke te pošpotne pokore. Kak su si ožujanerski dijalitičari bili v meglenom transu, nigdo se ne sečal, a morti ne nigdo ni videl, kak je grda osveta Črlenolasne Sojne. A jumferica Rafela...trebala se zvati Rafaela, ampak je matičar krivo tipkal na pisače mašine pak je za sveta i veka ostala Rafela. Rafela je bila jumferica. Tehnički. Muškoga uda ona ne v svoje pipice imala. Ampak ga je rado prijela v ruke, med čube, a čulo se da ga rad prima i med ritesnice. Ne baš ona bila takva svetica za kakvu se je prodavala. Ne su sam na mozak malo vudrili ti ljubiči pak je ona sejnala kak bu nejakvi bogatun baš najnu naletel i unda mu bu ona poklonila ono kaj se misli da saka ženska za najvrednejše drži. Nek sam župnik čuje kak se je ona za brak čuvala cela ta leta, a još je i delala v gnezdu poroka i razvrata, kak je župnik zval "Strgani volan" saku nedelu prije meše dok je videl kak ima više avutov pred britijum nek pred kapelum. Đeleku i Mujnenomu su privrgli Ajvana, krsno ime Ivan, fantastično fanatičnoga zalublenika v rat i v oružje. Psiholog je predlagal da ga se malko mekne od oružja i pošele v normalni život, ampak se ne mogel najti trejti kandidat za stražu i unda su pak nega ostavili. On je svoju dužnost doživlaval jako ozbilno pak ne bilo govora da oni kaj nesu na stražarskomu mestu, otidu malo na dijalizu do prve birtije. Pajdaši, kaj su bili na drugemi stražarskemi mesti, su znali otiti, ampak naša ekipa se je delala baš po peesu. Z Ajvanom ne ni moglo drugač. On je čak sako jutro drčal okolo po vojarne, vežbal je svoj gušterov let, i govoril kak v ratnem stajnu vojnik nemre biti pošteđen od jutarnje vežbe, če je baš i na straže. I Đelek i Mujneni su v glave vrteli svoje filme tak da nesu ni primetili kak se ravnaju po peesu i kak su valda jedini v vojarne koji svoju stražu obavlaju kak se spada. Ili skoro tak. |
:: 22:50 :: Komentari (4) :: Isprintaj :: #
13.04.2006., četvrtak
Črleno
|
Lokalni adezeovci na lokalnomu forumu stalno spominjeju črlenu boju i stalno o nje govoriju pošpotno. To vam je zato kaj je črleno kakti boja od ezdepeja. A ti nalokani adezeovci...ovo nalokani ne znači da su pijani, zapraf jesu pijani, ampak se oni nesu napili vina ili pive, oni su pijani od lubavi naspram svoje stranke i svojega maloga boga (Ivek Šuker, ponosen kaj je debeli) i velikoga boga (Ivo Sanader, gasi ambiciju članov v svoje stranke kak kanader). E ti nalokani adezeovci zato mrziju črlenu boju zato kaj misle kak je to boja ezdepeja. A neznaju da je to boja lubavi. Črlena boja je topla boja. Ja sem čital o jenomu eksperimentu dok su vrgli jene lude v plavu sobu, a druge lude v črlenu sobu, i v jedne i v druge sobe je ista temperatura bila, ampak je onemi v črlene sobe bilo vruče, a onemi v plave sobe su se prsti smrzili. To vam ziher ti nalokani adezeovci nesu čitali. Oni sam govoriju kak čitaju, a zapraf niš ne čitaju. Najrajši se pozivaju na Bibliju, a čem zube sopreju vidiš kak tu istu Bibliju nigdar nesu soprli. I ti nalokani adezeovci ne vide da je boja grada v kojem živeju črlena. Črlena je boja na zastave grada, črlena je boja na grbu grada i kraja, črleni je čak i cigel na zgrade v tere je poglavarstvo i gracke službe. Se je črleno. Morti zato oni očeju na vlast. Valda očeju se pofarbati v plavo, kaj je boja nijove stranke. Pa kaj oni ne vide da su črleni i dresi naše nogometne repke? Janica je v črlenem, si naši športaši imaju nekaj črleno. Sam nalokanemi adezeovci smeta ta črlena boja. Ak oni opet dojdeju na vlast unda bu grdo onemi deklami i ženami kaj delaju v grackemi službami. Nebuju više mogle imati črleno na vusnicami. Buju si crnoga ili plavoga ruža morale kupiti. I zato najte dati da nalokani adezeovci črlenu boju zatreju. Ja volim črleno. Vino. |
:: 22:16 :: Komentari (3) :: Isprintaj :: #
07.04.2006., petak
Nanotehnologija
|
Lokalni adezeovci na lokalnem forumu govoriju kak je nijovo sopiranje avutoceste gledeo tri ilade ludi, a Piculu je gledelo sam jedanajst ludi. I još veliju kak su se ludi smejali dok su videli Piculino sopiranje. Pa to je i trebalo biti smešno, dragi adezeovci. I još veliju ti lokalni adezeovci kak se Piculini bageri ne moreju videti z prostem okom. To je njemi kakti smešno. I unda je mene opalo na pamet kak je Picula zapraf napravil. I velim vam dragi adezovci (budem to rekel na engleskom zato kaj glavešine v lokalnem adezeju ne razmeju kajkavski): be afraid, be very afraid. Zakaj bi se lokalni adezeovci trebali bojati Piculine bagerof kaj se z golem okom nemreju videti? Mene se čini da Picula koristi nanotehnologiju. To jesu mali, mali bageri, ali ti mali, mali bageri delaju druge male, male bagere kaj opet trejte delaju male, male bagere, kaj opet delaju četrte male, male bagere, kaj opet delaju pete male bagere, kaj opet delaju šeste male bagere i dok oni tak par put zarundaju te male, male bagerof bu tak puno da buju napravili avutocestu prije nek kaj se adezejovi veliki bageri opče pokreneju. Valda Picula ima nekakvu kontrolu nad temi malemi, malemi bageri, ak ih ne zastavi na vreme ti mali, mali bageri buju napravili obilaznicu oko cele Zemle. Nebu adeze ni trebal delati most do Pelješca, Piculini mali, mali bageri buju se asvalterali. Picula, jel ti imaš gumb de se gasiju ti mali, mali bageri? P.S. Na gradilištu avuto ceste kaj je soprl Sanader neki dan se niš ne dela. Sam su šekrete ostavili. Dragi političari, ja vas lepo prosim, ak več serete, počistete za sobum. |
:: 11:44 :: Komentari (2) :: Isprintaj :: #
05.04.2006., srijeda
Picula je zajebant
Se si više mislim kaj je ovaj Picula zapraf veliki zajebant. Sam još da se obrije i da se v jutro ne vreme zbudi. Do zna kaj bi unda bilo od njega.Bezgrešnjak |
:: 21:05 :: Komentari (1) :: Isprintaj :: #
Načelna dozvola
Nekak mi nesu fletni ove naše onlajn novine. Več su prešle 4 vure od otpiranja radova na avuto ceste Zagreb-Sisek, a oni niš ne pišeju. Bezgrešnjak je imal valda probleme z serverom. Jutarnji niš. Hrt je donesel kratku vest, Hina bi valda dala ak je se plati...baš sem sad pogledal pa sem videl da Vlada.Hr ima čak i nekakvu meštriju v empetriju. Zemem si pauzu dok posluhnem. Najte nikam otiti...fajn je veliko.Jeste još tu? Rekel je Ivek da se je ta cesta morala napraviti davno i unda je nabrojil sve ceste koje se denes delaju ili one za koje su održali veselicu. Za se je kriv komunizem i Beograd. Mene se čini da je več fajn prešlo od komunizma i Beograda, tuliko je več prešlo, ampak taj komunizem je i dale za se kriv. Ivek je zabil da mi več dost dugo imamu državu. Skoro celo to vreme negva stranka gospodari z državum. Jel' Ivek pogledal de je bila Hrvacka dok je z komunizma zišla, a de je sad. Su nas prešišali si oni kaju su za nami bili, ni žmigavec nesu dali. Do je vuništil gospodarstvo? Ne ni taj rat za vse kriv. Ampak Ivek se to nevidi. On gledi napred, sam ravno, ni levo, ni desno, morti ga sam koji put v zavoju v desno zanese. Završetek ceste bu pred izbore kaj buju iduče leto. Tak su si lepo splanerali da buju opet napravili zabavu koji dan prije nek kaj buju izbori. Je, je, slušam sad drugi empetri i čujem kak Ivek ne zabil rat koji je kriv kaj nam je tak grdo kak je. Veli Ivek kak je drugi Ivek (Šuker) rekel kak nebumu imali kaj delati za koje leto ak se bu delalo kak se sad dela. Mene se čini da za koje leto nebumu imali kaj delati zato kaj nebumu imali z čem. Ivek S. se još kakti našalil da se vidi kak nam ide dobro čem ludi vide kakov je čovek naš minister financija. Kakti ne bi bilo dobro da je minister nekakov slabić, kaj bi političari z druge zemli rekli?! To sem čul. Videl sem i kak deca nose šilterice na kojemi je pisalo Autocesta HDZ. I sad mene niš ne jasno. Kakva je to Autocesta HDZ? Morti se to ne avtocesta za Sisek soprla, morti je to cesta po koje buju ovi z adezeja nekam otišli. Ak je to tak odma idem lopatu v ruke zeti sam da ta cesta bu kaj prije gotova. Mislim da je najbole da cestu okrenemu k najbliže granice tak da je se kaj prije rešimu. Picula je lepu reč rekel. Ne više Hitro.Hr, sad je Hitno.Hdz. Več sem mislil završiti, skoro sem zabil. Nisem v empetriju videl Marinu Dropulić. Ona voli rušati ono kaj je bez dozvole. Delancije kaj su denes otrpte nemaju dozvolu. Kalmeta kakti ima nekakvu načelnu dozvolu. Ja sem čul za lokacijsku i građevinsku, ampak moram priznati da za načelnu dozvolu još nesem čul. Morti bi Marinu trebalo pitati. Ili ona ruša sam ono kaj sirotinja i politički protivniki naprave. I tak su denes ministri i precednik vlade z načelnum dozvolum zgazili nevidljive vočke za koje buju oni kaj su jih posadili dobili fajn penez. Vuk nebu sit jel su zajdnega vuka ovde na Goricami vubili 1945., a koze tam paseju blizu kanala. Maličke koze. Velike koze buju oni kaj buju nedelu za stranku z načelnum dozvolum glasali. Nekakve ankete govoriju kak adeze nebu baš dobro prešel, ampak su i zajdni put ankete govorile tak pak je bilo još gore (a bole za adeze). Najboli mi je HSP koji su napravili svoju anketu po koje oni buju pobedili z največem postotkom glasova. Ne znam samo koga su to oni anketerali. Morti ribe kaj su se nadale da ak HSP pobedi nebu morti tak išel ribičiju kak je jen nijov član zajdni put išel i poradi toga i imamu ove izbore v nedelu. E tak. Prosim lepo da mi štovano čitatelstvo oprosti kaj se bavim lokalnim političkim pizdarijami, ampak su to tak velike pizdarije da si trebate za njih znati. |
:: 20:09 :: Komentari (0) :: Isprintaj :: #
04.04.2006., utorak
Avtoput
|
Zutra buju dva Iveka (precednik Vlade i ministar financija) soprli radove na gradilištu avutoputa Zagreb-Sisek. V Kušancu, ak se gledi po table na koje piše ime grada unda je to još v Velike Gorice. Tam posle pruge, ak krenete v Pokupsko. Još prekčara tam ne bilo ničega. Čera je jen boger nekaj kopal i sređival, a denes je malo više mehanizacije vozilo šuder i delali nekaj v jenem vočnaku kaj je napravlen na državne zemle kaj je dana v zakup. Imal sem za čuti da su tam vočnaki vugledne članov HDZ-a (ili bar simpatizera) koji su napravili vočnak zato kaj su znali da bu tu išla cesta i da jem buju trebali platiti za urod kaj bi imali čez 15 let. Ima tam i vočnakov, ampak ima i dosta zakuplene zemle na koje drač raste, ili je to posebna fela vočki? I največemu je bedaku bistro da je ta cela zajebancija z otpiranjem gradilišta napravlena pred izbore v Gorice. Adezovci misle da je narod bedast i da su zabili kaj su obečali a nesu napravili. Imaju vam oni velike plakate i govoriju kaj su napravili. Z našemi penezi. A kakti oni su napravili. Lako je z tuđem kurcem mlatiti po kopiravami. Ili po trnju. Obečali su vodovod v sa sela oko Gorice pak to nesu napravili. I još bi se puno toga našlo, a to kak su peneze trošili kak pijani bagataši to vam ne moram ni govoriti. To i sami znate. Jedino ak ne mislite da sem ja zeleni i črleni vrag. |
:: 19:50 :: Komentari (2) :: Isprintaj :: #
03.04.2006., ponedjeljak
Z krampom, lopatum i roglama v glavu...
|
Rekel je Šuker čera v Epicetru pri Mirjane Kvrge kak se ne sme povezati HDZ v Gorice z nasiljem. To zgleda ne čul precednik adezeja v Jagodnom koji je z lopatum napal precednika deceja v Gorice koji je tam v Jagodnom lepil plakate po stupi. "Dok sem ja tu precednik mesnoga odbora vi ne bute svoje plakate tu metali!" Kak nigdo ne spominja prvu pomoč zgleda da precednik adezeja v Jagodnom ili ne zna delati s lopatum ili je prespor. Takvemi kaj neznaju svoj posel ne ni mesto v politike. Da je šusnul negoga ziher bi mu precednik grackoga adezeja oprostil taj mali incident. Ovak ne znam, morti bu moral dati ostavku zbog neefikasnosti. |
:: 13:24 :: Komentari (1) :: Isprintaj :: #
02.04.2006., nedjelja
Bodovi
|
Čital sem v novinami kak buju braniteli dobili nekakve dionice. Zračunali su nekakve bode, oni kaj su bili v jamami z puškami buju dobili više bodov nek oni kaj su greli turo v nekakve kancelarije. To morti zgledi pravično, ampak meni baš zgledi i da ne tak. Oni kaj su greli turo v kancelarije su to delali fajn duže nek kaj su drugi bili v jamami. Tak da taj jen bod bu njemi na kraju donesel više nek kaj bu nekakvomu ratniku z rupe doneslo negvih osem bodov po danu. Mene ti bodi ne mučiju. Ja nesem bil baš dugo mobilzeran, sem moral na fakulteta idi, a još sem bil i v vreme koje baš ne nosi preveč bodov, tak da nem dobil skoro niš dionici. Čak si razmišlam da si mi, kaj imamu bodov koji ne nose preveč dionici, damu te dionice v dobrotvorne svrhe. Nam to nebu preveč značilo dok bi nekomu to morti puno pomoglo. Naprimer damu dionice dečjem selu v Lekeniku. Malo, po malu njemi bi se skupilo. Drugo nekaj mene muči. Do 1992. i dana za koje se dobiva osem bodov moji dečki z brigade su se dobro čuvali i ne je baš puno poginulo i ne bilo baš puno one kaj su rajneni bili. I unda posle toga ide vreme za koje se dobi jen bod, kakti ne bilo rata, nesu ludi bili na bojištu. To je onak službeno, za novine. Mi si znamu kak su v to vreme naši otišli ratuvat v Bosan, tam je bilo puno više rajnene, a i puno je naše dečkov poginulo. Oni kaj su bili tam veliju kak je to bilo gore nek se kaj su prije prešli. I sad buju oni za to vreme dobili sam jen bod. Kak i oni kaj su turo greli v neke kancelarije. Več je prešlo dost vremena, vreme je da se službeno prizna kak je naša vojska bila v Bosne i da se temi borcem prizna ono kaj su zaslužili. Jel nesu oni sami tam išli ratuvat, poslala jih je naša država. One kaj nesu šteli iti prek Save v Bosansku posavinu su poslali v druge brigade koje su bile na ratištu pri Dubrovniku. Tam ne bilo nikakve reke pak oni nesu ni znali da su prešli granicu, mogli su jih poslati kam su šteli. Rekel je moj sused da mi je mislil razglednicu z Trebinja poslati, sam kaj tam na kamenju ne mogel nikakvu poštu najti. A ni za markicu ne imal. Unda ne znal kak bu dioničar postal. Morti je bole za nekoga da unda, dok je pušku v rukami imal, ne znal kak bu čistačica Barica, koju je v vojarne na eks par put nategnul, dobila više dionici nek on. Viš, viš, morti bi se tu dala nekakva dobra sapunica napraviti, najprije su bili siroti, on je nu sirotu natezal v špajze, sam kaj se unda ne baš tak siroto osečala, unda su se rastali, on je bil na ratištu, pak je v bolnice završil, ona je mislila kak je on poginul pak se za drugoga vudala, mladoga časnika z logistika kaj je turo v kancelarije grel, on ju je isto natezal, ampak ne v špajze več v svoje kancelarije, ne bil tak dober kak sused, prebrzo je svršaval, ampak je imal više penez. I unda je moj sused dobil dionice, postal je mali tajkun, a Barica, kaj se med tem rastala od prebrzoga časnika, postala je još vekša tajkunica, imala je mladoga mafijaša za lubavnika, nezin bivši muž je postal pokojni, nekaj se govorilo kak je to bila čudna nesreča, pak je i negve dionice dobila, postala je još vekša tajkunica, i unda su se puti mojega suseda i dovice Barice opet zestali...a kaj je unda bilo, čitajte v moje knige kaj nigdar nebum napisal. :-( |
:: 14:46 :: Komentari (0) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||