Prvo i osnovno, moje isprike ča nisan dugo pisala i ča će ovo bit toatlno zbrkan i neknjiževan post ali me ni briga.
Drugo:naslov.
MA ČA SE TO OVDIKA DOGAĐA???!!!!
Ja van velin, svit je prošal kvragu!
Mislin da je jedan od glavnih razlogih zač san va zadnje vrime počela slušat glupi, plitki, beznačajni Disney pop, to ča njimi se ima happy end!! Nimaju nikakove dubine za razliku od rocka!
I to me čini srićnun!
To ča ne moran razmišljat o ričimi!
To ča me ne moru spustit na zemlju i reć mi da je život koma i da ča god ti načinjiš nikad neće načinjit neku značajnu razliku, aš će uvik bit niki bogatiji, veći, stariji, utjecajniji od tebe.
I onda greš na usrani Disney chanel kadi dičina žive na ogromnom kruzeru i samo se zajebavaju po cele dane, ili vidiš nikakove vještice, ili superzvizde ke su zapravo normalni ljudi (koji očajno glume, ali to sad ni bitno)...i opet ti se čini da stvari nisu tako loše!
I onda greš gljedat glupi Camp Rock 2 i ustanoviš da oni na kraju ne pobjede!!!!! Pa dovraga to je D-I-S-N-E-Y!!!!!
To gljedaš kad si stvarno, stvarno mizeran i samo želiš poslat mozak na pašu i zaboravit sa sranja ča se događaju oko tebe!
Kako to more ne imit happy end!
A nakon toga greš gjedat Jonas LA u nadi da ćeš se bar tomu moć smet (glupomu Kevinu, umišljenom Joeu, jedinom normalnom Nicku, opsjednutoj Macy...), a onda ustanoviš da ni tamop nema happy enda!!!!
Mislin stvarno!!
Si znaju da Joe i Stela tribaju završit skupa, a va PRVOJ usranoj epizodi ona mu reče da ne želibit žnjin!!!
A va najavi druge epizode vidiš kako se Macy dere na Nicka!!
Pa dobro, KAMP OVISTI SVIT GRE?!!
Ča ne moru baren va timi beznačajnimi serijami zadržat iluziju da ćemo si na kraju imit srićan kraj?!!
Da ne moramo prolazit kroz sa ta sranja ča nan život sakodnevno priređuje, da ne moramo patit ako se zaljubimo va krivu osobu....ili ča god već-
Totalno ni fer!!!
I´m NOT ready for serious!!!!!!
To je jedna pisma med milijardami ke san otkrila od prošlog posta.
Ti ljudi stvarno su talentirani, ča god drugi rekli, samo baš i nisu poštovani zbog ....
Još jedna pisma.
Kako god.
Danas mi je to slušanje bedastoć pomoglo na inicijalnon z engleskog xD
Bizarno, ali istinito.
Pa se sad vi žalite!
Mislin na Em, Alice i Linoleum girl.
Inače, mrzin komedije.
Ne gljedan ih nikad osin ako san stvarno očajna, ča je očito bil slučaj va zadnje vrime, aš se praktički ne skidan z Disneya. Okej i MTV-a.
Kad smo već kod MTV-a, gljedala san VMA i nekako iman dojam da je pol onih nastupih bilo na playback.
Znan da Taylor Swift, Hayley Williams, Usher i još neki nisu...Uglavnom, aš su lagano falšali.
Najviše me iznenadila Rihanna, aš ona inače zna pivat. Hm. Morda su krivi moju usrani zvučniki. Vjerojatno.
Kako god, ja znan da Bieber ni va stanju onako dobro otpivat nič otkad mu glas mutira stalno falša, a pogotovo ne dokle juriša po pozornici!!!
Tako da mi je to bilo malo fejk.
I još par nastupih.
Ah, kako god.
Bome san vas udavila z ovin poston!
Ne smo da je dugačak, nego ima i ričih ke niki sigurno neće razumit!
Moje isprike radi toga!
Ako nič ne razumite, slobodno pitajte!
Gren pobrat robu z žice!
Fala na čitanju,
vaša totalno retardirana Bellica
imam molbu!!!
svake godine sudjelujem u dramsko-recitatorskom natjecanju lidrano.
ove godine sam planirala, točnije, nastavnica i ja smo planirale, da ove godine održim monolog.
ako imate kakvu ideju, pročitali ste neku dobru knjigu u prvom licu ili nešto slično, MOLIM VAS da mi to napišete u komentarima!
hvala!!
