Lovec v kâlne vode
25.03.2006., subota
Gotovina je topli brat
|
Ovi z Haltera pišeju kak je narodni heroj Ante Gotovina postal topli brat, ili kak bi to narod rekel: peder. Ne morate se bojati i odma žile rezati, to je sam zajebancija i satirično obdelavanje aktualne situacije. Da se baš i dogodi takva situacija ja verujem da bi doktor Ivo odma dal direktivu da se narodnom heroju Anteju nesme podmetati i odma bi naše svećenstvo zmislilo nekaj da opravda taj negov čin. Nekemi ne bi bilo teško opravdati taj čin, zna se da i med njemi ima tople bracekov. Već vidim kak bi zgledala gej povorka na Zrinjevcu. Si bi imali hrvacki grb i majce z narodnem herojem na kojemi bi pisalo: si smu mi Ante. Ante bi posle suđejna v Haagu postal saborski zastupnik i bil bi najzaslužniji za legalizaciju istospolne zajednice. |
:: 04:56 :: Komentari (4) :: Isprintaj :: #
18.03.2006., subota
Došel je cirkus
|
Četiri lete je fajn za čekati za nove izbore. Zato mi v Gorice imamu izbore sako leto. Političari bez izbora nemreju živeti. Zapraf oni kaj su na vlasti bi šteli da izborof nigdar više nebu, dok oni kaj su zgubili izbore bi šteli da je odma revanš. Mali je problem kaj ti izbori koštaju, a mi jadni, mali, porezni obvezniki više nemremu stisnuti remen tak jako kuliko oni kaj su na vlasti moreju potrošiti. Ak' buju izbori saki čas budemu si poparali od gladi zato kaj bumu delali sam za izbore. Najbole da se za političare žedne izbora organizera putujuči cirkus. Si političari se buju sprtili v avutobuse i kamp kučice i buju se vozili od grada do grada. Tak buju saku nedelu negde v Hrvacke izbori. Raspored bi ovak išel. Sreda. Dopelaju se ne mesto zločina…pardonček, izbora. Si avuti, kamioni, avutobusi i kamp kučice se parkeraju u krug. Na sredine kruga si političari delaju na podigajnu šatora. Političari delaju. Hm...ovo političari delaju je oksimoron. Ak se pitate kaj je to oksimoron to vam je dok velite vrući led ili mrklo svetlo ili živi mrtvec ili pametna budala ili mirna Bosna (do još misli da je Bosna mirna?) ili bučna tišina…Jasno vam je da su to dve stvari koje se obično nemreju spojiti. Tak je i ovo političari delaju oksimoron. Nespojivo. Inače oksimoron vam zapraf znači oštroumna ludost. Do je tu lud, a do je oštoumen, tu bi se dalo diskuterati. Šator buju podigli pomočni radniki. Četrtek. Prijava boravišta. Organizera se putujuči štand (do je videl da političari na nekaj čekaju v redu) koji bu išel od političara do političara koji buju prijavili mesto boravišta tak da moreju sudelovati na izbori. Celi cirkus bu soprt za goste, tak da oni kaj očeju videti političare moreju dojti i videti jih. Ne mi bistro zakaj bi negdo štel gledeti političare, ampak nek im bu. Si gosti buju morali platiti ulaznicu tak da se moreju platiti radniki kaj buju šatora slagali. Petek. Izborna kampanja. V znak čovečnosti ili humanosti naspram biračov kampajna se bu održala sam v petek. Kak dost ludi taj dan posti nebu velika šteta ak se do zbluje od tuliko neostvarenih obečajna kaj političari znaju prevaliti prek svoje čubi. Subota. Izborna šutnja. Mučim. Nedela. Izbori. Sam bu jena izborna jedinica v cirkuskem šatoru tak da nebu veliki strošek. Celi zgodovina bi trebala zgledati kak oni turniri v srednem veku. Imali bi borbe političarov, rvranje v blatu i ostale discipline. Imali bi i disciplinu gađajna za birače. Dežurni političar (mejnali bi se sake pol vure) bi sedel na faslinu z vodum i ak bi neki birač pogodil cilj unda bi se političar zrušil v vodu. Na kraju dana bi bilo zbrajanje glasova i veliko narodno veselje. Pondelek. Jutro se buju sklapale koalicije i organizerala vlast da se vidi do je pobedil. Pobedniki popoldan moreju spati, a zgubidani moraju čistiti nered, sklapati šator i uz to moreju popevati pesme kak i crnci dok su pamuka brali. Političarski bluz. Morti bi naši Mungosi koju kunu mogli zaraditi tak da jem pratnju sviraju. Torek. Odjava prebivališta. Organizerajne krize vlasti tak da se izazovu sledeči izbori. Najava gostovajna v sledečem gradu. Polazek na put. Posle ovoga vrnete se gore na sredu. Tak bi mi rešili problem političarov na način kad nigde v svetu ne rešen. Oni bi postali turistička atrakcija i morti bi otišli na turneju v druge zemle pak bi je se morti lako i rešili. A mogli bi prodavati licencu za taj politički cirkus. Na kraju bi se moglo dogoditi da bi imali i neku koristi od te političarov. To vam je oksimoron. Korist od političarov. ;-) |
:: 03:17 :: Komentari (0) :: Isprintaj :: #
10.03.2006., petak
Cinkuši
|
Posluhnete si Cinkuše. Imate tam empetrija za posluhnuti, a ak vam se to dopada unda bi morete i cedeja kupiti... |
:: 08:35 :: Komentari (2) :: Isprintaj :: #
08.03.2006., srijeda
Zagorci tuže Vladu
|
Veliju Zagorci da buju tužili Vladu zato kaj planeraju uvesti velike vodni doprinos. Vlada glumi da se ti penezi buju koristili za obranu od poplave. Si mi znamu da je to samo mazajne očiju, sigurno se za vozni park direktorov v Hrvatskim vodama potroši više penez nek za obranu od poplavi. A i ne čudi me kaj se ti Zagorci bune, pak su oni si na bregu, tam je poplava bila zajdni put dok je još tu bilo Panonsko more, prije nek kaj je nestalo v nepoznatem pravcu. I sad se ti z Vlade delaju pametni, oni buju Zagorje branili od poplave. Sam naprej Zagorci, tužete Vladu, nebuju oni više bedake delali z vas. A ak se i nejakvi Gubec najde kaj bu rogle zdigel za pravicu, morti bi nas se i više našlo kaj bi stali iza njega. Je da su rogle po selima fajn rđave, ampak tak buju opasneje, morti bu koji političar tetanusa dobil... |
:: 18:59 :: Komentari (0) :: Isprintaj :: #
04.03.2006., subota
Pobedila bu na Evrovizije!!!
|
I prije sem ja rekel kak bi Severina mogla pobediti na Evrovizije (ne na Dore, tam je večeres pobedila), najviše poradi svojega filma koji je imal veliku gledanost. Kad sem čul 'Štiklu' mislil sem si kak je šteta kaj ima tako lošu pesmu, ampak je i opet pobedila. I kaj sad. Ojha ha, ojha ha. Isotočni del Evrope bu ziher zajnu glasal. A morti i zapadni, sam da opet film v distribuciju krene. Meni su one rokerice na početku bile najboljše. Kak je ona bubnjarka bila cukrena. A pesma? A do još na Dore pesme sluša, ja sem sam gledel i slušal sam Artic Monkeys... |
:: 18:50 :: Komentari (0) :: Isprintaj :: #
01.03.2006., srijeda
Zakaj bu selo prepalo
|
Si znamu da nam sela propadaju, na selu su samo stari ludi, nigdo se više ne bavi zemlum i z blagom. Kakvi je to vrag v našega selaka vlezel pa k sam v grad beži? I zakaj trava tak slabo raste. I unda mi je denes senulo. Negda je ona pevala kak je devojka sa sela, rumeno joj lice, noga bosa i tak. Denes vidimu da ne to bilo tak. Ne ona imala bosu nogu. Ovo leto peva de je stala moja štikla trava više nije nikla (ili tak nekak). I zato vam ludi moji dragi selo prepada, devojka sa sela je se zgazila z svojemi štiklami i više ni trava neče rasti. Nju je baš briga, ak nebu pevaljka bu glumataljka, ak nebu glumataljka unda bu nekar četvrto... Ovem putem apeliram na našu poznatu glumicu nek više ne gazi z štiklami po trave. Ne ekološki, a morti bi je se mogla dogoditi ista stvar kak i Vlatke i njezine bunde. |
:: 18:50 :: Komentari (0) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i črknje
Črčkę na slovami su naši kajkavski glasi. I to ovak: â - kak v réči jârek ě - kak v réči rěčem é - kak v réči réč ô - kak v réči nôvo
Rečnik
Ak vam nekakva reč ne jasna pitajte... balta, baltica - mala sekirica, koristili su je mesari ili tesari, kak koji kača - zmija najža - tavan, došlo je od na iže - na kući pees, po peesu - skračeno od P.S., ne Post Scriptum več Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge čovek |
|||||||||||||||||||||||||||||||||||||||||||||||||