"If we open a quarrel between the past and the present, we shall find that we have lost the future."
Winston Churchill (1874 - 1965)
POSTOLAREV PRŠUT
naškrabano -19.11.2008. srijeda - 09:53
storija #1-dva merla
ka sta bi inace poceja br.1.......sican se:
Jema san ka mulac kompanja Duju sa kojin san cinija sve moguce monade ,koje su samo nan mogle past na pamet.Duje je bija postolarev sin,iz iste ulice ....3 kuce dalje.....vratimo se na sliku doli-moja je kuca bila ona na kraju ulice sa taracon na vrh,a njegova prva s live bande....e ta sa ponistron na šufitu(šta bi se danas reklo visoko podkrovlje----ma koje podkrovlje? A di je nesta šufit?).
Postolar je u temu šufitu jema radionu di je cinija postole,šandule,isusovke,triketrake...a butiga olitiga radnja mu je bila na piacu.
E nan , meni i mom dobron Duji đava nikad ni da mira ,pa smo se uvik uvlacili u tu njegovu radionu na šufitu iako nan je to bila strogo zabranjena zona.....a sta je zabranjeno puno je slaje......jer bo je gori bilo svakakvih oštrih noži i britvi za rizanje kože ,pa nedaj bože da se dica isparaju....hahahah...
Na temu šufitu bila je jos jedna neuređena kamara(soba) di su postolarevi držali suvo meso koje je visilo okaceno na gance za grede o krova.
Moš zamislit visidu pancete i jedan lipi veliki pršut......a ko mu je moga odolit,niko a kamo li nas dva.
Ni nan tribalo puno mislit kad smo ga jedan dan sinjali, oma smo ucinili sve pripreme ka da smo dva dotura koji ce operacijun radit.........a valjalo je isprovat koliko su oštri ti postolarski noži.....oli ni tako?
Ma nebi nijedan likar tako lipo bija obradija to zadnje kolo o prajca.Je da se ni da ,jerbo ga je postolar cuva dvi godine za prigodu ,pa je bi malo tvđi ,ma smo mu isto stali na kraj.Polako svaki dan smo mi njega obrađivali i obrađivali dok ga nismo skroz obradili......ostala je samo kost i koža na njemu.....tako da kad se i gledalo sa vrata u tu kamaru pršut je parija ka novi ......a ne kada su ga gagrice poile....
Sve je bilo dobro dok postolaru ni došla nika svojta iz Zagreba i postolar se tija pokazat isprid njih i lipo ih ugostit.....jerbo zna se da oni sa sjevera volidu lipe bokune ,pa ce sad on zaklat oni njegov pršutic .........hahaha....ma moš mu zamislit facu kad ga je skinija sa ganca.....šok.........nevirica.....šta?....kako?....miši ?
More bit da bi se bili i škapulali da nan ni osta nož na mistu zlocina......ni tribalo postolaru puno za skontat da su to bili niki cudni miši na dvi noge.......da su to ona dva merla ucinila......
Bili smo u karantenu cili misec dan potla toga,a na nogan su nan se mogli razaznat svi meridijani i paralele od kaiši......ma nije nan moga niko stat na kraj..........
storija #1-dva merla
