Lovec v kâlne vode
26.06.2004., subota
Kolijnë
|
Denes sem bil na kolijnu. Godišnjäk, dugi, mësnati, bez puno masti. Sigurno së razoèäral denes dok na Bingu né niš dobil, a unda jë od tri svinjèëta v svinjcu baš nëmu Pero Mesar del säjlu na gubicu. Sudbe né mogel pobeèi. Deèki su ga zvlékli z štalë i flëtno zrušili na zemlu. Pero mu jë zabil nöž. Né së puno muèil, potiho jë krepal, èak né ni scukäval z nogami kak prasci inaèë znäju. Unda ga jë trébalo opäžmati v koritu. Taj dél jä näjvëè mrzim. Séèam së kak sem së z poklopcem od kremë za cipelë znäl muèiti, a navék jë znalo gläk ostati. Pero jë dobru vodu napravil i brzo smu ga opäžmali. Séèam së jemput jë japa vodu delal, baš ju né potrëfil, svë glakë su ostalë i dugo smu së muèili dok smu ga kak-tak oèistili. Japa jë posle rëkel kak jë dobro da glakë ostanu, kakti buju želudec oèistilë. Unda smu ga zdigli na gälgë, polejali z vodum i još ga èistili z nöži i tulci. Pero ga jë brzo rasporil, jä sem mu z špägum debëlo èrévo svëzal i prièkal da Pero èréva zvädi kak bi jë na gnöju zakopal. Negda smu èréva präli za kobäsë. To su delalë žënë i deca i uz èišèenjë to mi jë näjmrži posel bil. Jetra su bila èista i sneja jih jë brzo odnësla kak bi jë na näglo priprémila. Pero ga jë razrezal na pöl. Sneja jë tajner donësla za možðanë. Gazda jë rëkel da jih sprémi za zutra jutro kak bi jih z jäjci pojel. Malo smu si popili gemištë i odnësli polovicë na gumenjäk v štägel. Brzo smu jë rastranèili, sneja jë ðigericë donësla pak smu si malo pojeli. Višë né bilo posla. Mëso së budë oladilo i sneja ga bu v škrinju vrgla. Kak jë svinjèë bilo sportski tip né bilo puno špeka za èvarkë. Nëbu ni za jën rändek. Idem spät. To kolijnë më navék ošinë. Ili jë to gemišt kaj na kolijnu navék pijem? Po zime pijemu kuvano vino i unda sem v puno bölše förme. Negda, dok smu deca bili né bilo kožnate lopti kak denes. Unda smu meur od svinjèëta oprali i napuvali pak smu së žnjém loptali. Ak jë bila prasica unda bi navék neki fakin odrezal nëzinu pizdu i nekomu ju v žep vrgel. Ak jë neko bil posebno sramëèi pizda v žepu mu jë sigurno osigurana bila. Denes, dok nam së pizde otkrivaju na svë stränë, präva pizda od prasicë navëk završi zakopana v gnöju. |
:: 22:50 :: Komentari (0) :: Isprintaj :: #
20.06.2004., nedjelja
Joj kak tužne sudbini ima
|
Odojek, koji jë žëlel ostati anoniman, javil mi së s žëljum da bi protestiral poradi nämerno napravlenë psihozë u närodu poradi kravlega ludila. Tak su näglo skratili dužinu življënja proseènoga pajceka. Kak naši politièari jäko lépo délaju na uništënju selskë privredë svë së tëžë rešävaju svinjska stambena i socijalna pitajna i svinji jë v ove države së mejnë. Naš pajcek jë v svoje borbe za svinjska präva odluèil iti do kraja. Nameräva së v znak protesta zapaliti i zavrteti na räžnju v jëdnem od primorske gradièev na sréd sredinë turistièkë sezonë. Kak së opet predviða nestašica mësa, naš pajcek misli da bu svojë télo skupo prodal kaj bi mu pomoglo da svojë zäjdne dänë življënja uživa v jëdnem od prasièje haremov de ima puno, puno napoja. Jä sem podržal pajceka i vëè sem së prëtplatil na dvé kilë nëgvoga näjbölega mësa. |
:: 22:02 :: Komentari (1) :: Isprintaj :: #
18.06.2004., petak
Prva luda krava v Hrvacke (Cveteka jë ponorela)
|
Faljen Isus, Vi stë luda krava? Jë, priznam. Koja prizna dobila bu još jemput. Pa kak Vam së dogodilo da stë ponoreli? Jë, to Vam jë èist normalna stvär, jä sem ponorela od ljubavi. Oho, a ono uvozno ludilo, virusi, bolesti, smrt? A në sinek drägi, ampak nés šašava da tak ponorem. Mëne së sam jëdno ludilo mota po gläve. I dö jë taj srëtnik? Möj mili i drägi šeik. Žalösna sem kaj sem sam jëdna srëtnica v nëgvem haremu, ali jä së potrudim kak bi kaj višë put došla na rëd. Šeik, našla si prävoga arapskoga šeika? Ma në, jä tak od drägosti zovem našega veterinära. On nëzna kak jä uzgäjam silnë oseèajë spram nëga i on mënë doživläva kak svöj posel. Jä nëmrem tak višë. Tak sem tužna i nekaj më v srèeku stišèë i si mi veliju kak tužno gledim. Pitam jä vas, kad bi vas stälno tukli i za sescë vlékli, jemput godišnjë jebali i vi bi tužno gledeli. Ali ti si rëkla da së višë potrudiš? Jë, služim së trikovima. Kad më on podgoni jä pojém ludu trävu i zvrgnem, ili kak së to struèno veli: spontano pobacim. I unda on opet döjdë. Ovo leto sem 10 put zvrgla i moja velika lubav më 11 put podgonil. Nosil jë on semënjë od puno bikov, èak mi je i slikë nosil. Rëkel jë: "Glë Cveteka, kak jë ovaj lépi, sigurno budë lépo détë, ovaj tëlë...". Ali jä së nëdam. Ne temi slikami su sämi fakini i grubijäni, a jä oèu muža z fakultétom, nés jä bilo kakva krava. Oni biki bi sam da jem èistim štalu i odgäjam tëlièë, a jä sem emancipirana krava, oèu muža koji bu më razmel i koji më budë koji put v kino il' kazališèe otpëlal. Il' barem da mi televizora kupi tak da morem meksièkë sapunicë gledeti. |
:: 14:03 :: Komentari (2) :: Isprintaj :: #
12.06.2004., subota
Jä samo malo volim Hrvacku
|
Nema toga koji se može natjecati s vama i sa mnom osobno u ljubavi prema Hrvatskoj. Neæu dopustiti da itko bude veæi od mene u ljubavi prema Hrvatskoj, kazao je svojim ministrima Sanader. Ovak pred svemi vämi möram rëèi da jä Hrvacku volim puno mejnë nek Sanader. Möram së ograditi kak morti nëbi kakvë problemë imal ak bi së doznalo i videlo da jä Hrvacku volim višë nek Sanader Ivek. Kaj ak së dozna kak jä Hrvacku volim višë? Bojim së kakva jë sredstva Sanader priprémil i kako to on nëbu dopustil da jë neèija lubav vëèa. Mëne ta kujna smrdi na onaj 'stäri' HDZ. Pa sam su diktätori bili näjvëèi v svoje lubavi spram zëmlë i Domovinë. Kaj nam to Sanader oèë rëèi da së na taj put spréma? Da znäm da buju tajnë službë mëne zëlë moju Barek ak jä velim kak jë moja lubav vëèa nek Sanaderova, odma bi otišel na Jelaèiæ plac i tam bi zavikal kak jë velika moja lubav spram Hrvackë. Ampak jä së bojim kak bi policajci s pendreki vuništili moju lubav i mojë nutarnjë orgänë pak së nëèu z tém sportom baviti. Sanader i Vläda su si zëli pravac. Oni nas pëlaju v Evropu. Za cénu ne pitaju. Bedasti närod misli kak bu ta Evropa réšila našë problemë, si budemu sam sedeli, a peèëni vräpci budu v zubë leteli. Sam da vléznemu v tu Evropu. I tak bumu Evrope däli su našu ribu koju budemu posle kupovali v trgovaèkemi centri. Uvoznik budë neki Vläde mili tajkun. I tak budemu v Evrope pokupovali ludë kravë. Kodali nam né dosta sakojake luðäkov pak sad i kravë ludë trébamu. I sam èekam kak budë zutra Sanader prodal koncesijë za našu frišku vodu. Näjvëèi dél budë Slovencom däl, da nëbi sluèajno veto na našu ulaznicu v Evropu däli, jebalo ih veto. I izlaz na otprto morë budu Slovenci dobili i oprostili bumu jim i nuklearku i Ljubljansku banku i... Iduèu godinu na Evrovizije bu pobedil naš band HADEZE z pesmum: 'Sve æu da ti dam, samo veto ne diraj'. A melodiju budu krali (to jë tak moderno) od onoga narodnjäka 'i safire i rubine samo ona nek ljubi me'. Vëè vidim sëbë i pajdäšë za pët lét v Evrope kak së po noèi skrivamu po Goricami kak ilegälci, kolemu odojka, pëèemu rakiju, päzimu na mošt i èuvamu së da nas naša növa evropska policija ne lovi. I dižemu èašë za së one kaj su na robije poradi pöl kilë odojka i litrë rakijë. Ko Al Kaponë bumu prodavali nelegalnu rakiju kak bi pomogli familijami v žalosti èiji su èlanovi mrli dok su jeli ludë kravë z Evropë. 'bemti, vëè së vidim, postal budem Robin Hud. |
:: 14:19 :: Komentari (1) :: Isprintaj :: #
03.06.2004., èetvrtak
Frätri i mercedesi
|
Èitam v novinami kak su v Dalmäcije zabranili frätrom da së vozë v Audiji, Bemveji, Mercedesi. Gamad jëdna. Nésu samo frätri takvi, i ovi naši domäèi së vozë v luksuznemi auti, a nekemi né dosta jën pa imaju dvoja ili troja kola. Kak možeju svëta gospoda z oltära pripovedati o skromnosti i odricanju a oni sämi së toga ne pridržävaju? Imal jë praf stäri Dante dok jih jë v najglibši krug Pekla del. Zovu oni, govoriju, svi bi mi trebali davati svë kaj možemu i višë od toga. Da bi se gospoda mogla v lépemi auti voziti, benzin jë svaki dän skupleši. A znätë dö näjvišë däva sveèenikom? Sirotinja, oni kaj ni sämi nëmaju, kojemi bi još trébalo pomoèi. Stära Jaga néma pënziju. Èim proletjë döjdë ona idë po šume i ledinami. Bërë zelenilo kaj bu na placu prodäla da bi haraè sveèeniku mogla dati. Luca ima pënziju. 100 eura. Dvanajst posto svojëga letošnjega proraèuna popu däva. I unda mi së Šuker našel nekaj žaliti. I našel bi sad još takvë sirotinjë. Dävaju i oni kaj imaju. To su oni kaj së boga bojiju i mislë da buju tak kupili stolec v Raju. Ali né nem dosta sam to kaj së v skupemi auti vozë. Oni möraju gospodariti. Z oltära govoriju kaj tréba delati, kak së ponošati, za koga glasovati. Vidi së da oni znäju. Da jih slušamu i mi bi takvë autë vozili. A Jaga i Luca bi i vozäèa imalë kaj bi jih sako jutro na zornicu vozil. E kak smu mi nedopovedani närod. |
:: 10:31 :: Komentari (0) :: Isprintaj :: #
Dnevnik.hr |
|||||||||||||||||||||||||||||||||||||||||||||||||
|
Piknjice i èrknje
Èrèkê na slovami su naši kajkavski glasi. I to ovak: â - kak v réèi jârek ì - kak v réèi rìèem é - kak v réèi réè ô - kak v réèi nôvo
Reènik
Ak vam nekakva reè ne jasna pitajte... balta, baltica - mala sekirica, koristili su je mesari ili tesari, kak koji kaèa - zmija najža - tavan, došlo je od na iže - na kuæi pees, po peesu - skraèeno od P.S., ne Post Scriptum veè Pravilo Službe, to je poznati termin sakomu kaj je služil vojsku v propale Jugoslavije strmopizditi se - poniranje v stilu Japanske kamikaze sam kaj je mesto aviona v glavne uloge èovek |
|||||||||||||||||||||||||||||||||||||||||||||||||