Bruno Šantek - brutek

PAJDAŠ

kaj sam ti mislil reč moj pajdaš?
se sam zabil ve gda si tu
al ti ionak se dobre znaš
lepo se je vrnut na svoju zemlu
tolko bi toga reči ti štel
al uz gemište se zgubila reč
i pune toga ne bi povedati smel
zidi imaju uši a i pijan sam več
pusti nek mužika poveda za se
pa nek nam bude kak negdar je bilo
dok skupa smo pili iz iste kupice
bez brige se vu sičje hiže hodilo
gda neje se pitalo čije si vere
i jel ti je ime naše il neje
gda smo kušuvali onu kaj srce zabere
a ne one kaj imaju prave papere
žalosti me to, pa naj kaj zamerit
pusti da bumo na čas pak oni stari
nemremo svoje živlenje z letima merit
ne glejdi na vuru, to se pokvari
samo se prepusti da bumo kaj jesmo
a jesmo i bumo još puno let
ne kvari nas vreme kad kvarni nesmo
morti baš takvi i mi menjamo svet